Бичлэгийн тоо 3,329
Үндэсний
оношлогооны төвийн шав ёслол өнгөрсөн бямба гаригт боллоо. Клиникийн
нэгдсэн II эмнэлгийн хашаанд барих тус төвийг ашиглалтад оруулахад 65
сая гаруй ам.доллар шаардлагатай гэсэн тооцоо гарчээ. Энэ санхүүжилтийн
55.4 саяыг БНСУ-ын Засгийн газрын хөнгөлөлттэй зээлээр, үлдсэн 10 гаруй
сая долларыг манай улсын Засгийн газраас гаргахаар хоёр тал тохиролцож,
өнгөрсөн дөрөвдүгээр сард гэрээнд гарын үсэг зуржээ. Ингэснээр үйл
ажиллагаагаа эхлэх орчин бүрдсэн байна.
“Үндэсний оношлогооны төвд оношзүй, лабораторийн орчин үеийн техник хэрэгсэл суурилуулахаас гадна тэнд ажиллах эмч мэргэжилтнүүдийг тус улсад бэлтгэнэ. Мөн Солонгосоос эмч, мэргэжилтнүүд ирж ажиллана. Тэнд телемедицин буюу алсын зайн оношлогооны төв байгуулна” гэж Эрүүл мэндийн сайд Н.Хүрэлбаатар ярилаа. Энэ бүх ажлыг БНСУ-ын компаниудаар гүйцэтгүүлэх бөгөөд манайхан ажлын явцад хяналт тавих зэргээр оролцох аж.
Үндэсний оношлогооны төвтэй болсноор Монголд хийдэггүй олон төрлийн эмчилгээ, оношлогоог нэвтрүүлж, эрүүл мэндийн салбарын тусламж үйлчилгээний чанарт дэвшил гарна. Тиймээс энэ чухал ажлыг аль болох түргэн хугацаанд гүйцэтгэхийг Солонгосын талд сануулжээ.kkkkkkkkkkkkkkkkkkkkkkk
sain bna