Оюутолгойн баяжуулах үйлдвэрийн барилга хоёр жил хагасын хугацаанд бослоо. Цаг хугацаа наас өрсөж шаргуу хөдөлмөрлөсний хүчинд Монголын хамгийн том бүтээн байгуулалтын ажлыг эхлүүлсэн нь эдийн засагт өнгө нэмэх үйл явдал болов. Цагаасаа эрт амжсан энэ үйлдвэр ирэх жилүүдэд Монголын эдийн засгийн ачааны гурав ны нэгийг үүрнэ гэсэн таамаглал бий. Хоёр оронтой тоогоор хурдалж буй эдийн засгийн өсөлтийг хэвээр хадгалах “үү рэг” ийнхүү Оюутолгойд ногдлоо. Түүгээр зогсохгүй тус үйлдвэр нь шинэ ажлын байрыг бий болгож, дэд бүтцийг хөгжүүлж, технологийн дэвш лийг манай хөрсөнд суулгаж буйгаараа онцлогтой. Ирэх оны эхний улиралд анхны баяжмалаа үйлдвэрлэж, хоёрдугаар улиралд бүтээгдэхүүнээ олон улсын зах зээлд гаргаснаар монголчууд дэлхийн зэсийн зах зээлд хүчтэй тоглогч болох жим гарна.

Үзэл бодлоор талцан бүтээн байгуулалтын ажлыг хойш татах бус, ажил хэрэгч шүүмжлэл өрнүүлэн, дэлхийн дүрмээр тоглохыг цаг үе биднээс шаардах нь. Монголчуудын том бүтээн байгуулалтын анхны шавыг тавихад хошуугаа нэмснээс эхлүүлээд хуруугаа хөдөлгөсөн манайхнаас гадна, 44 орны 15 мянга орчим хүний хөдөлмөр шингэснийг энд тодотгох учиртай. Дэмий цаг хугацаа үрэлгүй хамтын хөдөлмөрийн үр дүнд хамгийн том төслийг эхлүүлэхэд хүчин зүтгэсэн талууд ч үүнд гавьяатай. 11 жилийн өмнө нээж, гурван жилийн өмнө Хөрөнгө оруулалтын гэрээг нь үзэглэсэн Оюутолгой төслийнхөн баяжуулах үйлдвэрээ нээснээр гаднынхны эргэлзээг ч тайлж байна. Монголд хөр өнгөө оруулагчид Оюутолгойн төслийн хувь заяа хаашаа эргэхийг таамаглаж ядан, зарим нэг нь биднийг орхин одож байгаа.