Айл тонох гэсэн Санта террорист халдлагаас сэргийлжээ
Америкт Сан Франциско хотод Зул сарын баяраар нэгэн хэрэгтэн айл дээрэмдэх гээд буянтан болжээ. Жил бүрийн Зул сараар Сантагийн дүрд хувирч өнгөлөн далдлагдсан хулгайч, тонуулчдын тоо ихэсдэг. Цагдаа нар ч энэ баяраар амсхийлгүй ажилладаг.
Тэгвэл тэр ёсоор нэгэн хулгайч Санта сар гаруйн хугацаанд ажигласан айлдаа дүр эсгэн явж орчихжээ. Төлөвлөсөн ёсоор айлд хэн ч байсангүй. Цагаач боловч нэлээн чухал албаны ажил хийдэг баян эрхмийн гэрийг тонох ажилдаа явж орчихсон хулгайчийн анхаарал жижиг өрөөнд нь нэгэн зүйлд төвлөрсөн байна. Гэрийн эзний ажлын ширээ болон шургуулганд байсан баримтууд түүний анхаарлыг татжээ.
Араб бичгээр бичсэн захидлууд болон, элдэв янзын гар хийцийн тэсрэх бөмбөгийн бүтэцийн тухай бүдүүвч зургууд болон Сан Францискогийн худалдааны төвийн барилгын бүдүүвч зураг яаж ч хичээгээд хулгайч Сантагийн тархинаас салж өгсөнгүй улмаар мань эр цагдаагийн газарт утсаар мэдэгджээ. Цагдаа нар ч шуурхай ажиллаж сэжигтэй мэдээллийн мөрөөр шалгалт хийж террорист халдлага үйлдэх гэж бэлдэж байсан хэмээн гэрийн эзнийг баривчилжээ.
Харамсалтай нь эх оронч хулгайчийг ч цагдаа нар мөрөөр нь олж олон хүний аминд орж буян үйлдсэн хэдий ч орон гэрийн хулгайн хэргээр цагдаагийн газарт хүргэгджээ.
С.Инда