Улсын
Дээд шүүхийн Ерөнхий шүүгчийн албан тушаалд саяхан тус шүүхийн шүүгчээр
томилогдсон Цэвэгмэдийн Зоригийг нэр дэвшүүллээ. Улсын Дээд шүүхийн
шүүгчид хуралдаж, ерөнхий шүүгчээр нэр дэвшүүлэх хуулийн дагуу өчигдөр
уг шийдвэрийг гаргасан байна. Өмнөх долоо хоногт болох байсан нийт
шүүгчдийн хуралдаан ирц бүрдээгүйн улмаас хойшилсон бөгөөд шүүгчдийн
олонхийн санал буюу 58 хувиар Ц.Зоригийг Улсын дээд шүүхийн шүүгчээр
томилсон байна.
Тэр даруй түүнийг Ерөнхий шүүгчийн албан тушаалд томилуулахаар Монгол Улсын Ерөнхийлөгчид өргөн мэдүүлэхээр болсон юм. Монгол Улсын Үндсэн хууль, Ерөнхийл өгчийн тухай хууль, Шүүхийн тухай хуульд заасны дагуу Ц.Зоригийг Дээд шүүхийн ерөнхий шүүгчид томилсон зарлигт Ерөнхийлөгч өчигдөр 17.30 цагийн үед гарын үсэг зурлаа. Ц.Зориг хүний эрхийг дээдэлж, хуулиа баримталж ажиллахаа энэ үеэр илэрхийлсэн байна.
Тэрбээр Хэнтий аймгийн Өмнөдэлгэр суманд төрсөн, 1982 онд МУИС-ийн Хууль зүйн сургууль төгсчээ. Сэлэнгэ аймаг болон хуучнаар Октябрийн район, Арбитрын шүүх, Нийслэлийн шүүхэд нийт 29 жил шүүгчээр ажиллаж байгаа туршлагатай нэгэн юм.
Ц.Зориг Нийслэлийн шүүхэд 18 жил ажилласнаас таван жилд нь Ерөнхий шүүгчээр ажиллажээ.
Дашрамд дурдахад, Улсын дээд шүүхийн Ерөнхий шүүгч асан С.Батдэлгэр тус шүүхдээ шүүгчээр ажиллах юм байна.
