Яавал хамгийн хөөрхөн сэтгэл булаам бүсгүй байх вэ? Энэ эмэгтэй хүн бүрийн хүсдэг зүйл ч хүн бүр хамгийн хөөрхөн бас сэтгэл булаам бүсгүй байж чаддаггүй. Зарим нь бүр ийм байж чадаж байгаа нэгнээ "Аальгүй", "Сээтэгнүүр" бүр "Гейша" гэх нь ч бий. Тэгвэл энэ тун буруу ойлголт, бодол шүү. "Гейша" гэдэг үгийг хөрвүүлэхэд урлагийн хүн гэсэн утгатай.

Үзэсгэлэн гоог байгаль ховорхон заяадаг ч үргэлж нууцлаг, дур булаам харагдана гэдэг нь амьдрах урлагт суралцсаны үр дүн. Магадгүй танд ийм авьяас заяагдаагүй мэт санагдаж болох. Гэхдээ сувд солонгорсон өнгөөрөө бүгдийн нүдийг булаадаг ч энэ гоо үзэсгэлэн нь өнгөлж зүлгэсний дараа л бий болдог шүү дээ. Ингээд нууцлаг, дур булаам байхын нууцад нэвтэрцгээе. Товчилбол "гейша"-гийн нууцад.

Нэгдүгээр нууц
Гэрэлтэн туяарах. Энэ үгний утга нь шаазан хүүхэлдэй мэт будах бус түүнээс ч илүү гүн гүнзгий утгыг агуулдаг. Японд охидыг бүр багаас нь амьдралыг зөвхөн эерэг талаас нь харахыг сургадаг. Өглөө сэрмэгцээ тэд мандаж буй нарыг харан баясна. Хүнд хүчир ажил ч тэднийг гуниглуулдаггүй. Цэцэрлэгт хүрээлэнд жиргэх шувуудын жиргээн охидын царайд инээмсэглэл "бэлэглэж", тоглож, зурж, бүжиглэх гээд балчир охидын хөдөлгөөн бүрт оюун бодлынх нь гэрэл гэгээ туяарч байдаг. Тиймээс насанд хүрсэн бүсгүй болохын цагт өөртөө итгэлтэй, тайван, амьдралын аз жаргалын тухай мэдлэгтэй болсон байдаг. Япончууд хэрхэн эрүүлжихээ сайн мэднэ.

Жор нь тун энгийн. Байгалтай нэг хэмнэлээр зохицон амьдрах. Тиймээс бүр амьтдын зан авираас ч ихийг мэдэж болно гэж үздэг. Тухайлбал, муужгайнуудаа хүрээлүүлсэн халамжит эх муур аажуу зөөлөн гунхаж явангаа эелдэг, дур булаам мэдрэмжийг илгээж байдаг гэнэ. Бид юугаараа дутах гэж? Хэрвээ та өөрийгөө аз жаргалтай эмэгтэй хэмээн мэдэрч буй бол танаас цацрах гэрэл гэгээ эрчүүдийн анхаарлыг татах л болно. Оюун санааг уншигч. Энэ бол жинхэнэ таашаал, харилцан ойлголцолд хүрэх зам.

Хоёрдугаар нууц
“Гейша” нарыг сэтгэл зүйчид гэж хэлж болно. Тэд харилцан ярилцагчтайгаа хэзээд анхааралтай ханддаг. Тэдний бодлыг тааж уншихын тулд нүүрэнд нь илрэх эмоци, сэтгэл хөдлөл бүрийг ажиглангаа дур булаам инээмсэглэх төгс төгөлдөр зан чанараас суралцсан байдаг, Эр хүнийг мэдрэх урлаг нь тэдний уураг тархинд "Тэр ямар үзэсгэлэнтэй" гэсэн бодлыг суулган, оюун санаанд нь нээж өгөх явдал. Тэдний уриа бол "нээх".

Гэхдээ ямар ч тохиолдолд орчин үеийн эмэгтэйчүүдийн гаргадаг алдаа болох өөрчлөн засах, өөртөө тааруулах гэдэггүй. Гейша нар яг гэрийн эзэгтэй шиг тавилга, орчны гоо сайхандаа анхаарал халамж тавьдаг юм. Япончууд гоо сайхан нь хүний үйл хөдлөл, бодол санаагаар нь дээш өргөдөг хэмээн үздэг юм. Цайны ёслолын тансаг цайны хэрэгсэл, бүсгүйн эвлэг хөнгөн хөдөлгөөн энэ бүгд тайван, өөртөө итгэлтэй байхад тус болдог. Муу бодол санаа болон түгшүүрийг босгоныхоо цаана үлдээдэг юм. Нөхөр тань гэртээ үргэлж татагддаг байхын тулд түүний бодолд нь нэвтэрч орох хэрэгтэй.

Түүнийг ажлаасаа ирэхэд нь эелдэг зөөлөн инээмсэглэлээр угт. Оройн хоолыг зүгээр бэлдэх бус харин гүнцэг зоог болго. Ширээгээ салфетка, цэцгээр чимэглэн, нөхрийнхөө яриаг таслалгүй, хүндлэлтэй сонс. Та "гейша". Бас гэртээ байгаа шүү. Тиймээс сэтгэл баясгах үүднээс ямар нэг хөгжилтэй, сонирхолтой зүйлийг ярь. Түүний эерэг зан чанаруудыг олж харахыг хичээ. Тэгвэл тэр бүдүүлгээр зөрүүдлэхээ больж, шууд л тантай нэгдэнэ.

Гуравдугаар нууц
Японоор секс нь хайртай хосууд мэдрэмжээрээ нэгдэхийг хэлнэ. Зөөлөн, уян налархай, дуулгавартай бас алиа томоогүй. Гейша, эр хүнтэй хамт байхдаа өөрийгөө ийм авир зантай байлгадаг. Эротик тоглоом нь гүн мэдрэмжтэй хосолдог. Сексийн сэтгэл хөдлөлийг италичууд шиг гэнгэнэж орилж бус харин биеийн хөдөлгөөн, оюуны дотоод эрмэлзэлд анхаарч нам гүм дуугүй байдлаар илэрхийлдэг. Таашаал авах тэр агшинд эр хүн байгалийн бүтээл гэдэг утгаас нь танд хамгийн ойр болдог. Амраг, найз нөхөр гэсэн хоёр чанар таныг хамгийн "идеал" эмэгтэй болгох болно.