Жюү-жицүгийн Английн аварга шалгаруулах нээлттэй тэмцээний хөх бүсний 64 кг-д Алтантөгсийн Мөнхбаяр түрүүлсэн бөгөөд үнэмлэхүй жинд мөнгөн медаль хүртэж бахдам амжилт үзүүллээ. Их Британид амьдарч бэлтгэл сургуулилт хийдэг тэрбээр цаашид ДАШТ-д зодоглох зорилготой аж. Тавдугаар сарын 27-ноос зургадугаар сарын 2-нд АНУ-ын Лонг Бийч хотноо зохиогдох жюү-жицү бөхийн ДАШТ-д оролцох бэлтгэлээ манай тамирчид хангаж байна.

Эрэгтэйчүүдийн 64 кг-д С.Батгал (Хүч), 70 кг-д Б.Дамланпүрэв (Хүч), Х.Амартүвшин (Вагнер Ази), 76 кг-д Д.Бат-Амгалан (Вагнер Ази), Л.Чинзориг (Сэлэнгэ), 83 г-д Б.Батбаяр (Олимп ДС), Г.Алтанбагана (Женко), 88 кг-д Д.Мөнхбаясгалан (Женко), О.Болд-Эрдэнэ (МУБИС), +100 кг-д Б.Сугаржаргал (Женко), эмэгтэйчүүдийн 53 кг-д Б.Уранчимэг (Женко) нар зодоглоно.