Бичлэгийн тоо 3,329
Францын
нийслэл Парис хотноо жил бүр зохион байгуулдаг “Salon du dessin” олон
улсын уран бүтээлчдийн үзэсгэлэнгээс манай зураач П.Энхмаа дэд гран при
хүртжээ. Тэрбээр чех бүсгүйн хөрөг зурсан аж. Францын “Academic de
port-royal” байгууллагаас зохион явуулдаг уг үзэсгэлэнд зураачид амьд
моделиор бүтээлээ туурвиж оролцдог онцлогтой юм байна. Тус академи
дэлхий дахинд уран бүтээлийг нь таниулах зорилгоор орон орны шилдэг
зураачдыг бэлтгэдэг аж.
Манай улсаас анх удаа тус академид сурч байгаа зураач П.Энхмаа абстракт, инстоляци урсгалаар бүтээл туурвидаг бөгөөд Япон улсад 10 гаруй жил ажиллаж, амьдарч байгаа гэнэ. Тэрбээр Японд бие даасан үзэсгэлэнгээ гаргажээ. Мөн монгол, японы уран бүтээлчдийг холбох гүүр нь болохоор ажиллаж буй гэсэн.
NHK телевизийн “Дэлхийн урлагийн хөгжил” нэвтрүүлэгт Монголоос анх удаа оролцож өөрийн орны соёл, уран зургийн талаар ярьсан тэрбээр Японы Яманаши сургуульд урлаг судлаачаар магистрын зэрэг хамгаалсан бөгөөд одоо Францын дээрх академид урилгаар докторантурт сурч байна.
wooow