Эрчүүд гэдэг эмэгтэй хүний санаанд оромгүй жижиг сажиг зүйлийг анзаарчихсан байдаг маш гярхай улс. Тэд хүүхнүүдийн бие хаа, нүүр царай, хувцас хунар, дуу хоолой, өндөр нам, нүдний харц, үсний зүүлт, хувцасны ханзархай зэргийг тун соргог хардаг гэнэ. Иймд эмэгтэй хүн оньсого мэт байх учиртай. Эмэгтэй хүний гэнэтийн ч гэмээр үйлдэл, бусдаас ялгагдах давтагдашгүй байдал нь эр хүйстний сонирхлыг татаж дур хүслийг төрүүлдэг аж.

Будалт
Нүүр амаа хэт маяглуулж будах хэрэггүй. Гэхдээ огт будахгүй бол бүр ч дэмий. Уруул, сормуусаа будсан бүсгүй хүн жавхаатай харагддаг.

Алхаа
Алхаа эмэгтэй хүнийг чимдэг төдийгүй гоо сайхныг илэрхийлэх нэг хүчин зүйл болдог. Хүүхнүүдийн, бөгсөө хаялсан сэвэлзсэн хөнгөн алхааг эрчүүд таалдаг аж. Хэт хурц үнэртэй сүрчиг түрхсэн эмэгтэйчүүлд эрчүүд дургүй. Харин эмэгтэй хүний төрөлхийн ялдамхан үнэр л тэдэнд таалагддаг. Хэрэв үнэртэн, сүрчиг түрхэх бол аль болох зөөлөн тансаг үнэртэйг сонгоорой.

Арьс
Эрчүүдэд эмэгтэй хүний цэвэрхэн царай ихэд таалагддаг. Царайлаг байхын тулд нүүрний арьсаа байнга арчилж байх хэрэгтэй. Сайхан нүд, хөмсөгтэй хирнээ батгатай нүүртэй бол эрчүүд таныг таална гэдэг эргэлзээтэй.

Үс
Хими хийлгэсэн юмуу, арзайлгасан үстэй хүүхнүүд эрчүүдэд таалагддаггүй. Хамгийн гол нь, үс нь урт богинодоо биш харин аль болох өөрт нь зохисон, засалттай байвал эрчүүдэд маш их таалагддаг гэнэ.

Инээмсэглэл
Эрчүүд сайхан инээмсэглэлд тун дуртай. Угаасаа эрчүүдийн зүрх сэтгэлийг гижигддэг зүйл бол хүүхнүүдийн ялдамхан инээмсэглэл байдаг. Тэгээд ч инээмсэглэл гэдэг эмэгтэй хүнийг чимдэг. Бүсгүй хүн царайлаг биш байлаа ч сэтгэл татам сайхан инээмсэглэдэг байхад л эрчүүд тан руу хуйлрах болно.

Харц
Эрчүүд хамгийн түрүүнд хүүхнүүдийн нүд рүү хардаг. Ихэмсэг харц, хүйтэн хөндий дүр төрхтэй эмэгтэйгээс эрчүүд бараг зугтаадаг гэхэд болно.

Хувцас
Хувцас гэдэг учиртай. Өгзөг, ташаа, биеийн гоо үзэсгэлэнг харуулсан бие барьсан хувцас өмссөн бүсгүй хүн эрчүүдийн анхаарлыг өөрийн эрхгүй татдаг байна.