Алт бол хосгүй бараг ид шидтэй металл. Айл бүрт л өвөг дээдсээс уламжлан ирсэн алтан зүүлт, бэлзэг бий. Тэр нь хэн нэгний амийг аварсан эсвэл азгүй тохиолдол болохыг урьдчилан сануулсан байдаг гэх.

Алт ба Марс

Алт бол одон зурхайгаар хонины ордтой холбоотой тул дайнч бурхан Марс болон галын хүч чадлыг илэрхийлэгч. Харин Марс эмэгтэй хүнд хайртай, тэднийг дайснаас хамгаалж, ивээлдээ авахад хэзээд бэлхэн байдаг гэх. Алт нь үзэсгэлэнт хатагтай нарын чимэг зүүлт болоод зогсохгүй балар эрт үеэс л алтаар хийсэн сахиус зүүснээр илүү дур булаам, эрч хүчтэй, эрүүл саруул байж хэцүү цагт аюулаас зайлж мултрахад нь тусалдаг байсан тухай олон домог, хууч яриа бий. Алтыг ихэвчлэн хөгжилтэй, өөдрөг үзэлтэй бүсгүйчүүд илүү таашаан хэрэглэдэг гэнэ. Марс бурхан тэдэнд бүх талаар тусалдаг бол харин гутранга үзэлтэй нэгнийг таашаадаггүй гэх. Бухимдуу, уйтгартай хатагтайд алт нь эрч хүчээ дэмий хоосон зүйлд зарцуулахаас хамгаалж өгдөг байна.

Алт ба зурхай судлал

Одон зурхайгаар бол гал – шороо бүхий арслан, хонь, үхрийн ордууд алтыг байнга эдэлж хэрэглэхэд ээлтэй байдаг гэнэ. Гал – агаар бүхий нум, хумх, хилэнц, матарын ордуудад ээлтэй хэдий ч алтан эдлэлийг үе үе авч, хэрэглэхгүй байх нь дээр гэнэ. Харин бусад ордууд алтыг зөвхөн гоёл чимэглэлийн зориулалтаар баяр ёслолд л хэрэглэвэл ээлтэй байх аж. Одон зурхайгаар бол гал –шороо, гал- агаар, галтай жинлүүрүүд нарны идэвхижил сулрах үед түүнийг орлуулах үүднээс алтыг хэрэглэх хэрэгтэй бол харин ус, ус – агаар бүхий жинлүүрүүд нь алтыг хэрэглэхгүй байх нь ээлтэй. Алт нь зөвхөн жинлүүрийн орд ч бус дан ус, ус – газар эсвэл агаар – устай хүмүүст сөрөг үйлчлэлтэй байдаг аж.

Загас болон мэдхийн ордууд цагаан алт эсвэл алт мөнгөний хослол эсвэл цагаан алттай мөнгийг хэрэглэхэд ээлтэй байдаг. Ер нь алт мөнгөний хослол нь хүний биеийн хамгийн сайн хянагч байдаг гэнэ.

Өв залгамжилсан алт

Алт удам судрын тухай мэдээллийг илүү сайн хадгалж үлддэг тул хэн нэгэнд гэрээслэн үлдээвэл, түүнийг өвлөн авсан хүн нь өвөг дээдсийн уламжлалыг сахих ёстой гэнэ. Ямар ч тохиолдолд нас барсан хүнийг алтан эдлэлтэй нь хамт хөдөөлүүлж болдоггүй гэх бөгөөд нас барснаас хойш гурав хоног хэтрүүлэлгүй тайлж авах ёстой гэх. Өв залгамжлан үлдээсэн алтан эдлэлийг дөчин хоног далд хийж хадгалсны дараа сая гаргаж, үе удамшин ирсэн алтан эдлэл маягаар эдэлж зүүх ёстой юм байна.

Хулгайлагдсан эсвэл муу аргаар орж ирсэн алт нь золгүй явдлыг дагуулдаг гэх. Ялангуяа бусдад хөнөөгдсөн хүнээс авах эсвэл бунхан булшнаас гаргаж авсан алтан эдлэлийг зүүж хэрэглэхэд нь илүү хортой үр уршиг учруулдаг гэнэ.

Алтыг хэрэглэх тухай зөвлөгөө

Алт нь хүний биеийн хэсгүүдэд өөр өөрөөр үйлчилдэг байна. Алтан гинж, зүүлт нь зүрхний ажиллагаанд эерэгээр нөлөөлж, хүнийг тайвшруулдаг юм байна. Тиймээс амархан бухимддаг, сэтгэлийн хөдлөл ихтэй, биеэ барих чадвар сул, сэтгэлийн хөөрөлтэй эсвэл сэтгэл санаа болон мэдрэлийн ачаалал ихтэй ажилладаг хүмүүс зүүж хэрэглэх нь илүү тохиромжтой. Харин бусад хүмүүст алтан гинжнээс илүүтэй алтан бэлзэг зүүх нь илүү ээлтэй байх гэнэ.

Алтан бэлзэг, бөгж нь ажил хэрэгч, идэвхитэй хүмүүсийн хамгийн ивээл сахиус нь байдаг. Алтан бэлзэг нь хүнд өөртөө итгэх итгэлийг өгч, саад тотгор бэрхшээлийг давж туулахад нь туслан, амьдрал ахуйн бэрхшээлээс гаргадаг. Яагаад ядам хуруунд хуримын бөгж зүүдэг юм бол. Яагаад гэвэл, дурламтгай арслангын ордынхыг нар ядам хуруугаар нь удирддаг бөгөөд тэр хуруунд зүүсэн алтанд илүү хүчтэй нөлөөлдөг гэнэ. Та бас үе дамжин ирсэн хуримын бэлзгийг зүүхдээ болгоомжтой хандах хэрэгтэй гэнэ. Учир нь өвөг дээдэст тань амжилтгүй, аз жаргалгүй гэр бүл байсан бол тэрхүү бэлзэг нь өмнөх эзэмшигчийнхээ "аурыг" хадгалсаар байдаг аж. Тиймд хуримын бөгжний хувьд аль болох өв залгамжилж ирсэн бэлзэг сонгохгүй байх нь дээр гэх.

Алтан ээмэг нь охидуудыг хамгаалдаг. Орчин үеийн ээжүүд охиноо хоёр нас хүрэв үү үгүй юу чихийг нь цоолж, алтан ээмэг зүүлгэдэг. Тэд үүнийгээ илүү моодны бас таатай хэмээн үздэг. Тэгвэл үнэн хэрэгтээ ээж нарт зөн билэг нь охидыг нь таагүй зүйлээс хамгаална гэдгийг хэлж өгдөг байна.

Алтыг хэрхэн цэвэрлэх вэ

Орчин үеийн алтан эдлэл өнгөө амархан алддаг болсон. Үүнийг алтны анагаах чанартай холбон тайлбарладаг ч үнэн хэрэгтээ бол жирийн химийн урвал л явагдаж буй хэрэг аж. Харин 999-ийн сорьцтой цэвэр алт нь хэдэн зуун жил болсон ч өнгөө огт алдахгүй. Алтаар хийсэн эдлэл, гоёл чимэглэлийг гэрийн нөхцөлд болон уран дархны газар цэвэрлэхдээ шүдний оо, нашатирын дусал, бүлээн савантай ус эсвэл замшаар арчиж цэвэрлэнэ. Ингэж цэвэрлэснээр зөвхөн өнгө оруулаад зогсохгүй бас алтны анагаах увьдсыг ч эргүүлэн олж авах болно