Газар хөдлөлтөөр 15000 хүн амь нас, эрүүл мэндээрээ хохироод байна
Өнгөрөгч амралтын өдөр Балбад болсон 7.8 баллын хүчтэй газар хөдлөлтөөр амиа алдсан хүмүүсийн тоо нэмэгдсээр байна. Хамгийн сүүлд авсан мэдээгээр тус байгалийн гамшигт үзэгдлийн улмаас 5000 гаруй хүн амиа алдсан нь тогтоогдоод буй тухай эх сурвалжууд мэдээлэв.
Балбын Ерөнхий сайд Сушиль Койрала Засгийн газрын зүгээс бүх бололцоогоороо ажиллаж байгаа ч, гамшгийн хохирлын хэмжээ нэмэгдсээр байгааг тэмдэглэжээ. Түүнчлэн, аврах багийнхан Гималайн нурууны бүсэд ажиллаж, тусламж нэн яаралтай хүмүүст туслахаар ажиллаж байгаа юм байна.
Үүний зэрэгцээ ширүүн бороо орж, хэдэн зуун мянган хүмүүс гадаа хоноглосоор байгаа аж. НҮБ-ын мэдээлсэнээр газар хөдлөлтийн гамшигт үзэгдлээр нийт 39 дүүргийн найман сая гаруй хүн хохирол амсаад буй бөгөөд энэ нь тус улсын хүн амын дөрөвний нэгтэй тэнцэнэ гэдгийг тэмдэглээд байгаа юм.
Хамгийн сүүлд авсан мэдээгээр 10 гаруй мянган хүн гэмтжээ. Эверестэд болсон цасан нурангийн улмаас 18 уулчин нас барсан нь тогтоогдоод буй. Тэгвэл тухайн бүсэд аврах багийнхан ажиллаж, цасанд дарагдан гэмтсэн уулчдыг нисдэг тэргээр зөөх ажлуудыг зохион байгуулж байгаа юм байна.
Эх сурвалж:
www.mminfo.mnБ.Даваа