Сэтгэлээ хуваалцаж зєвлєгєє авахаар .. Би одоо 29 настай

бусадтай адил зах дээр ойр зуурын юм зарж єдрийнхєє хоолны мєнгийг олдог. Намайг хvмvvс ихэвчлэн их даруухан дуу муутай гэдэг юм. Одоо 7 настай охинтой, удахгvй хоёр дахь хvvхэд маань тєрнє.

Би оюутан байхдаа нэг залуутай жил гаран хиртэй vерхэж байгаад тvvнээс хvvхэдтэй болсон юм. Бид албан ёсоор гэрлээгvй ч хоёр гэрийнхээ дунд л байдаг байлаа. Гэтэл нэг удаа нєхрийнхєє ажил дээр vдэшлэгт оролцсон юм. Тэгэхэд найз залуугаас маань хэд эгч бололтой эмэгтэй хамт бvжиглээд янз бvрийн ааш зан гаргаад байгаа нь надад мэдэгдээд байсан ч би огт тоогоогvй л дээ.

Гэтэл тэр эгчмэд хvvхэнтэйгээ холбоотой болоод удалгvй тvvнтэйгээ нэг гэрт орчихсон. Энэ явдал надад хvнд цохилт болж би бараг юу ч хэлж чадахгvй байсаар тvvнийгээ явуулчихаж билээ. Уйлаад л, уйлаад л… Тэгэхэд би охиноо олчихсон байсан юм. Эмэгтэй хvн голдоо ортол гомдчихвол уучилж чаддаггvй юм байна лээ.

*****ХАЙРЫН ДЭЭД ХАНЬ МИНЬ*****

Хожим нь найз залуу маань над дээр хэд хэд ирж хоёулаа буцаад сууя гэж гуйдаг байсан ч би уучилж чадалгvй охиноо ганцаараа єсгєсєн. Тэд одоо хоёр хvvхэдтэй болсон ч хэрэв намайг л зєвшєєрвєл тэднийгээ хаяад ирэхэд бэлэн байдаг юм. Харин надад хоёрын хоёр хvvхдийг єнчирvvлэх сэтгэл зvрх алга. Тэгээд ч тvvнд єгсєн миний сэтгэл хєрсєн болохоор урьдын адил тvvнийг хайрлаж чадна гэж vv дээ.
Залуу насны алдаа охиныг минь надад заяаж тэр миний баяр баясгалан болсон. Тухайн vед аав ээж минь эцэггvй хvvхэд гаргах гэлээ гэж их л дургvйцэж байсан ч тэд маань хvvхдээ тєрvvлэхийг зєвшєєрсєн юм. Охин маань одоо том болоод тусд орж байна. Захаас тараад ирэхэд хичээлээсээ ирчихсэн эмээдээ хоол хийхэд нь туслаад сууж байдаг.

Би Эрээн Улаанбаатарын хооронд бараа зєєж зах дээр суусаар бараг 3 жил болж байна. Євлийн цагт цистит хєдєлж намайг ганц сайн зовоох юм. Гэсэн ч зах дээр зогсохгvй гээд ажил хайхаар даанч олдохгvй бvгд л єндєр, царайлаг, гадаад хэлтэй залуу охидыг сонирхоно. Би чинь цагийн сайхан УБИС тєгссєн дээд мэргэжлийн багш хvн шvv дээ. Дахиад суръя гэхээр тодорхой хэмжээгээр ихэнх цагийг сургууль дээрээ єнгєрєєнє. Харин тэр хойгуур хэн надад гэртээ хоол аваарай гээд мєнгє єгєх билээ. Мэргэжлээрээ ажиллая гэхээр 80.000 тєгрєгний цалин авна. Над шиг хvvхэдтэй хvнд энэ хаана ч хvрэхгvй.

Охиныхоо эцгээс салснаас хойш би гурван ч залуутай холбогдож орой vдэш уулздаг байлаа. Гэхдээ тэр бvгд тvрхэн зуурын л найзууд байсан. Харин хоёр жилийн ємнє би нэгэн залуутай танилцсан юм. Тэр надтай л адилхан зах дээр юм зарж мєнгє олдог. Жил гаран бид хоёр уулзаж манайхаар ирж очин байдаг байлаа. Гэтэл би жирэмсэн болчихлоо. За яахав “охинд минь ханьтай, алийн болгон ганцаараа байхав, болж бvтвэл нэг гэртээ орж хамт амьдаръя” гэж бодож их л баяртай байлаа. Гэтэл хvvхэд маань дєрвєн сар болсоны дараа би тvvнийг эхнэртэй, охиноос минь нэг ах хvv, 4 настай охинтой болохыг нь мэдсэн. Тэд албан ёсоор гэрлэлтээ цуцлуулаагvй гэсэн. Дахиад л хувь тавилан минь надаар тоглочихов уу. Эсвэл би ийм аз заяагvй хvн юм уу?

