Хан-Уул дүүргийн нутаг дэвсгэр Маршалын гүүрэн дээрх “Хаан хаалга”-ны нээлтийн ёслолын арга хэмжээ үндэсний эрх чөлөөний хувьсгалын 100 жилийн ойн өдрөөр болсон. “Хаан хаалга”-ны загварыг Монголын урчуудын эвлэлийн нэрэмжит шагналт зураач Д.Баттөмөр, зураач С.Дагвадорж, төмөр урлалын их мастер Ж.Төмөрбагана нар гаргаж, бүтээн босгох ажлын гүйцэтгэгчээр “Хотын зам” компани ажилласан байна.

Хаалганы оройд Монгол Улсын тусгаар тогтнол, өнө мөнх оршихын бэлгэдэл болсон төрийн соёмбыг бадам цэцгэн дээр залж, газар, ус, агаарыг бэлгэдэн бүтээжээ. 19 метр өргөн, 13.5 метр өндөртэй хаалганы бат бөх байхыг бэлгэдэж, төмөр бетонон багана, ган төмөр тотготой урлажээ. “Хотын зам” компанийн захирал Б.Атарбаяр “Дөрвөн эгнээ автомашин чөлөөтэй зорчих боломжтой уг цогцолбор нь түүхэн агуулгатай бүтээгдсэн болохоор гаднын орны зочдын сэтгэлийг татахуйц 2011 оны чухал бүтээн байгуулалтын нэг.