Хэрхэн дур булаам хувцаслах вэ? Бүсгүй та нэг удаа ч гэсэн дур булаам хувцаслах талаар бодож байсан байх. Тэгвэл ганц мини юпка өмсөж байж та дур булаам болно гэж бодож байна уу? Үгүй юм. Эмэгтэй хүнийг дур булаам харагдуулдаг олон хүчин зүйлүүд байдаг. 1. Тэгэхээр дур булаам байх нь заримдаа маш энгийн зүйлээс бий болдог. Жишээ нь та өглөө ажилдаа гарахдаа цагаан цамц өмсөх гэж байна уу? Тэгвэл яагаад заавал цамцаа нэг хэвийн байдлаар өмсөх ёстой гэж? Та цамцаа товчлохгүйгээр урд нь зангидаж болно шүү дээ. Энэ таныг гайхалтай харагдуулах бөгөөд санамсаргүй байдлаар хэдхэн хормын дотор таныг дур булаам болгох болно. Мөн дур булаам байдал гэнэтийн, энгийн биш зүйлээс заримдаа урган гардаг гэдгийг санаарай. 2. Уруулаа буд. Гэхдээ улаан бол бүр сайн. Өнгөгүй будаг аятайхан харагдаж байж болох ч улаан будгийг гүйцэх будаг гэж хаа ч үгүй. Гэхдээ эхлээд уруулаа хүрээлэгчээр хүрээлж сайхан хэлбэртэй болгох нь зөв. Улаанаар уруулаа будсан бол та нүүрнийхээ будалтыг цайвар байлгах хэрэгтэй. Учир нь уруулын будаг таны нүүрний гол анхаарал татсан хэсэг байх ёстой юм. 3. Малгай. Малгайнаас илүү хүний анхаарлыг хамгийн хурдан татдаг зүйл гэж үгүй. Гэхдээ мэдээж ноосон, толгой барьсан малгай биш шүү дээ. Өмсөж, тайлахад амар байх ёстой юм. 4. Аксессур. Гэхдээ ганцхан унжсан ээмэг байхад болно. Бусад нь хэрэггүй гэж зөвлөе. Тэгээд үсээ хойш нь барьж байгаад нүүрээ хэр харагдаж байгааг нэг харахад илүүдэхгүй. 5. Төмрөн эдлэл, эсвэл төмрөн өнгөөр гоёх хэрэгтэй. Хар өнгө хэдий сайхан харагдаж болох ч алтан, боронзон, мөнгөлөг өнгөнүүд илүү гэгээтэй харагддаг юм. Ер нь гялалзсан зүйл болгон таныг дур булаам харагдуулж чадна. 6. Нүдний шил. Нүдний шил бол маш тачаангуй харагдуулдаг зүйл. 7. Мэдээж та даашинз өмсөх хэрэгтэй. Нуруу нь гарсан, мөр гарсан байх нь сайхан харагдуулна. 8. Дур булаам байдал гэдгийг эмэгтэйлэг байх гэж ойлгож болох юм. Эмэгтэйлэг харагдахад туслах нэг чухал зүйл бол аль болох бие барьсан зүйл өмсөх. Гэхдээ бүх хувцас бариу байх ёстой гэсэн үг биш. Та жишээ нь жинс сонгох гэж байгаа бол бариу байх тусам таныг дур булаам харагдуулна. 9. Ягаан. Ягаан өнгө таныг гайхалтай дур булаам харагдуулж чадна. Гэхдээ хөлнөөсөө толгой хүртэл ягаан болж болохгүй. Эсвэл ягаан цэнхэр хослуулж болохгүй. Энэ нь таныг яг л цэцэрлэгийн хүүхэд шиг харагдуулах болно. 10. Хөлөө харуул. Эмэгтэй хүний хувьд гоё хөлтэй байх их чухал. Хэрвээ таны хөл гоё биш гэж та бодож байвал оронд нь сайхан гутал өмсөх хэрэгтэй. Мөн өсгийтэй гутал бол эмэгтэй хүнийг эр хүнээс ялгах гол зүйл болдог учир өсгийтэй гутлаас татгалзах нь буруу. Хэт өндөр өсгийгөөс татгалзахгүй бол хүмүүст буруу ойлголт өгөх талтайг анхаараарай. 11. Хүзүүгээ гарга. Хүзүү гарсан цамц, даашинз ямар ч тохиолдолд таныг муухай харагдуулахгүй ба таныг илүү эмэгтэйлэг харагдуулна.