БНАСАУ өчигдөр /01.06/ цөмийн туршилт явуулсан талаар бид мэдээлсэн. Тэгвэл үүнтэй холбогдуулан Өмнөд Солонгос болон АНУ-ын Ерөнхийлөгч нар Хойд Солонгосын эсрэг нэмэлт хориг арга хэмжээ авахад хамтран ажиллахаар тохиролцжээ. Энэ талаар Өмнөд Солонгосын Ерөнхийлөгчийн хэвлэлийн албанаас мэдээллээ.
“Хойд Солонгос НҮБ-ын Аюулгүйн зөвлөлийн шийдвэрийг зөрчсөнийхөө төлөө хариуцлага хүлээх ёстой гэдгийг АНУ болон Өмнөд Солонгосын төрийн тэргүүнүүд утсаар ярихдаа хэлэлцсэн" гэж эх сурвалж мэдээллээ.
Түүнчлэн Өмнөд Солонгосын аюулгүй байдлыг хангах шаардлагатай бүх арга хэмжээг авна гэдгээ энэ үеэр Обама мэдэгдсэн байна.
Хойд Солонгос өчигдөр устөрөгчийн бөмбөг туршсаныг Барак Обама, Пак Гын Хэ нар буруушаан, энэ нь НҮБ-ын Аюулгүй байдлын зөвлөлийн хэд хэдэн тогтоолыг зөрчиж байна гэдэгтэй санал нэгджээ.
Иймээс Хойд Солонгосын эсрэг олон улсын хамтын нийгэмлэгээс өгөх зохих хариуг бэлтгэхэд гар нийлэн ажиллахаар тохиролцжээ.
Эх сурвалж: ВВС
