Британийн сэтгэл судлаач Донна Даусоны явуулсан судалгаа эмэгтэй хүний дотуур хувцасны өнгө нь өөрийнх нь зан авир,  мөн хайр дурлалд хэрхэн ханддагийг нь  илэрхийлдэг болохыг тогтоожээ. Доктор  Даусон эмэгтэйчүүдийн 72 хувь нь биеийн өнгөтэй эсвэл өнгөгүй дотуур хувцас өмсдөг нь Rolling Stone сэтгүүлийн нүүрэнд  дотуур хувцастай зураг нь гарсан Кети Перри  болон Calvin Klein-ын загвар өмсөгч  Эва Мендез зэрэг алдартай сайхан бүсгүйчүүдтэй адилхан болохыг  хүсдэгтэй  холбоотой болохыг тогтоожээ. Их Британид Debenhams их дэлгүүрийн  менежер  биеийн өнгөтэй  дотуур хувцасны худалдаа энэ жил 38 хувиар нэмэгдсэн гэж ярьж байна.

Судалгааны үр дүн хэрхэн гарсныг та бүхэнд толилуулж байна.

Биеийн өнгөтэй дотуур хувцас: “ Гэрэлтэнэ гэж айх зүйл байхгүй. Ийм дотуур хувцас нь тайван, энгийн зан чанарын илэрхийлэл гэнэ”

Улаан: " Тэмүүлэлтэй, эрч хүчтэй, хөдөлгөөнтэй зан чанар авирын шинж.  Ийм дотуур хувцастай бүсгүй юм хүсч байгаагаа хэлэхээс ичдэггүй.  Сайхан зан, хэрэгтэй  үед жүжиглэх чадвар нь  ийм бүсгүйн дур татам чанарын нэгээхэн хэсэг юм.

Ягаан: "Романтик,  уян зөөлөн сэтгэлтэй, бусдын хайрыг татах чадвартай. Эмзэг зөөлөн сэтгэл нь тэднийг удирдагч биш гэдгийг харуулдаг.  

Хар: "Хүчтэй, бас тачаангуй. Эсрэг хүйстнээ татах ер бусын увидас нь тэднийг бусдаас ялгаруулдаг.

Цагаан: " Гэнэн, хэрнээ нээлттэй зүрх сэтгэлтэй. Ийм бүсгүйчүүд ихэвчлэн төгс төгөлдөрт тэмүүлэгчид байдаг.
Улаан дотуур  хувцсанд дуртай бүсгүй өдөр болгон цагааныг өмсдөг бүсгүйг бодвол илүү тачаангуй, бас эрч хүчтэй байж болох ч цагааныг өмсдөг бүсгүйчүүд бүгд гэнэн гэж ойлгох нь эндүүрэл юм. Мөн эмэгтэйчүүдийн 72 хувь нь биеийн өнгөтэй дотуур хувцас өмсдөгөөр тэднийг  энгийн гэж тодорхойлж  болохгүй.  Учир нь эмэгтэйчүүд дотуур хувцас цамцных нь цаанаас гэрэлтээсэй гэж хүсдэггүй.

Өөр нэг зүйл нь эмэгтэйчүүд  гоё өнгөтэйг сонгохоос илүү хөөрхөн загвартайг сонгох  нь илүү байдаг.  Хар, цагаан, биеийн өнгөтэй, ягаан, эсвэл ирвисийн судалтай ч тэр  ямар өнгөтэй байх нь огт чухал биш аж.