Хvvхдээ авахуулъя гээд эмчид vзvvлтэл “хvvхэд томорсон, эхийн эрvvл мэндэд маш аюултай” гээд зєвшєєрєєгvй болохоор хvvхдээ гаргахаар шийдсэн. Удахгvй тєрнє. Харин хvvхдийнхээ эцэгтээ суух уу? Эсвэл бас л эцэггvй хvvхэдтэй хоцрох уу? Тvvнээс сална гэхээр “Би чамд хайртай эхнэрээсээ бараг салчихсан байсан юм” гээд тийм ч амар салахгvй гэх юм. Гэтэл би ч бас тvvнд хайртай. Тэр миний урьд нь найзалж байсан залуучуудаас арай л єєр юманд сэтгэлээсээ ханддаг, цайлган, бас их халамжтай vvнд нь л би их татагдаад байдаг байх. Харин хамгийн дургvй хvрдэг зvйл гэвэл надтай уулзаж хамт байх vедээ хуучин эхнэр дээрээ хааяа очдог байсан юм билээ. Бvр хєдєє явлаа гээд 3 хоног явахдаа эхнэрийндээ байсан гэсэн. Нэгэнт л салж єєр амьдралтай болсон юм чинь яагаад эхнэр лvvгээ гvйгээд байдгийг би ер ойлгохгvй юм. Ямар нэг шалтгаан байдаг юм болов уу?

Тэр миний охинд их сайн єєрийн охин шигээ л ханддаг байсан. Охин ч их дасчихсан. Эцгийн хайрыг мэдрээгvй єссєн охин маань тvvнтэй байхдаа их жаргалтай байх шиг санагддаг юм. Харин сvvлийн vед архи уусан vедээ болон уурлахдаа охинд маань бас надад ч гэсэн гарч хvрчих гээд байдаг болчихлоо. Ийм зан гаргаад байгаа болохоор охиноо ээж аав дээрээ хашаа байшиндаа орхиод бид хоёр тусдаа амьдрахаар болсон. Гэтэл тэр нь єєрийнх нь хуучин гэртээ нь бараг зэргэлдээ. Би яаж нєхрийнхєє хуучин эхнэртэй нь бараг л цуг шахуу єдєр бvр тааралдаж амьдрах юм бэ? санаанд ч багтахгvй байна. Муугаар бодоход тэр хоёр авгайн дунд, хоёр гэрийн хооронд явах нь байна шvv дээ.
Амьдрал хvний хvссэнээр болдоггvй л гэдэг. Гэхдээ яагаад заавал миний амьдрал ийм байх ёстой гэж бодохоос би галзуурах нь ээ… Хамгийн гол нь би тvvнд их хайртай. Энэ бvгдийн яаж зохицуулах вэ? Надад туслаач.

Тунгаа



 хvмvvс ихэвчлэн єєрийгєє зєвтгєсєн байдаг. Энэ захидалд ч бас л иймэрхий аяс байна. Эмэгтэйд хандаж юуг чухалчлан зєвлєх вэ?
- Сvvлийн vед хvvхэдтэйгээ, нєхєр, эхнэртэйгээ яаж харьцах ёстой вэ? гэсэн наад захын мэдлэг муугаас болоод єєр хоорондоо их зєрчилддєг болсон. Манайд хандсан хvмvvст бид дараах зvйлийг зєвлєдєг л дєє. Хамгийн энгийнээс нь дурьдвал тухайн хоёр хvн муудалцах vедээ ємнєх маргааныг дурьдахгvй, аль болох бие биенээ доромжлохгvй, хєндлєнгийн хvмvvсийг маргаандаа оролцуулахгvй байх гэх мэт зvйлсийг зайлшгvй мэдэх хэрэгтэй юм.

