Танд юуны өмнө хөөрхөн үртэй болсонд тань баяр хүргэе.

Хүүхдээ төрсөний дараа иргэний бүртгэлд бүртгүүлэх хэрэг болно.  Бүртгүүлэхийн тулд хийх алхамуудыг бичлээ.

v  Төрсөний дараа эмнэлгээс гарахдаа “Хүүхэд төрсөн тухай” гэсэн бичиг эмнэлгээсээ авна. Болж өгвөл 2 хувийг ч юмуу авчихыг бодоорой. Хүүхэд тань Монгол руу буцах үед энэ бичгийг бас нисэх дээр үзнэ шүү.

v  Тэгээд БНСУ-д байгаа элчин сайдын яаман дээр очно. Очихдоо дараах зүйлийг авч юмуу мэдэж очно.

v     Оршин сууж байгаа гэрийнхээ хаяг.

v     Монголд амьдардаг гэрийн хаяг

v     Монголд таны хүүхдийн тэтгэмжийн мөнгийг авах хүний овог нэр, иргэний үнэмлэх, регистрийн дугаар, гэрийн албан ёсны хаяг.

v     Хүүхдийн цээж зураг

v     Аав ээжийн иргэний үнэмлэх, эсвэл нориариатаар батлуулсан хуулбар

v     Аав ээжийн гадаад паспорт

v     Аав ээжийн гэрлэлтийн баталгаа, эсвэл нотариатаар батлуулсан хуулбар

v     “Хүүхэд төрсөн” тухай эмнэлгийн бичиг, солонгосоор байж болох юм байна лээ.

v     Хүүхэддээ гадаад паспорт авах бол паспортны зураг 4 хувь (3,5 х 4,5 см-ын хэмжээтэй цагаан фонон дээр авахуулсан зураг, нүүрний өндөр нь 32-3. мм байхаар, камер руу эгц харсан, дух, чих нь ил гарсан, арын фон сүүдэргүй, малгай өмсөөгүй, нүдний шил зүүгээгүй, эгэмнээс доош хэсгийг нь зурганд оруулаагүй зураг байна.)

v     Гадаад паспортны үнэ 35 ам долларыг долларын дэвсгэртээр бэлнээр

v     Гэрчилгээ, итгэмжлэл, нотариат, хуулбар зэрэгт шаардлагатай мөнгө, 20000-30000 вон

v  Төрсний гэрчилгээг БНСУ-д төрсөн хүүхдэд эцэг, эхийн хүсэлтээр олгоно.

Бүрдүүлэх баримт. Үүнд:
1. Эцэг, эхийн иргэний үнэмлэх болон гадаад паспорт,
2. Гэрлэлтийн гэрчилгээ эсвэл баталгаатай хуулбар, ( Баталгааг ГХЯ-ны Консулын газраас гаргуулна ).
3. Хүүхэд төрсөн тухай эмнэлгийн бичиг
4. Зураг ( 3 х 4 хэмжээтэй 1 ш )
5. Анкет бөглөх.

v  ЭСЯ-нд очоод гэрчилгээ авах анкет бөглөнө. Шаардлагатай барим бичгүүдээ анкетын хамт консулын ажилтанд өгнө.

v  Гэрчилгээ авахад шаардагдах баримт бичиг болсон бол хүүхдэдээ паспорт авах анкет бөглөнө.

v  Үндэсний Энгийн Гадаад паспорт авах

v  Паспортын хугацааг сунгах боломжгүй болсон, гэмтээсэн, үрэгдүүлсэн иргэд өөрийн хүсэлтээр ЭСЯ-нд өөрийн биеэр ирж Иргэний бүртгэл, мэдээллийн улсын төвд Үндэсний ( энгийн ) гадаад паспорт захиалж болно.

Бүрдүүлэх баримт. Үүнд.
1. Иргэний үнэмлэх эсвэл иргэний паспорт ( хуучнаар ). Иргэний үнэмлэх болон иргэний паспорт ( хуучнаар ) –аа авч амжаагүй бол өөрийнхөө талаарх тодорхойлолтыг Монгол Улсын Иргэний бүртгэл, мэдээллийн улсын төвөөс гаргуулж ГХЯ-ны Консулын газраар баталгаа хийлгэж хувийг тус ЭСЯ-ны 02-798-3465 дугаарын факсаар ирүүлэх
2. Паспортаа үрэгдүүлсэн бол оршин суугаа дүүргийн ( БНСУ-ын ) Цагдаагийн газрын тодорхойлолт
3. Монгол Улсын Иргэний бүртгэл, мэдээллийн улсын төвд хандаж паспорт олгож өгөхийг хүссэн өргөдөл,
4. Зураг ( Ар талын дэвсгэр нь цагаан, 3 х 4-ийн хэмжээтэй зураг 4 ш )
5. Анкет 2 хувь

