Чамтай танилцсан тэр мөч дурсгалтай
Чамтай тааралдсан тэр мөч хүндтэй
Чамтай өнгөрүүлсэн хором бүр жаргалтай
Чамаас хагацсан тэр мөч гунигтай

                        Чиний өмнө би толгой гудайхгүй
                        Чимээгүйхэн урсах нулимсаа үзүүлэхгүй
                        Өлмийн доор чинь гишгэгдсэн хайрынхаа төлөө
                        Өнөөдрөөс эхэлж чамайг би хайрлахгүй...

Ар араасаа цуварсан 18 хавар минь баяртай
Анхны хайртай учруулсан 18 нас минь баяртай
Усны мөнгөн долгио шиг урсөх өнгөрөх өдрүүд минь баяртай
Ухаарч амжаагүй насны минь гал халуун хайр минь баяртай

                        Өнгөрсөн бүхэн сэтгэл сэвэлзүүлэн одох нь
                        Өөрийнх юм шиг чамдаа дэндүү дассаных байлгүй...
                        Өвөрт асгарсан нулимс зүүдэнд хураад одох нь
                        Өр нэхэж амьдарсан сэвгүй хайрынх байлгүй...

Нууцхан би нэг л хүнийг хүсдэг
Нуугдаж би ганцхан хүнийг л ширтдэг
Нэрэлхэж би ганцхан л хүнийг хүлээдэг
Нэрийг нь ч хэлж зүрхлэхгүй..Түүндээ л би хайртай

                        Эндэж хэлсэн үгнээсээ болоод
                        Энхрий чамайгаа гомдоочихлоо
                        Энэхэн насныхаа анхны хайрыг
                        Ингээд л би чинь сүйдэлчихэв үү
                        Уучлаач, хайрт минь
                        Миний мянга түмэн буруу...

Хайр юунд байдаг юм бэ?
Хайртай гэж хэлсэнд үү?
Харц тулгарсан нүдэнд үү?
Хардаж байна гэсэн сэтгэлд үү?
Ухаараач гэсэн үгэнд үү?
Ухаангүй хүсэх хүсэлд үү?
Уучлаач гэсэн гуйлтанд уу?
Уулзая гэсэн болзоонд уу?

                        Чи намайг алдвал
                        Дахиад би чамтай байхгүй
                        Чи намайг алдвал
                        Дахиад би чамайг бодохгүй
                        Чи намайг алдвал
                        Дахин би хэзээ ч чинийх болохгүй