Moderator: mgl_300
Түүхий сүүнээс элдэв өвчин халдварлах боломжтой. Тиймээс хүүхдэд сүүг хөөрүүлж уулгах нь зөв. Хөөрүүлсэн сүү, хярам хүүхдэд шингэн сэлбэхээс гадна кальци нөхөж, өсөлтийг нь дэмжих, шүдийг нь бэхжүүлэх нөлөөтэй. Хярамыг Монголчууд дээр үеэс ууж хэрэглэж ирсэн.
Хярам хүний тархинд ухаан нэмдэг болохыг эрдэмтэд нотолжээ. Япончууд монгол хүүхдийг япон хүүхэдтэй харьцуулсан судалгаа хийгээд үр дүнг нь ихэд гайхан хүлээж авчээ. Учир нь, хөдөө өссөн монгол хүүхэд оюуны чадвараараа 20-30 хувь илүү байгааг тэд баталжээ. Нэг ойтой монгол хүүхэд хүний хөдөлгөөнийг алдалгүй дуурайж байхад солонгос хүүхэд ганц хоёрхон хөдөлгөөн дуурайсан байна.
Тиймээс хүүхдийг ийнхүү хөгжүүлж хүчин зүйл юу байгааг судалж эхэлсэн байна. үүний дүнд хярам тогтмол хэрэглэж байгаа нь монгол хүүхдийн оюун ухааны хөгжилд нөлөөлсөн гэж үзжээ. Сүүг шингэрүүлж буцалгаж уух нь хүүхдэд ихээхэн ашигтай учир та зуны халуун өдрүүдэд хүүхдэдээ хярам бэлтгээд өгөөрэй.
-Хүнс тэжээлээр өсөлтөд нөлөөлөх. үүраг, кали, фосфор их агуулсан хүнс тэжээлийн зэрэгцээ амин дэм Д-г сайн хэрэглэх хэрэгтэй. Үүний тулд олон төрлийн ногоо, жимс, буурцагийн зүйл, сүү, тараг, загас зэргийг хэрэглэх
-Хөдөлгөөн, гимнастикаар өсөлтөө нэмэгдүүлэх. Дээс, сагс тоглох, уртын харайлтаар хичээллэх, ууланд авирах гэх мэт биеийн тамирын хөдөлгөөн болон хоёр гараа дээш өргөн ханатал сунайх зэрэг дасгалыг өсвөр насандаа хийж байвал тустай
-Үнээний сүү уух. Судалгаанаас үзэхэд “өсвөр насны хүүхэд үнээний сүү ууж байх нь онц сайн” гэжээ. Хамгийн тохиромжтой нь унтахын өмнө нэг ширхэг С амин дэм мөн В-гийн төрлийн амин дэмээс нэг үрлийг сүүнд хийж уувал хүүхдийн өсөлтөд нэн сайн. Бас өдөрт 250 мл сүү уудаг болон уудаггүй хүүхдийг харьцуулахад уудаг хүүхэд нь 2,8 см-ээр өндөр байжээ. Түүнчлэн өдөрт үнээний 500 гр сүү уусан хүүхдийг огт уудаггүй хүүхэдтэй харьцуулахад 4,8 см-ээр илүү өсөлттэй нь нотлогджээ. Монголын үрс өндөр болтугай.