Гэрт юу ч мэдээгүй байхад
Гудамжинд бүгдийг мэдсэн байдаг.
Ой хөвч руу бар орох шиг
Оюун ухаан руу архи ордог.
Мэдэж байвал өөрөө ярь
Мэдэхгүй бол өрөөлийг сонс.
Тэнэг эзэн байснаас
Ухаантай зарц явсан нь дээр.
Өнгөц мэдлэгтэй байснаас
Өсөхийн тэнэгээрээ байсан нь дээр.
Ядуу хүнд бүү дээрэлх
Баян хүнд бүү итгэ.
Аян замд гарахдаа хөгшидөөс зөвлөлгөө ав
Алсаас гэртээ ирэхдээ хүүхдээс сонин сонс.
Чин шударга үг
Чихэнд сонсогдох нь аягүй.
Нэгэн муурыг алахад
Мянган муур аврагдана.
Харах нүдээ чилтэл хайртай бүхнээ санадаг ч
Сүү шиг сайхан үгсийг биедээ бага хэлэх юм даа
Сүүдрээн хүртэл муулах нь холгүй
Сүүтийтэл бид алхах юм даа
Ордны албат шивэгчин эмс
Олиггүй үгс хэлэлцэх шиг
Ховын хар ховоогоор сэтгэлийнхээ онгоцыг дүүргэчихээд
Худал үнэний хооронд шоргоолж мэт мөлхсөөр байтал
Хүн чанарын минь дээл аль хэдүйнээ цоорчихжээ
Хүсэн тэмүүлэх сайхан амьдралаа бид сөөм сөөмөөр нь мэрсэн байна
Чамайг хүн хайрлаж байвал
Чадлынхаа хэрээр хайрлаарай!
Чамайг хүн гомдоож байвал
Чагнаагүй л юм шиг хаячихаарай!
Монгол хүний нас дэндүү ахархан юм шүү
Модон өргөст шилбүүрээр биенээн бага ороолгоё доо...