Хvнд сайн, муу далд генvvд байдаг. Эдгээр нь амьдралын явцад идэвхждэг. Жишээ нь гэр бvлийн эхнэр нєхєр байлаа гэж бодъё. Нєхєр нь их дуугай, даруухан хvн байж. Гэтэл эхнэр нь тvvнийг тэсэхийн аргагvй муухай vгээр аашилж загнаад байхад нєхєрт нь байгаа муу генvvд нь идэвжиж эхэлдэг. Тэгээд муухай авир гаргадаг. Харин эсрэгээр нь магтах ч юм уу эсвэл эвийг нь олоод харьцаад байвал тухайн хvн єєрчлєгдєхгvй л дээ. Манай бvсгvйчvvд нэг зvйл дээр алддаг. Юу вэ гэвэл нєхрєє хардаад яг яасан бэ гээд л хэлvvлэх гэж оролддог. Хvн заавал муу юмыг илрvvлэх гэж оролдох шаардлага байхгvй шvv дээ. Єєрт нь ч хэцvv байх болно. Тийм учраас ийм тохиолдолд салъя гэсэн бодолгvй л бол зарим vед мэдсэн ч мэдээгvй дvр vзvvлж байх хэрэгтэй. Ингэснээр зарим гэр бvлийн амьдрал бат бєх ч болдог.

- Дахин амьдрал зохиосон хvмvvст захидалд дурьдсан шиг зvйл их ажиглагддаг. Энэ нь тэдний харьцаанд их нєлєєлдєг байх. Vvнийг та юугаар тайлбарлах вэ?
- Эрэгтэй эмэгтэй хvмvvс сэтгэл зvйн онцлогийн хувьд єєр єєр байдаг. Эрэгтэй хvн анхны хvнээ мартдаггvй байхад эмэгтэй хvн сvvлийнхийгээ мартаж чаддаггvй. Эрэгтэй хvн анхны ханиа эсвэл анхны эмэгтэйгээ насаараа хайрладаг. Дахин хvнтэй холбогдсон ч зуурдын сэтгэлээр хайрласаар анхны хvндээ хандаж байсан шигээ дараагийн эмэгтэйдээ хандаж чаддаггvй нь харагддаг. Харин эмэгтэй хvн болохоор хамгийн эхнийх гэхээсээ илvv сvvлийнхийгээ мартдаггvй.

Захидлын эзэн эмэгтэй шууд л эхнэрээсээ сал, битгий оч гэж хэлж болохгvй л дээ. Яагаад гэвэл мах цусны нь тасархай болсон хvvхдvvд нь байна. Тэгээд ч ємнє нь амьдралтай байсан хvнтэй суухаар єєрєє л шийдсэн учраас тэгж шаардаж огт болохгvй. Тийм учраас орчиндоо дасан зохицож амьдрах шаардлагатай болов уу гэж бодож байна. Хэт хувиа бодоод байвал магадгvй єєрєєс нь зугтаж хєндийрч ч магадгvй. Харин захидалд бичсэн шиг сексийн хувьд таарч тохирохгvй болоод хуучин эхнэр лvvгээ яваад байна уу гэдэг асуултад хариу єгєхєд хэцvv л дээ. Ер нь яагаад єдєр тутмын амьдралаа ч тэр сексийн харьцааг ч тэр илvv сонирхолтой сайхан болгон єєрчилж болохгvй гэж… Бодох л хэрэгтэй дээ.

- Амьдралын эрхээр хуучин эхнэртэйгээ хэт ойр байгаа нь
- Боломж нь байвал мэдээж хол амьдарсан л дээр л дээ. Гэхдээ хvний эхнэр болж байгаа хvн єєрийнхєє юунд анхаарах ёстой вэ?, хvнтэй яаж харилцах хэрэгтэй вэ гэдгийг бодолцох хэрэгтэй. Жишээ нь: гэр бvлийн амьдралд хvн єєрийгєє хvндэлж, ямар ч vед гоё хувцаслаж єєрийгєє торддог, сэтгэлзvйн хєдлєлєє хянаж чаддаг байх нь их чухал байдаг. Зарим хvмvvс гудамжинд бие биедээ муухай харуулын vг хэлж байгаа харагддаг. Тэгэхээр хичнээн уурлаж баярлаж байсан ч гэсэн хvн єєрийнхєє сэтгэлийн хєдлєлєє барин, болж єгвєл єєрийгєє байнга шинэлэг байлгах хэрэгтэй л дээ. Байнга нэг цикл орчин тойрогтоо ороод байвал эрэгтэй хvн дороо л сонирхолгvй болно.
- Сvvлийн vед гэр бvлийн хvчирхийлэл гэж их яригдах болсон. Энэ гэр бvлийн хувьд ч бас…

