Moderator: mgl_300
Бичлэгийн тоо 42,366
Нүүдэлчний ухааныг дэлхийд гайхуулсан 11 хэн настай хүү А.Уранбаярын тухай цуврал сурвалжлагын нэгдүгээр хэсэг
Арван нэгхэн настай монгол хүүгийн арван нэг хоногийн турш шигүү ойд амь зууж, алхсаар 70 гаруй километр газрыг улаан нүцгэн хөлөөрөө туулж эсэн мэнд гарсан түүх дэлхий нийтийн анхаарлын төвд орж эхэллээ. Нийслэлээс 880 километр алс зам туулан Дорнод аймгийн Баян-Уул сумын нутагт буй хүүгийн гэр лүү "Шууд.мн” сайтын сэтгүүлчид сурвалжлагаар явахад бидний араас дэлхийд нэр нөлөө бүхий хэд хэдэн хэвлэл мэдээллийн байгууллагууд энэхүү сурвалжлагыг өөрсдийн хэвлэл мэдээллийн хэрэгслээр цацахад бэлэн байгаагаа дуулгасан юм. Манай сайт хүүгийн тухай цуврал сурвалжлагыг энэ долоо хоногийн турш хүргэх гэж байна. Та бидэнтэй хамт байгаарай.
Дорнод аймгийн Баян-Уул сумын 3 дугаар багийн иргэн, малчин Ж.Алтангэрэлийн отгон хүү Уранбаяр өнгөрсөн сарын 19-ний өдөр даагаа тарлахаар гэрээсээ гарчээ. Морь тарлаж дууссаны дараа хөтөлж явсан даагаа алдсан хүү араас нь хөөцөлдсөөр яваад шигүү ой руу орчихсон гэнэ. Хаашаа л харна, ой модноос өөр юу ч харагдахгүй газарт даагаа алдаж, хоёр дахь хоног дээрээ морио бусгахад унасан жаал хүү битүү ой дотор бүхэл бүтэн 11 хоногийг өнгөрүүлжээ. Дорнод аймгийн Онцгой байдлын газраас хүүг гурван хоног хайсан бөгөөд 4 дахь хоногт ар гэрийнхнийх нь хүсэлтээр ажлаа зогсоосон гэнэ.
Дорнод аймгийн Баян-Уул сумын иргэд хүүгийн араас санаа зовж, ар гэрийнхэнтэй нь хамт 10 хоног эрж хайсан байна. Зарим нэг айл өрх нь морь гаргаж өгч тусалсан гэсэн. А.Уранбаяр хүү Баян-Уул сумын Ерөнхий боловсролын сургуулийн 5-ын "б” ангид сурдаг юм байна. Ангийн багш В.Пүрэвжил ар гэрийнхэнтэй хамт хүүг хайлцаж байсан тухайгаа мөн ярьж байсан. А.Уранбаярын хувьд сурлага сайтай, ухаалаг хүүхэд гэдгийг багш нь хэлсэн юм. А.Уранбаяр тооны хичээлдээ маш сайн гэсэн. 5 настайгаасаа хурдны морь унаж эхэлсэн юм байна. Энэ жилийн наадмаар дааганд уралдахаар даагаа тарлаж яваад төөрчээ.
Азаар ундааны сав олж авсан хүү түүндээ булгийн ус хийж уун, мөн толгойгоо норгож алхсаар байжээ. Шөнийн цагаар алхаж, өдрийн халуунд модны ёроолд унтаж амарсаар байгаад ой шугуйд өнгөрүүлсэн 11 хоногийг давж гаран хүмүүсийн бараа харж аврагдсан хүүгийн талаарх эхний мэдээллийг бид хүргэлээ.
Ж.Батхишиг, Н.Цэндбат, Ж.Содоншагай
Эх орон гэдэг төрж өссөн нутаг ус
Эх орон гэдэг төрүүлж өсгөсөн эцэг эх
Эх орон гэдэг мөр зэрэгцсэн анд нөхөд
Эх орон гэдэг мөнгөөр үнэлшгүй хувь заяа
- Холбоотой бичлэг :
- http://www.mglclub.com/3409115/592/trackback
