Сайн залуу, муу залуу хоёр юугаараа яалгаатай вэ гэж vv?
Party-ны vеэр муу залуутай хамт орж ирэхэд бараг

Замд таарсан хvн бvр шахуу тvvнтэй мэндэлж, нэг нь удахгvй єєрийн тєрсєн єдєр болох гэж байгаа талаар хэлэхэд дуртай нь аргагvй урилгыг хvлээн авна. Хажуугаар зєрсєн аятайхан бvсгvй бvрийг дээрээс нь доошоо сонжиж харахын зэрэгцээ, олон эмэгтэйчvvдтэй учир ургуулж явсан тухайгаа сайрхаж ярих дуртай. Дэгжин, дээгvvр харцтай, дэндсэн гэмээр єєртєє итгэлтэй ийм эрийг бид муу залуу хэмээн тvр нэрийдье.

Харин сайн залуус нэг их сvр болголгvй орж ирээд чимээгvйхэн суудаг. Єєртєє таалагдсан ганц нэг бvсгvйтэй vг сольчихоод, асуудал vvсгэлгvй vдэшлэг тарангуут гарч оддог нэгэн. Тэр тийм ч чамирхах, онгирох дургvй. Амьдралдаа нэг их олон бvсгvйтэй холбогдож байгаагvй, дурлалдаа vнэнч залуу.
Гэвч эмэгтэйчvvд хамгийн гол нь сайнд нь биш мууд нь илvv татагддаг нь нууц биш. Хєнгємсєг гэдгийг нь мэдсээр хэдий ч тvvний нvдэнд єртєхийг хичээж, дэргэд нь суувал vс зvсээ ямаршуухан байгаа бол хэмээн санаа зовниж эхлэдэг. Охид сайн залуу руу эелдэг гэгч нь хардаг бол, муу руу нь єєрийн эрхгvй талимаардаг шvv дээ.

Vvний нууц нь юунд байгаа юм бол?
Тийм ээ. Муу залуус vргэлж хамгийн царайлаг нь байсаар ирсэн. Гэвч асуудлын гол нь тэр чигтээ сайхан царайнд байгаа хэрэг биш аж. Тэд бол гарамгай "Don Juan"-ууд. Эмэгтэй хvний сэтгэлийг хэрхэн татах, яаж єєртєє дурлуулахаа хэнээр ч заалгалтгvй мэднэ. Тэд таны сонсохыг хvссэн vгсийг хэлж, авахыг хvссэн мэдрэмжийг бэлэглэх болно. Сайн залууст єєрсдийн хvслээ ойлгуулахын тулд нилээдгvй мэрийх шаардлага гардаг бол муу залуус таныг нэг ч vг хэлээгvй байсан ч юу хvсч байгааг тань мэдчихнэ. Тиймээс ч харьцахад илvv дєхємтэй, тааламжтай байдаг. Мєн даруухан эрсийг бодвол илvv санаачлагатай. Нэгтгэж хэлвэл сайн залуусыг таны зvрхний тvлхvvрийг олох гэж тэмтчиж байх зуур, муу залуус тvvнийг чинь аль хэдийнэ олчихоод, дотор нь орчихсон зогсож байдаг гэсэн vг. Иймээс л бидний дунд Дон Жуан нар илvv эрэлттэй байдаг.

Хэдий бидний мєрєєдлийн эр муу залуусын нэг байх нь олон ч, тэд зєв сонголт мєн эсэх нь эргэлзээтэй.
Хєнгємсєг эрчvvдийн хувьд эмэгтэйчvvд яг л кино гэсэн vг. Тєгсгєлд нь ямар vйл явдал болохыг мэдчихвэл, vзэж байсан кино маань сонирхолгvй санагдаад эхэлдэг шvv дээ. Тvvнтэй адилаар таны талаар их мэдэх тусам, тэдний сонирхол нь буурчихдаг. Тэгээд л єєр "кино", єєр адал явдлын эрэлд гарна даа. Залуудаа хvvхэмсэг байсан эрчvvд гэр бvлтэй болоод бvрэн "засарсан" жишээ сонсогддог ч, энэ нь ховор тохиолдол юм. Ихэвчлэн "Сурсан юмыг сураар боодоггvй" гэсэн зарчим тэдэнд vйлчилдгийг мэдэхэд илvvдэхгvй болов уу.

Тvvнээс гадна хуумгай залуусыг бvр мєсєн "ємчлєх" хvсэл бидэнд тєрдєг бол, vнэнч эрийг насан турш дэргэдээ байлгамаар санагддаг. Єєрєєр хэлвэл муу залууд дурладаг бол, сайн залууг хайрладаг юм. Сайн залуутай гэрлэвэл салах магадлал ч илvv багатай.

Магадгvй таны найз залуу, эсвэл нєхєр хvслийг тань ойлгохгvй анхаарахгvй байж мэднэ. Гэвч тэдэнд жаахан л туршлага дутсанаас биш, анхаарал халамж тавихыг хvсээгvйдээ тийм зан гаргаагvй гэдгийг ойлгоход гэмгvй. Мєн сайн залуусыг мэдрэмжтэй байхад сургаж болдог бол, муу залуусыг номхотгох хялбаргvй шvv. Тиймээс бидний эцсийн сонголт сайн залуу байх учиртай. Єєрийнхєє хайртай эрийг биш, єєртєє хайртай эртэй амьдралаа зохиосон эмэгтэй илvv амар тайван амьдардаг. Хуумгай залуу тvр зуурын дvрэлзсэн жаргал эдлvvлж болох ч, vнэнч залуу насан туршийн амь бєхтэй жаргал амсуулна.