Сайн байцгаана уу намайг С гэдэг. Би 25 настай. Нөхөртэйгөө гэрлээд 3 жил болж байна. Саяхан нэг хүүхэдтэй болсон. Бид 3 манай эцэг эхийн гэрт амьдардаг юм. Би айлын ганц хүүхэд. Тийм болохоор нөхөр бид 2 ийг аав ээж 2 маань тусад нь гаргахгүй явуулахгүй юм. Уг нь бид хоёр хоёулаа боломжийн ажил хийдэг байр хөлслөөд ч болтугай тусдаа гарч чадна л даа. Даанч хөлсний байранд намайг зовно нэг мөсөн байр аваад тусдаа гар гээд байх юм. Сүүлийн үед манай ээж миний нөхрийг цаагуураа л их дээрлэхдэг боллоо. Манай нөхрийн гэр бүл жаахан хэцүүхэн амьдралтай. Тэрнийг нь мэдчихээд бүр их дээрэлхээд байх шиг. Манай нөхөр ч мэдээж тэрийг анзаарсан болохоор ээж чинь ингэлээ тэглээ гээд байнга надад гомдоллоно. Ээж болохоор наад нэг юм чинь ийм тийм гээд байнга намайг загнана мэдээж би нөхрөө зад өмөөрдөг л дөө. Ээж нөхрөөр маань гэр орны ажил хийлгэх гээд байнга гэртээ байлгах гээд үзчихнэ. Заримдаа оройтохоор миний өмнөөс харддаг гээд бод доо. Ер нь манай ээж их хатуу хүн. Ийм хүний доороос би яаж хүн болсийн бол гэж заримдаа боддг юм. Нөхөр маань эр хүн болохоор ингээд хадмын хаяанд амьдраад байхаар үнэхээр хэцүү байгааг харах юм. Нөхөр бид хоёрын мөрөөдөл бол тусдаа гарах. нөхөр маань би чиний төлөө л энд тэвчиж байна гэж хэлдэг. Ингээд байгаад байвал ээж нөхрийг маань ямар ч өөртөө итгэх итгэлгүй хийморь лундаагүй болгох нь.

Нөгөө бодлын бид хоёр хоюулаа их үрэлгэн зантай. Хоюулаа л өнөөгийн нийгмийн хамгийн өндөр цалинг авч байж юу ч болгодоггүй. тансаглаад л дуусгачихдаг. Одооноос би л арвилж сурч байна. Манай нөхөр тийм амьдрал үзээгүй цагаан цайлган үрэлгэн хүн болохоор энд ингээд жаахан ч болов амьдрал үзэг гэж дотроо бодох юм. Миний бодол бас буруу ч байж мэднэ. Ямар ч байсан энэ маягаараа бид хоёр үрэлгэн байвал хэзээ ч ээж аавын хараа хяналтаас гарч чадахгүй. манай эцэг эх бид хоёрын амьдралд арай л дэндүү оролцоно. Бид хоёр муудалцахаар үргэлж миний талд орно. миний нөхөрт үнэхээр хэцүү байгаа. Хамтдаа эцэг эхээсээ хол л байвал тареншейнд ч амьдарсан яахав. даанч айлын ганц хүүхэд үнэхээр хэцүү юм. Аав ээжид ахиад нэг өөр хүүхэд байсан ч болоосой. Тэгвэл намайг ингэж их анхаарах нь арай л багасах байх. Одоо сүүлийн үед бүр их тэсвэрлэхийн аргагүй болж байна. Би яах вэ гэж асуух нь тэнэг хэрэг байх л даа тэхдээ. Гэхдээ ийм байдлаас гарах мэргэн санаа байвал хайрлаарай.