Хураамж 35 ам.доллар. Бичиг, баримтын зөрчилтэй эсвэл үрэгдүүлсэн бол 40.000 вонын торгууль төлнө.
Төлбөрийг ЭСЯ-нд бэлнээр авч захиалсан паспортыг 1-2 сарын дараа олгоно.

v  Монгол улсын хуулиар шинэ төрсөн хүүхдэд олгож байгаа 100000 төгрөгийг авах бол монголд энэ мөнгийг чинь хөөцөлдөж авах хүний нэр дээр итгэмжлэл бичнэ. Итгэмжлэлийн маягт Консулын хэлтсийн зааланд байгаа.

v  Мөн хүүхэд бүрт Монгол улсын Засгийн газраас олгож байгаа 3000 төгрөг, улирал тутам олгодог 25000 төгрөгийг монголд хөөцөлдөж авах хүний нэр дээр итгэмжлэл бичнэ. Энэ хоёр итгэмжлэлээ консулын ажилтнаар батлуулж авна.

v  Гэрчилгээг бичээд гарсан хойно ээж нь өөрийнхөө паспортон дээр хүүхдээ хавсралтаар оруулж өгнө. Энд оршин суух эрх гадаад иргэний үнэмлэх авах, виза авахад хэрэг болно. Паспорт 2 сарын дараа гарах тул тэр болтол гадаад иргэний үнэмлэх авахад энэ хавсралтаараа авна.

v  Хүүхдийн хавсралт олгох

v 
БНСУ-д шинээр төрсөн болон насанд хүрээгүй хүүхдийг БНСУ-ын хилээр гаргахад хүүхдийн эцэг, эх эсвэл түүний ойрын хамаатан, насанд хүрсэн хүний паспортад Хүүхдийн хавсралт бичиж олгоно.

Бүрдүүлэх баримт. Үүнд:
1. Төрсний гэрчилгээ ( БНСУ-д төрсөн бол эмнэлгийн тодорхойлолт )
2. Тухайн хүүхдийн эцэг болон эх мөн болохыг нотлох баримт ( Гэрлэлтийн гэрчилгээ, төрсний гэрчилгээ г.м )
3. Зураг ( 3 х 4 хэмжээтэй 2 ш )
4. Анкет бөглөх

Хүүхдийг эцэг, эхээс нь өөр хүн авч явах тохиолдолд эцэг, эхийн зүгээс хүүхдээ ямар овог, нэртэй, хэдэн тоот паспорттай иргэнд даатгаж буй тухай өргөдөл болон итгэмжлэл бичиж ЭСЯ-нд үлдээнэ.
Хураамж 5.000 вон.
Төлбөрийг KEB / Korean Exchange Bank / 081-2201-3074 тоот дансаар хүлээн авч байна.

v  Хүүхдийнхээ гэрчилгээг ЭСЯ-ны ажилтанаар орчуулуулан консулын хэлтсээр нотариатаар батлуулж авна.  

v  Одоо ингээд хүүхэд тань Монгол улсын иргэний бүртгэлд бүргүүллээ.

v   

v  Дараагийн алхам нь хүүхэддээ гадаад иргэний үнэмлэх авах, виза авах үлдлээ.

v  Харъяалах Цагаачлалын албанд очиж хүүхэддээ гадаад иргэний үнэмлэх авахдаа:

v  Хүүхдийнхээ гэрчилгээний нотариатаар батлуулсан хуулбар,

v  Аав ээжийн паспорт

v  Сурдаг бол сургуулиасаа сурч байгааг баталсан бичиг,

v  Гэрээгээр ажилладаг бол үйлдвэрээсээ юмуу, гадаад ажилтны төвөөс ч юмуу бичиг, Цагаачлалын албаны шаардсан бичиг баримтыг авч очно.

v  Цагаачлалын албан дээр анкет бөглөж  хүүхдийн хавсралт бичсэн паспортыг өгч паспортон дээр sojourn даруулах, мөн гадаад иргэний үнэмлэх авна. Хараар байдаг хүмүүст энэ алхам хамаагүй болно.

v  2 сарын дараа гадаад паспорт нь ирсэн үед өөрийнх нь паспортоор виза мэдүүлж болно.

Монголын ЭСЯ-ны вэб хуудас www.mongolembassy.com

Хаяг нь вэб хуудсан дээрээ тодорхой байгаа.

Танд амжилт хүсье.

Эдгээр алхамыг өөрөө энэ асуудлаар хөөцөлдөж байсан туршлагаасаа үүдэн бичлээ. Энэ бичлэгэнд нэмэх хасах мэдээлэл байвал сэтгэгдлээ үлдээгээрэй.