Moderator: mgl_300
Мартын 8-ны баярыг тохиолдуулан бүсгүйчүүддээ эрүүл энх, аз жаргал, сайн сайхныг хүсэн ерөөе. Бүсгүй таны гоо үзэсгэлэн хорвоо ертөнцийн нүдийг хужирлаж, авъяас билгийн онгодыг хөглөж, нөр хичээнгүй хөдөлмөрч чанар тань амьдрах ухааныг тэтгэж байх болтугай.
Бүсгүй
Дэлбээгээ дөнгөж нээгээд турьгүйхэн цөмцийх
Дэлхийн аашинд дасаж ядах, хэнзхэн цэнхэр яргуй нь бүсгүй та юм шүү
Цэцгийн дэлбээ, нарны цацраг, салхины үзүүрээс ертөнцийн аясыг мэдэрдэг
Цэгээн гэрлийн цагаан давалгаа нь бүсгүй та юм шүү
Халтай жаргалтай хүний орчлонгоос хорвоогийн өнгийг мэдэрдэг
Хайрлаад ч үл барам ховор эрдэнэ минь бүсгүй та юм шүү
Дундрашгүй хайрын дуртгалыг тээсэн он жилүүдийн мөнгөн хэлхээс
Дуусашгүй амьдралын авралын сахиус нь бүсгүй та юм шүү
Удмын хэлхээг залгах хүслийн чандмань эрдэнэ
Ургийн холбоог дархлах голомтонд гийсэн нар нь бүсгүй та юм шүү.
Сэтгэл зүрхээрээ надад онгодын сахиус илгээсэн
Бүсгүй минь та тэнгэрийн хүн
Санахын төдийд нулимс мэлтрэм сайхан хайрын тэнгэр
Бүсгүй минь та бурхны хүн ( Xaliuna--s )