“Би чамд хайртай” киноны  Үрлээ, Баяраа нарын охины дүрийг залуу жүжигчин Ч.Ундрал амилуулсан юм. Уг кинонд тоглохдоо тэрээр төрөөд үрийн зулай үнэрлээд 4-хөн сартай байхдаа тоголжээ. Тиймээс тэрээр яг л тамирчин шиг 7 хоногийн дотор 5,6 кг хаяж өөрөөсөө нилээн дүү охины дүрийг чадварлагаар гаргажээ. Асар их хүч шүү.  Түүнийг “Hero” энтертайнментын  захирал Б.Баатарын гэргий гэдгийг хүн бүр андахгүй биз ээ. Тэрбээр Соёл урлагийн их сургуулийн жүжигчний ангийг 2002 онд төгссөн юм. Ингээд жүжигчин Ч.Ундралтай ярилцсанаа хүргэе.




"Би чамд хартай" киноныхоо сэтгэгдлээс хуваал­цах­гүй юу?
”Би чамд хайртай” кино нь монголчуудын зүрх сэтгэлд хүрчихсэн. Тийм учраас бид энэ киноны хоёрдугаар ангийг муу хийх, уран бүтээлчдийн хувьд муу тоглох эрх байгаагүй. Уран бүтээлчид маш хариуц­лагатай ажилласан гэж бодож байна. Энэ киног хийсэн хүн бүр сайн  бол­сон гэж хэлэхдээ итгэл дүүрэн байх болно. Үзэгчид маань уг киног тэсэн ядан хүлээж байсан.


Та хичнээн кинонд дүрээ үлдээв?
Сургуулиа төгсөөд кинонд тоглоогүй юм байна. Харин оюу­тан байхдаа нэлээн хэдэн хэдэн кино, жүжигт тоглосон. Оюутан байхдаа “Тайчигч хөвгүүд ба саарал гудамж”, “Дурлахгүйгээр үнсэлцье”, “Нөхрөө надад зар­чих” зэрэг жүжигт тоглосон. Харин кино нь гэвэл “Өрөмний өт”, “Тавилан”, “Гурван долоо хоног”, “Чи нэг нь”, “Дурлалд тавтай морилно уу” зэрэг юм байна.


Кинонд тоглож байхад хэцүү санагдаж байсан үе нь хэдийд вэ?
Оюутан байхдаа Монголын үндэсний олон нийтийн теле­визийн найруулагч Баярын дип­ломын ажил болох “Гурван долоо хоног” кинонд тоглосон. Хэдий­гээр энэ кино дипломын ажил байсан ч  сайн кино болж чадсан. Кино зураг авалтынхан Тэрэлжид 21 хоног хөдөө байсан. Тэгэхэд өвс шиг юмаар юбка хийж өм­сөөд, хөл нүцгэн зуссан. Арван­нэгэн сарын сүүлээр гэхэд голын хүйтэн ус, хүрхрээнд зураг авахуулаад хэцүү байсан л даа. Гэхдээ энэ нь тэрхэн үед хэцүү санагдаж байсан. Одоо бодоход хэцүү гэж бодохгүй байна. Жүжиг­чин хүний хийх л ажил юм чинь. Үүнээс ч хүнд ажил, мэр­гэжилтэй хүн зөндөө байгаа.


Жүжигчин Өөдөөтэй хамт­ран хамтлаг байгуулж байсан шүү дээ. Дуулах, жүжиг­­лэхийг хослуулж бай­сан гэж болох уу?
Би мэргэжлийн дуучин биш л дээ. Дуулах нь миний бас нэг хобби гэж хэлж  болно. Жүжиг­чин хүн учраас төрөл бүрийн жанраар өөрийгөө сорихыг хүс­сэн. Багш нар маань ч бас тэгж хэлдэг байсан. Миний арав гаруй дуу бий. Мөн жүжигчин Өөдөөтэй хамтран дуулсан хэдэн дуу байгаа. Дуу­нуудаараа DVD, CD  гаргасан. Сүүлийн үед дуулахгүй байна.


