Аялгуу дуугий нь сонсохоор
Сэтгэл өөрөө сэмэрдэг
Аялсан дууг минь сонсохоор
Нулимс нь аяндаа бөмбөрдөг
Алтан говьдоо чимэгтэй
Сунагар сайхан амьтад
Алсын бараанд тодрох
Сүрлэг сайхан амьтад
Дүрлэгэр нүд нь тормолзоод
Ингэн зүрх шимширхэд
Сувдан нулимс нь бөмбөрөөд
Ингэн уянга тодордог
Өнгийн цэцэгс хөөгөөд
Нутгаан орхиод яваагүй
Өвөл хаврын хавсарганд
Өл дааж сурсан
Өнчрөх амьдын хагацалд
Өрөөн цоортол шимширдэг
Өндөр сайхан амьтны
Өрөвч занг биширмой
Эгэл жирийн төрхөнд чинь би татагдсан
Энгийн хэрнээ ухаалаг үгэнд чинь би уярсан
Эр хүний намбатай хүнлэг сэтгэлд чинь би дурласан
Эгцлээд ширтэхээр тулгарчихдаг харцанд чинь би хайлсан
Энэ бүхний цогц болохоор ганцхан чамайг л би хайрласан