- Хvчирхийлэл бол улам л даамжираад байдаг зvйл. Хvчирхийллийн 3Д-гийн хууль гэж байдаг. Ерєнхийдєє гэр бvлийн хvрээнд дандаа далд явагддаг. Хvчирхийлэл хийсэн хvн ч хvнд хэлж болохгvй гэдгээс зєвхєн эхнэр нєхрийн хооронд vлддэг. Хоёр дахь хэлбэрийг бичигдээгvй хууль гэж хэлж болох юм. Эхлээд цохисон бол дахиад цохих магадлал маш єндєртэй байдаг.
Гурав дахь нь бол улам даамжирсаар эхлээд цохиж байсан бол дараа нь єшиглєх ч юм уу хvч нь улам нэмэгдэж эхэлдэг. Ер нь ингээд тогтсон эмгэг улам л муу тал руугаа лавшрах тохиолдол их байдаг. Энэ тохиолдолд эмэгтэй хvн биеэ авч явах байдал болон нєхєртєє хандах хандлагандаа зоригтой алхам хийж чаддаг байх хэрэгтэй. Харин энэ эмэгтэйн хувьд vнэхээр хамт амьдаръя гэж шийдсэн л бол дасан зохицох маш их тэвчээр л шаардагдах байх гэж бодож байна.

Танд баярлалаа.

Амьдралд нэг алдаж болно харин хоёр дахиа давтаж болохгvй л дээ.


- Ер нь хvний амьдралд хоёр дахь амьдрал гэж байдаггvй л дээ. Энэ охин тэр анхны залуугаа уучилан охиноо бодоод амьдрах хэрэгтэй байсан болов уу. Хvлээцтэй хандах хэрэгтэй байжээ. Энэ эмэгтэйд их дутагдал байна гэж би бодлоо. Эхнэр нєхєр хоёр бие биендээ хайртай байхын зэрэгцээ ялангуяа эхнэр нь нєхрєє хараа хяналтандаа байлгах буюу тодорхой хэмжээгээр барьж байх ёстой гэж боддог. “Барина” гэдэг их олон зvйлсээс хамаарна л даа. Эрэгтэй хvнийг тогтоож амьдралаа авч явна гэдэг эмэгтэй хvнээс маш нарийн ухаан шаарддаг зvйл л дээ. Энэ эмэгтэй жил гаран хамт байхдаа тухайн хvнийхээ зан характер, дуртай зvйл, єєрєєсєє юу хvсдэг зэргийг нь мэдэрч мэдэх хэрэгтэй байсан. Гэтэл захианы эзэн маань нєхєртєє хайхрамжгvй хандаж нээлттэй бус дуугай даруухан байснаараа алдсан юм болов уу гэсэн сэтгэгдэл тєрж байна.

- Тэгвэл таны бодлоор…
- Ганцаараа бие даагаад амьдралынхаа тєлєє зvтгэсэн нь дээр байх. Тэгээд ч наймаа хийдэг гэхийг бодоход бас ч єєрийгєє аваад явах чадвартай юм байна ш тэ. Одооны хvнээ бодоод тєрсєн охиноо эцэг эхдээ єгєєд амьдрана гэдэг утгагvй . Тэгээд ч охин хvvхдийг єєрєє єсгєх, эцэг эхээрээ єсгvvлэх хоёр их ялгаатай. Магадгvй єєр дээрээ єсгєєгvйн улмаас охин нь том болоод бас алдаж болно шvv дээ. Vнэхээр аргагvй бол хоёр хvvхдээ бодоод амьдрах хэрэгтэй. Ер нь ингэж олон хvнтэй сууна гэдэг бол эмэгтэй хvн єєрийгєє хувиа л бодож байгаа хэрэг шvv дээ. Хvvхдээ бодсон зvйл ерєєсєє ч алга байна.

