. Өглөөний цайгаа уухгүй байх
Өглөөний цай нь хүний өдөрт идэх хамгийн чухал цай юм. Хүн өглөө босоход 10-12 цагийн туршид хоол идээгүй байдаг учир цусан дахь сахарын хэмжээ бага болсон байдаг. Өглөөний цай уугаагүйгээс болж хүн өдөржингөө их идэж цусан дахь сахарын хэмжээ болон энергиэ ихэсгэдэг аж. Судлаачдын үзсэнээр өглөөний цайгаа уудаггүй хүмүүсээс уудаг хүмүүс нь өдрийн туршид бага илчлэгтэй хооллож, жингээ илүү үр дүнтэй хасаж чаддаг байна.

2. Цагаар хооллохгүй байх
Хүн цагаар хооллохгүй дуртай цагтаа хооллосноор муу зуршилтай болох бөгөөд богино хугацаанд таргалж, эрч хүчээ алддаг. Та өглөө 15-хан минутыг өөртөө зарцуулан өглөөний цайгаа бэлтгэх нь эрүүл мэндэд тань тустай.

З. Хоол эргүүлэх
Хоол эргүүлдэг хүмүүсийн ихэнх нь өсвөр насныхан байдаг гэнэ. Тэд хөргөгчний хажуугаар онгойлгож харахгүйгээр өнгөрч чаддаггүй. Тэдний хурдацтай өсөлт болон эрч хүчтэй байдал бие махбодид нь ихээхэн илчлэгийг шаардаж байдаг. Харин энэ зуршлаасаа салж чадахгүй насан туршдаа явбал эрүүл мэнд, биеийн галбирын хувьд зохисгүй үр дүнд хүрнэ. Самар, жигнэмэг, хэдэн халбага самрын тос, жимсний шүүс гэх мэт нь ямар ч нөлөөгүй мэт сонсогдовч байнга хэрэглэвэл хэдэн зуун калорийг таны биед шингээх болно. Үүнээс болж та жилд дунджаар 10 кг нэмж ч болзошгүй юм.

4. Санаандгүй идэх
Бид зурагт үзэж, утсаар ярьж, ном уншиж байхдаа урдаа тавьсан самар, хайрцагтай жигнэмэг гэх зүйлүүдийг идсэнээ гэнэт ухаардаг. Хоолыг анхаарал сарнихгүй нөхцөлд буюу зурагт, компьютер, видео тоглоом, утаснаас хол гал тогооны өрөөндөө идэж байх хэрэгтэй. Энэ нь таныг хэр их хэмжээгээр идэж байгаагаа хянахад тусална.

5. Түргэн идэх
Алдарт эрдэмтэн Жонсон хоолыг хүн 32 удаа зажилсны эцэст залгиж болно гэж хэлсэн байдаг. Бидний ихэнх нь хэт түргэн хооллодог аж. Гэтэл тархинд цадсан гэсэн мэдээлэл ирэх гэж 30-40 минут болдог. Хэрэв түргэн идвэл та идэх ёстой хэмжээнээсээ хэтрүүлэн иднэ гэсэн үг. Тийм учраас удаан, тайвнаар тархи тань тэрхүү мэдээллийг хүлээн авч байхаар идэх хэрэгтэй. Өөрийхөө хүссэнээс их идээгүйгээ мэдэхийн тулд удаан, тааваараа идэх хэрэгтэй. Хоолоо нэг халбагадаад амтыг нь мэдэрч ид.

6. Бага зүйл уух
Таны ам цангах үед бие махбодь тань аль хэдийн усгүй болсон байдгийг мэдэх үү? Бидний биеийн 70 хувь нь ус бөгөөд өдөрт найман аяга ус ууж байж түүнийгээ нөхөж байдаг. Усгүй байх нь биеийг сульдуулж өлсгөн, шингэн уух ёстой байтал хоол идэхэд хүргэдэг. Бидний бие организм өлсөөгүй цангаж байгааг анхаар. Зөв зохистой ус уух нь өсөлтийг зохицуулж, биеийн жингээ хасахад гол туслагч болдог.

7. Дасгалын дараа өөрийгөө урамшуулах
Биеийн жин хасах дасгал тогтмол хийх нь маш үр дүнтэй. Гэхдээ дасгал хийх нь биеийн жинг барьж, эрүүл мэндийг сайжруулдаг ч жин хасахад нэг их нөлөөлдөггүй. Хэрэв та 72 кг жинтэй бол 107 км, 60 кг бол 84 км алхах хэрэгтэй болно. Энэ нь ихэнх хүмүүсийн хувьд цаг зав шаардсан хэцүү асуудал. Нэг газраас нөгөө рүү алхах, машинаа угаах нь хэдхэн калорийг шатааж чадна. Жин хасахад 90 хувь нь зөв хооллолт, 10 хувь нь дасгал байдаг аж.

8. Тавгаа цэвэрлэх
Эцэг эхчүүд, ахмадууд биднийг "хоолоо битгий үлдээ" гэж байнга хэлдэг. Энэ нь бидэнд зуршил болж, эцэстээ жин нэмэхэд нэмэр болдог байна. Бид зөвхөн өөрийн-хийгөө дуусгаад зогсохгүй хүүхдүүдийнхээ үлдээсэн үлдэгдэл хоолыг хүртэл иддэг шүү дээ. Гэтэл энэ нь хэмжээнээс хэт давсан хоол идэхэд хүргэдэг. Тиймээс үлдэгдэл хоолоо гэдсэндээ биш хөргөгчиндөө хий.

9. Өлөн явах
Бид цатгалан үедээ хүнсээ цуглуулах бодол толгойд бага орж ирдэг бол өлссөн үедээ хоол унд цуглуулах талаар бодоход маш зөв санаа мэт санагддаг.

10. Амттаны нөлөө
Бидний амьдралд амралт, зугаалга, баярт үйл явдал гээд бүх тохиолдолд хоол маш том үүрэг гүйцэтгэдэг. Жишээ нь янз бүрийн баяр, төрсөн өдрийн зоогийн ширээнд голлох байрыг бялуу, чихэр, жигнэмэг зэрэг илчлэг ихтэй бүтээгдэхүүн эзэлдэг нь таргалалтын гол шалтгаан болдог билээ. Бид энэхүү зүйлсийг шагнал болгон идэх биш харин шийтгэл болгон ашиглавал зүйтэй. Үүний оронд шинэхэн жимс, сахаргүй илчлэг багатай тараг, мөхөөлдөс харьцангуй зөв сонголт болж чадна.