“Солонгосын ЭСЯ-ны ажлыг Монголчууд сайн дураараа зохицуулж байна”, “Солонгосын ЭСЯ ба Монгол иргэд” зэрэг сурвалжлагаараа бид БНСУ-ын ЭСЯ-ны виз авахыг хүссэн Монгол иргэдийн хувьд багагүй асуудал үүсч буй талаар өгүүлсэн билээ.
Бидний удаа дараагийн сурвалжлага төдийгүй иргэдийн санал хүсэлтийг үндэслэн БНСУ-ын ЭСЯ-наас тус улсад зорчих виз мэдүүлж буй Монгол Улсын иргэдийн таатай нөхцлийг бүрдүүлэхийн тулд визний материал хүлээн авах ажлыг төлөөлөн гүйцэтгэх байгууллагаар дамжуулан авах системийг хэрэгжүүлэхээр болсон байна.
Энэ системийг хэрэгжүүлэхийн тулд холбогдох байгууллагуудыг шалгаруулалтанд урьжээ. Тухайн байгууллага нь БНСУ-д нэвтрэх виз хүсэх өргөдлийг хүлээн авч Монгол дахь Солонгосын Элчин сайдын яаманд дамжуулах, визний материал нь шалгагдаж дууссан гадаад паспортыг виз хүсэгчдэд олгох, БНСУ-д нэвтрэх визний системийг танилцуулах зэрэг ажлыг гүйцэтгэх ажээ