Миний бодлоор бол дахин амьдралаа зохиох гэж байгаа хvмvvс доод тал нь 4-5 жил хамт амьдарч байж гэр бvл тєлєвлєлтийг маш нарийн тооцож нухацтай хандах хэрэгтэй болов уу. Энэ эмэгтэйн хувьд хийсвэр сэтгээд байх шиг байна. Тvvний хувьд эрэгтэй хvмvvсийг буруутгаад байх шиг. Тийм болохоор тvvнд амьдрал нэг талаар утгагvй санагдаж ч байгаа байж болох юм. Тэглээ гээд галзууртлаа уурлаж єєрийгєє зовоох хэрэггvй л дээ. Амьдрал хэзээ ч дардан шулуун байдаггvй. Жаргал зовлон ээлжлэн байдаг хорвоо. Энэ эмэгтэй ганцаараа ч бай эсвэл хоёр дахь хvнтэйгээ хамт амьдрахаар болсон ч бай аль алинд нь маш их тэвчээр гаргах хэрэгтэй болох байх даа. Ер нь хvнд анхны гэр бvл шиг сайхан зvйл байдаггvй шvv дээ. Энэ бvгд бол зєвхєн миний л бодол.

- Одооны нєхєртэйгээ хамт амьдрахаас єєр аргагvй гэж vv?
- Vгvй дээ. Ер нь єєр хvний хvvхдийг эрэгтэй хvн хэзээ ч хайрлаж чаддаггvй. Хоёр дахь, гурав дахь амьдрал зохиогоод сайхан амьдардаг гэр бvлvvд байдаг л даа. Гэхдээ л цєєхєн, зууны таван хувьд байж болох юм. Гэхдээ энэ хvний хувьд амьдрал єєрийнх нь бодож байсан хэмжээнээс эсрэгээр эргэсэн байна л даа. Нєгєє талаар тэр их уян зєєлєн сайхан сэтгэлтэй юм. Гэхдээ эмэгтэй хvн зарим талаараа их хатуу чанга байх хэрэгтэй.
Бас тэр жоохон итгэмтгий юм шиг тэдгээр эрчvvд нь сайхан ярихад нь итгэж найдаад л жирэмсэн болжээ. Алдаагаа дахиад л давтжээ. Хvн амьдралд нэг алдаж болно харин хоёр дахиа давтаж болохгvй л дээ. Миний бодлоор дєнгєж 29 тэй амьдралтай хєл нийлvvлж алхаж эхэлж байгаа болохоор яаралгvйгээр хашир байх хэрэгтэй болов уу. Ер нь ганц бие цаанаа хvнтэй залуучууд чинь бие авч яваа байдал, юманд хандах хандлаг, яриа бодол санаанаас эхлээд андашгvй шvv дэ.

- Эмэгтэй хvн хvнд гомдчихвол
- Ер нь эмэгтэй хvн юманд амархан гомддог ч дорхоноо л гомдлоо тайлдаг уучламтгай хvмvvс. Эцэст нь хэлэхэд эцэг эхийнхээ vгийг сайн сонсож хvvхэдтэйгээ амьдрах хэрэгтэй болов уу даа. Эцэг эх гэдэг чинь хvvхдээ багаас нь єсгєж ямар зан ааштай вэ гээд бvх талаас нь сайн мэддэг болохоор хамгийн зєв зєвлєгєєг тэд л єгнє. Ямар ч сэтгэл зvйч, туршлагатай хvмvvс хvний эцэг эх шиг зєвлєж чадахгvй. Захианы тєгсгєлд тэр залуудаа их хайртай гэсэн байх юм. Миний бодлоор охиндоо хайртай гэж хэлэх ёстой байх.
Хамгийн гол нь хэнд их хайртай вэ гэдгээ бодон тvvнийхээ тєлєє явах хэрэгтэй. Єєрийнх нь амьдрал учраас зєвлєгєє авахын зэрэгцээ энэ бvгдээ єрєє зохицуулж тэвчээртэй байх чухал. Хэрэв би энэ эмэгтэйн оронд байсан бол хоёр хvvхдээ л бодох байсан. Эх хvн vрээ ямагт дэргэдээ байлгах хэрэгтэй. Муухай ч, сайхан ч тэдэнд чинь ээж гэдэг хvн хамгаас сайхан нандин зvйл нь байдаг шvv дээ. Эх хvн ч гэсэн хvvхдээ vхэн vхэтлээ хайрладаг болохоор vрийнхээ тєлєє байх хэрэгтэй