Төгөлдөр хуурч, хөгжмийн зохиолч Б.Чинбат, “Sweetymotion” хамтлагийнхан хамтран БНСУ-д ажиллаж, амьдарч буй монголчууддаа “Sweetymotion and Chinba” тоглолтоо толилуулахаар эх орноосоо мордох гэж байхад нь холбогдлоо. Тоглолт энэ сарын 21-23-нд болно.

-Сайн байна уу, “Утасны анд” байна.

-Сайн уу. Бид БНСУ руу явах гээд нисэх онгоцны буудалд ирээд байна. Азийн орнууд Цагаан сараа тэмдэглэж байгаа энэ үед БНСУ-д ажиллаж, амьдарч байгаа монголчууд маань биднийг ирж тоглооч гэж урьсны дагуу явж байгаа юм.

-Хэдэн удаа тоглох вэ?

-Бусан, Мугпу, Гуанжү зэрэг хотод тоглоно. Хамгийн сүүлд Сөүлд том тоглолт хийх юм. Энэ тоглолтыг урьсан тал зохион байгуулж байгаа. Бид заасан хугацаанд товлосон газарт нь дуулах үүрэгтэй.

-Харьд ажиллаж буй монголчууддаа ямар уран бүтээл толилуулахаар төлөвлөв?

-Эх орон, ээж, аав, элгэн садан чинь хүлээж байна, эргэж нэгдэе, олуулаа болоод Монгол Улсаа хөгжүүлье гэж уриалсан тоглолт хийнэ. Төрийн дууллаа хамтдаа дуулж омогшил, бахархал, эх оронч үзлийг нь сэрээнэ. “Давтагдашгүй” тоглолтын зарим хэсэг болон “Sweetymotion” хамтлагийн хуучны дуунууд хөтөлбөрт багтсан.

-БНСУ-д тоглочихоод АНУ руу явна гэж сонссон. Тэнд хэр удах вэ?

-АНУ-д гэрээтэй тоглолтууд байгаа. АНУ дахь бүх ажлаа дуусгаад Монголдоо бүрмөсөн ирэхээр шийдсэн.

-“Sweetymotion” хамтлагаар сонин сайхан юу байна даа?

-Энэ онд “Sweetymotion”-ы 15 жилийн ой тохиож байгаа. Ойн хүрээнд олон уран бүтээл хийхээр төлөвлөсөн. Шинэ цомгийн ажилдаа орсон. Дуунууддаа клип хийлгэж эхэллээ. АНУ-ын нэрт реппертэй хамтран дуулсан дуу шинэ цомогт орж байгаа. “Sweetymotion” хамтлаг гуравдугаар сарын 8-нд амплагид тоглолт хийнэ. Мөн ирэх намар ч тоглолт хийхээр төлөвлөсөн.

-Хамтарч дуулсан нэртэй реппер нь хэн бэ?