Ихэмсэг уруултай бол:
Ийм хэлбэрийн уруултай хүн хэтэрхий ихэмсэг харагддаг тул инээмсэглэхээ бүү мартаарай. Тохиромжтой өнгө нь цайвар ягаан өнгө. Цэвэрхэн гоёмсог харагдана. Энэ өнгө нь тод учраас бусдын харааг булааж бүгд таныг атаархан харах болно.

Ялангуяа үдэшлэг, төрсөн өдрийн баяр зэрэгт бусдын нүдэнд өртөхөөр байя гэж бодсон үедээ энэ өнгөөр будвал баяр ёслолын байдалтай болж 100 хувийн амжилтад хүрэх нь эргэлзээгүй.

Дарвагар уруултай бол:
Ийм хэлбэрийн уруулд тод улаан өнгө зохидог. Энэ уруул эр зориг, халуун сэтгэл, идэвх, хүч чадлыг илтгэдэг. Сэтгэл санааны болон дарамтад орж хүсэл тэмүүлэл унтарсан үед энэ өнгөөр будвал алга болсон хүч чадлыг сэргээж чадна. Энэ өнгө сайхан хайр дурлал ч авчирдаг.

Бага зэрэг дарвагар уруултай бол:
Ийм хэлбэрийн уруулд цонхигор ягаан өнгө зохидог. Энэ өнгөөр будсан уруул гайхмаар чөлөөт байдлыг бий болгож, эрчүүдэд долгинохгүй байж чадах сэтгэлийн их хүчийг хайрлана. Шинэ гэдэг өөр нэг утга ч энэ өнгөнд агуулагдаж байдаг тул болзоонд явахдаа энэ өнгөөр будвал хайр дурлалд чинь улам сайн сайхныг авчирах болно.

Жимбэгэр уруултай бол:
Ийм уруултай хүнд будэг ягаан өнгө хамгийн сайн тохирно. Та уруулаа ийм өнгөөр будсанаар гэр орныхондоо болон айл хөршийнхөндөө бас ажил дээрээ ч хүн бүхэнд хүндлэгдэн хайрлагдах болно. Таныг харсан эрчүүд даруухан бусгүй хэмээн бодох тул юунаас ч хамгаалахад бэлэн байх болно. Ажил эсвэл сургууль дээрээ хэн нэгэн хүнд сайн болбол энэ өнгөөр будаарай. Тэгвэл тэр хүндээ заавал таалагдах болно.

Гэхдээ аль болох нимгэхэн будах хэрэгтэй гэдгийг анхаараарай. Энэ хэлбэрийн уруулд бүдэг ягаанаас гадна хүрэн улаан өнгө ч зохино. Энэ өнгө нь хатан хааны өргөмжлөлийг илэрхийлдэг тул эрдэм мэдлэгтэй эрчүүд, нэртэй тамирчидтай ч танилцаж болзошгүй. Бүдэг ягаан, хүрэн улаан өнгийг та хүссэн үедээ зохицуулж хэрэглээрэй.

Дээд талын уруул нь зузаан бол:
Ийм уруулыг цайвар ягаан өнгөөр будах хэрэгтэй. Дээд уруул нь доодохоосоо хэт зузаан бол энэ эмэгтэйн амьдрал нь элбэг хангалуун, тогтвортой байхын бэлгэ тэмдэг.

Доод талын уруул зузаан бол:
Ийм уруулыг тод ягаан өнгөөр будах хэрэгтэй. Ийм уруултай эмэгтэй зөөлөн сэтгэлтэй байдаг. Та хүнтэй маргасан ч гэсэн амархан бууж өгөөд харилцагч хүнээ өөртөө татаж чадах хүн байна. Уруулаа будахын өмнө эхлээд хүрээлэх хэрэгтэй. Дараа нь тод ягаан өнгөөр зөөлөн будах хэрэгтэй.

Тод ягаанаас гадна шаргал ягаан бас шар хүрэн өнгийн будгаар будахад ч зохино. Ийм уруулыг цайвар ягаан өнгөөр будах хэрэгтэй. Ийм уруултай хүн өөрөө өөрийгөө захирч чаддаг учир сэтгэлийн хөдөлгөөнөө сайн дардаг бөгөөд хүнийг өнгөц хараад дурладаггүй. Цайвар ягаан өнгийн будаг илүү зохино.

Дээд доод тал нь хоёулаа зузаан уруултай бол:
Дээд уруулын гол буюу тасархай хэсгээр хөнгөн хүрээ татаад завжаа бага зэрэг уртасган хүрээлж будах хэрэгтэй. Хайртай хун чинь таны дурлалд эргэлзсэн үед та энэ өнгөөр будаж болно.

Ердийн уруултай бол:
Ийм уруулыг улаан шар өнгөөр будах хэрэгтэй. Зочломтгой уруултай эмэгтэй хүн их яриа, хөнгөмсөг, тоглоом, зугаа цэнгэлд дуртай байдаг. Тийм учраас зарим хүнд сайхан сэтгэгдэл төрүүлдэггүй байж болно.

Өөрийгөө даруухан, аятайхан харагдуулахын тулд эхлээд уруулаа тойруулан пудрдэх хэрэгтэй. Дараа нь хүрээлж байгаад будаарай. Энэ уруулд зохих бас нэг өнгө бол хүрэн өнгө. Хүрэн өнгө нь өөрийг чинь идэвхтэй болгон харагдуулж, хүсэл зоригийг чинь бадруулах болно.