Би өөрт тулгарсан асуудлаа та бүхэнтэй хуваалцаж санал зөвлөгөө авах гэсэн юм. Би 3 жилийн өмнөөс гадаадад байхдаа 1 залуутай танилцаж үерхэж эхэлсэн юм. Би түүндээ их хайртай байсан бөгөөд түүний төлөө өөрт байгаа бүхнээ золиосолсон, тэр маань ч надад их хайртай юм шиг санагдаж байлаа. Тэнд байх хугацаандаа үе үе хэрэлдэж муудалцах үе гардаг л байлаа.

Ноднин зун би Монголдоо буцан ирж найз залуу маань үлдсэн, тэгээд тэр маань тэндээ байж байгаад сая шинэ жилийн өмнө ирсэн. Их санасан байсан болохоор надад ч тэрэнд маань ч их л сайхан байсан.

Гэтэл тэрнийг ирснээс хойш хэд хоногийн дараанаас надад шээсний замын зовиур илэрч 2лаа шинжилгээ өгсөн чинь тэрнээс бэлгийн замын халдварт өвчин илэрсэн, гэтэл тэр үгүй ээ, би өөр хүнтэй унтаагүй, огт тийм юм болоогүй, би 8 жилийн өмнө тусаад дутуу эмчлүүлсэн тэр л гарсан байх гээд байсан. Гэтэл өмнө нь бид хамт байхад тэр 8 жилийн өмнөх юм надад халдвал халдахаар л болсон баймаар юм гэж бодоод би итгэж чадахгүй байсан. Би түүндээ хайртай болохоороо хүчээр өөрийгөө итгүүлээд л би ингэж уучилсан юм чинь дахиж гомдоохгүй байхдаа гэж их итгэж байсан.

Гэтэл өчигдөр тэр надаас тас нуугаад тэнд гадаадад танидаг байсан хүүхэнтэйгээ уулзсан гэнээ. Өдөр нь надад энэ тухайгаа юу ч хэлэхгүй байсан мөртлөө орой нь намайг залгахаар утсаа ч авахгүй, хүнтэй уулзаж байна гээд мессеж явуулаад алга болчихсон. Тэгээд шөнө болсон хойно нөгөө хүүхнээ явуулчихаад мессеж явуулсан. Тэр хүүхэнтэйгээ уулзаж байхдаа намайг зөндөө залгахад утсаа огт аваагүй. Тэгээд надаас уучлал гуйх нь байтугай огт тоосон шинжгүй байсан.

Тэр өвчин туссанаас нь хойш би түүнд итгэдэггүй болж ууж идээд явна гэхээр нь хардах болсон л доо, тэгээд намайг харддаг болсноос болж утсаа авбал тэрнийг хүний өмнө эвгүй байдалд оруулна гээд утсаа авалгүй, хэлээгүй уулзсан гэж тайлбарласан.

Найз залуу маань надаас 3 дүү, аймаар хартай, тэнд байхдаа намайг хардаж элдвээр хэлдэг байсан, би ч хайртай болохоороо хол байгаадаа бухимдаж тэгдэг байсан биз гээд уучлаад өнгөрөөдөг байсан. Гэтэл өөрөө ийм байдалтай байгаад байх юм. Намайг сар ч хүрэхгүй хугацаанд Монгол яваад ирэх хооронд тэндхийн алдартай явдалтай хүүхнүүдтэй далай явж зугаалсан гэсэн, надад юу ч хэлээгүй байсныг нь хүнээс дуулсан. Тэгээд юу ч болоогүй найздаа танилцуулах гэж авч явсан гэж тайлбарласан.

Бас уурласан үедээ намайг пизда гэж хэд хэдэн удаа хэлсэн, түлхэнэ, чирнэ. Дахиж хэзээ ч тэгэхгүй л гэдэг тэгээд л давтагдана.

Ийм хүнд итгэж цаашдаа амьдралаа холбох хэцүү санагдаад байна. Тэгээд бас би бага насны охинтой болохоор охиныг минь зовоох байх гэж айгаад байна. Урьд нь би иймэрхүү юм тохиолдвол шууд сална л гэж боддог байлаа. Хүүхнүүдийг нөхөр нь хуурсан гэж сонсоод салахад яадаг байнаа гээд л. Яг өөрт тохиолдохоор хэцүү байдаг юм байна.

Та бүхэн надад зөвлөгөө өгөөч, тэгвэл жоохон ч гэсэн эрч хүч авч шийдвэр гаргамаар байна.