Энэ юунаас яагаад болов? Магадгүй манайханы олон салалтууд ч үүнтэй холбоотой байж магад. Арван жилээ төгсөв үү үгүй юу хар багаасаа хүнтэй суудаг. Тэгээл хүүхэд шуухад гаргаад эм нь гэрээ сахиж, хүүхэд шуухадтайгаа зууралдана. Арай чүү гэж нэг юм сургуулиа хальт мөлт төгсөнө. Тийм хүн мэдээжийн сурсан зүйлээр маруухан. Тиймээс олигтой ажил олдохгүй, олдлооо ч нөгөөхөө сайн хийж чадахгүй дандаа л загнуулж чичлүүлнэ. Эр нь ар гэрээ тэжээнэ энэ тэр гэж худлаа баахан ажил хийдэг хүн болно. Ажил дээр нь мэдээ эхнэр гээд байгаа гэрийн авгайгаас нь хавьгүй илүү олон хүмүүс тааралдаж л таараа. Тэгээл сэтгэл нь алдараад заримтай нь сээтэгнэнэ, заримтай л явалдана. Гэрт нөгөө бүтэлгүй эхнэр нь байхаар дургүй нь хүрнэ. Секс нь ч гэж авах юмгүй. Нөгөө эр нь ч сексдээ дэндүү муу байж л худлаа эхнэрээсээ шалтаг хайн эхнэрийгээ буруутгана. Ингэж 5, 6 жил явахаар амьдрал гэж авах юмгүй там болон хувирна даа.

Өөрөө дандаа баардаж эхнэрээ нэг гарахаар хардаж хэрэлдээд дороо салаал гэж дуу байдаг даа. Тэрэн шиг л юм болно доо. Хүн өөрөө явдалтай, завхай болохоороо бусдыг тийм гэж бодон дандаа хардаж сэрддэг нь нэгэнт нотлогджээ. Ингээл дуусдаггүй хэрүүл уруул эхлэнэ.

Юу ч үзээгүй байх нялхдаа хүнтэй суугаад амжилтанд хүрсэн хүн ер нь хэр их болдоо. Харин эхэлж өөрийгөө аваад явчих ухаантай, бусдыг хайрлах сэтгэлтэй, өөрийн гэсэн үзэл бодолтой, санхүүгий чадвартай болчихсон, амьдралын таньж мэдсэн тэр үедээ буюу нас бие гүйцсэн тэр цагтаа эхнэр аваарай хөвгүүд минь, тэр үедээ л хүүхэд гаргаарай охидууд минь.

Ялангуяа манай охидууд шууд эхний таарсан тэр нэгэн залууг хэн бэ гэдгийг таньж мэдээгүйгээсээ болж хүүхэдтэй хоцрох нь энүүхэнд. Бас үхэх гэж байгаа юм шиг хүнтэй суухийн мөрөөсөл болсон энэ зан бол ухаан дутуугийн шинж. Ганц муу сосискноос болж гахай тэжээв дээ охидууд минь.