Бичлэгийн тоо 3,329
Испанийн Ла лигийн 12-р тойрогт сонирхолтой тоглолт боллоо. Энэ бол Эль Классико дахь супер тулаан буюу Эзэн хааны Реал Мадрид өөрсдийн Сантиаго Бернебау цэнгэлдэх хүрээлэндээ Каталаны Барселона-г хүлээн авч тоглосон юм.
Тоглолтын 11 дэх минутад Уругуай довтлогч Луйс Суарез тооны харьцааг нээж, Барселоначууд тоглолтыг тэргүүлж эхэлсэн юм. Харин тоглолтын 39 дэх минутанд энэ улиралд тун гайхалтай байгаа Бразил довтлогч Нэймар тоглолтын хоёр дахь гоолыг Реал Мадридын хаалганд хийснээр эхний хагас зочдын давамгайллаар өндөрлсөн юм.
Харин тоглолтын хоёр дахь хагаст Андрес Иниеста дахин гоолдсоноор Каталаны баг 3-0 р тэргүүлж эхэлсэн бөгөөд тоглолтын эцсийн цэгийг Уругуай довтлогч 74 дэхь минутанд тавьсанаар тоглолтын үндсэн цаг 0-4 харьцаатай зочид энэ удаад алдарт Эль Классикод ялалт байгуулсанаар Ла лигийг 28 оноотой тэргүүлж эхэллээ. Харин энэ өдөр тун тааруу тоглолт үзүүлсэн талбайн эзэд Реал Мадридчууд 25 оноотой хүснэгтийн хоёрдугаар байранд бичигдэж байна.