Таны амьдралдаа авч бай­сан хамгийн том бэлэг юу вэ?
Амьдралдаа нөхрөөсөө л том бэлгийг авсан юм байна. Энэ нь миний хувьд хүү маань юм даа. Үүнийг хамгийн том бэлэг гэж боддог. Хоёр дахь том бэлэг “Би чамд хайртай”-2 кино юм байна. Нөхөр маань “Би чамд л зориулж энэ киноны хоёрдугаар ангийг хийх гэж зүтгэж байна” гэж хэлсэн. Ийм том бэлэг авсандаа баярлаж бас аз жаргалтай байна.


Танай гэр бүлийн найз?
Бид урлагийн хүмүүс учир урлагийнхантай ойр найзал­даг. Ялангуяа, урлагийн залуу гэр бүлтэй. “В” продакшны захирал, дуучин Д.Болд, “Номин­талст”-ын Батсүх гээд олон гэр бүлтэй сайхан найз нөхөд.


Хамгийн аз жаргалтай бай­сан үе хэзээ вэ?
Сайхан гэр бүлд өсөж төр­сөндөө аз жаргалтай  байдаг. Ямар ч хайраар дутаахгүй өс­гөсөн ээж аавтайдаа аз жар­галтай явдаг. Миний аав, ин­женер, ээж маань  эмч мэр­гэжилтэй. Мөн жүжигчний мэр­гэжил эзэмших гээд сургуульд орохдоо, төгсөхдөө  анхны уран бүтээлээ хийж байхдаа аз жар­гал­тай байсан. Харин хүүгээ төрүүлсэндээ хамгийн их аз жаргалыг эдэлж байлаа.


Ямар үед сэтгэлээр унадаг вэ?
Миний эргэн тойрон, хажууд минь сайн хүмүүс байгаа учир  сэтгэлээр унах нь гайгүй шүү. Хэрэв сэтгэлээр унавал тэд маань амархан “өргөөд” бос­гочих­дог.


Эмэгтэй хүний сайхан нь?
Сайхан сэтгэлтэй эмэгтэйг л хэлнэ. Миний хувьд сайхан сэтгэлтэй байвал сайхан эмэг­тэй хүн юм гэж үнэлнэ.


Таны нэг тодорхойлт бай­даг шүү дээ. Эмэгтэй хүн жижиг­хэн байх тусмаа шигтгээ шиг гэж?
Манай хүн “Чи дандаа ингэж хэлдэг. Өөрөө жижигхэн болохоор л тэгж хэллээ” гэдэг юм. Намайг тэгж хэлээд байхаар манай хүнд тэгж санагдсан байж магадгүй л дээ. Гэхдээ заавал жижигхэн биетэй байснаараа шигтгээ шиг болохгүй. Том бие­тэй ч гэсэн эрдэнийн чулуу шиг сайхан хүүхнүүд зөндөө бий.


Авьяаслаг уран бүтээлч гэдгийг чинь мэднэ. Харин хэр сайн гэрийн эзэгтэй вэ?
Сайн л байхыг хичээж бай­на. Бараг хичээлтгүй. Зүрх сэт­гэлээс хайр ундран гарч байгаа учраас сайн ээж, эхнэр л байхыг хичээдэг.


Танай “Hero” энтер­тайн­ментаас чанартай, олон сайн клипүүд гардаг. Дараагийн уран бүтээл юу хийхээр төлөв­лөж байна вэ?
Манай “Hero” энтертайн­мент кинонд бэлтгэж байгаа. Гэхдээ эхлээд “Би чамд хайр­тай”-2 киноныхоо борлуулалт, менеж­ментийг харна. Манайх олон хамтлаг дуучны дууны клип дээр ажиллаж байсан. Энэ кино маань амжилттай байвал кино­ныхоо уран бүтээлд орно доо. Хажуугаар нь дууныхаа клипийг ч хийнэ.
 

Үнэхээр эрч хүчтэй эмэгтэй юм. Нялх биетэй хүн 7 хоногийн дотор 5,6 кг хасаж кинонд тоглоно гэдэг хүнд асуудал шүү. Мөн өрөөсөө нилээн дүү хүний дүрийг бүтээсэн байсан.