БАЙРНЫ ХҮҮХДҮҮД БАРИЛДААНЧ
БАС ДЭЭР НЬ УРАЛДААНЧ
ӨМССӨН ДЭЭЛ НЬ САЛБАРХАЙ
ӨВДӨГ ТОХОЙ НЬ ШАЛБАРХАЙ
ХАЙЯ? ГЭХ ХҮНГҮЙ
ХАНЗАРХАЙГ НЬ ХАТГАХ ХАЛАМЖГҮЙ
ХАТУУ ХҮТҮҮ ХОЁРЫГ
ХАДАРЧ ГАРДАГ ХАЛТАР АА
ХООЛНЫ ДУН ХОНГИНОХЫГ
ХОДООРОО СОНСОЖ
ХОЛООС АЙСУЙ МОРЬТОНГ
ААВАА ГЭЖ ТОСНО
ХАВРЫН ШАР ЗЭРЭГЛЭЭ
ХАЛБИ ХОЛБИ СУУЛГАЖ
АЛСААС АЙСУЙ МОРЬТОНГ
ААВ ЧИНЬ ГЭЖ БАЯРЛУУЛНА
ААВАА ГЭЭД ТОСОХОД
АРАЙ Л БИШ БАЙЖ ГОМДООНО
ГЭНЭХЭН ТЭГЖ ХУУРТАНА
ГЭРЭЭ САНАЖ ГЭГЭЛЗЭНЭ
ҮДШЭЭР ГУДСАА НОРГОНО
ҮҮР ЦАЙТАЛ ЗУТАРНА
ЗӨӨЛӨН ДУУТАЙ БАГШИД
ЗӨНГӨӨ ДАГААД ЭЛГЭМСЭНЭ
ЗӨРҮҮД ААШИЙГ НЬ ХӨДӨЛГӨВӨЛ
ШӨНӨДӨӨ ОРГОЖ ТЭВДҮҮЛНЭ
БОДОЛ БОЛОН СУУЦГААХ НЬ
БОР ШУВУУНЫ СҮРЭГ ШИГ
БОРГИЛ БОРХОН ГАР НЬ
САЙРТАЙ ТЭДНИЙ САРВУУ ШИГ
МИНИЙ Л  ИЖИЛХЭН БАЙРНЫ ХҮҮХЭД
МАНАЙ Л ҮЕИЙН БАЙРНЫ ХҮҮХЭД
МАЛААСАА БААХАН ТӨСӨӨРЧ
ГЭРЭЭСЭЭ ЖААХАН ХӨНДИЙРНЭ
ГЭМЭЭ ДУУЛАХДАА ДУРГҮЙ
ГЭДИЙЧИХНЭ
УЛИРЛЫН АМРАЛТААР ХАРИХДАА
УЛСЫН ТЭРГҮҮН САЙД ШИГ
ЭРГЭЭД БУЦАХЫН ЦАГТАА
ЭХЭЭС НЬ ЯЛГАСАН ХУРГА ШИГ
ЭРДЭМ ЭРДМИЙН ДУНД
ЭР БИЕ ГАНЦААРАА
ТОО БОДЛОГО ТОМЬЁОНЫ УХААН
ТҮМЭН БОДИС ТҮГЭЭМЭЛ ТҮҮХ
УРГАМАЛ СУДЛАЛ РУССКИЙ ЯЗЫК
БАРИАГҮЙ Ч НОМГҮЙ
БАРЬСАН Ч ЧИГГҮЙ
БАРИМЖААГҮЙ ЭЭ
БАЙРНЫХАА ТҮЛЭЭГ ХӨРӨӨДӨЛЦӨЖ
БАГШИЙНХАА ИДШИЙГ ТӨХӨӨРӨЛЦӨЖ
ЭР ХҮНД ОЛЗ НЬ
ЭРТ Л ХЭРСҮҮЖИНЭ
ХОЛЫН САДАН АЙЛЫНХАА
ХООЛЫГ НЬ БУУДААД ДАСЧИХСАН
ЗАМЫН ЖОЛООЧИЙГ ЦАРАЙЧИЛЖ
ЗАНГ НЬ ЗАСААД СУРЧИХСАН
АЧАА ТЭНГ НЬ ТАТАЛЦАЖ
АХАА ЭГЧЭЭ БОЛОЛЦЧИХНО
АДУУГАА ХААЯА САНАВАЛ
АЯЫГ НЬ ОЛООД ХҮРГҮҮЛЧИХНЭ
АРАВ ТӨГСӨХ ҮЕДЭЭ АРХАЙЧИХНА
СУМЫН ЗААН ААВ НЬ
СУРАГ ЧИМЭЭГҮЙ УДНА
СУРААЧ -ГЭХЭЭСЭЭ ӨМНӨ
ИРЭЭЧ ГЭЖ УРУУ НЬ ТАТНА
УРАЛДААНТ ШАЛГАЛТАНД ОРВОЛ Ч
УГ НЬ ГООЧТОЙ Л ДОО
ААВ НЬ ҮҮНИЙГ ДУУЛААД
АЖИГГҮЙ ИЙН ХЭЛҮҮЛЖЭЭ
--ГАНЦХАН ХУВААРИЙН ТӨЛӨӨ
ГАЙХУУЛЖ ӨРСӨЛДӨӨД ЯАХИЙМ БЭ
АМЬТНЫ ХҮҮХДҮҮД ЯВАГ ХӨӨРХИЙ
АМЬДРАХ АРГАА ОЛОГ ХӨӨРХИЙС
АРВАА ТӨГСӨӨД МАЛ ДЭЭР ГАР
АРМИД ОЧИЖ ШАНДАС СУУ
АДУУТАЙ НОЦОЛДООД БЯР ЧИНЬ ТОГТВОЛ
АЛСДАА ЯАХАВ ЗААН БОЛОО

МЯГМАРСҮРЭН
I want to