.Би та нараас нэгэн зүйлийн талаар асуух гэсэн юм.Би ахындаа амьдардаг. Одоогоор тусдаа гарч амжаагүй л байна. Миний ах сайн хүн. Хэн ч харсан царайлаг,бас цайлган сайхан сэтгэлтэй. Гэр бүлийнхэн болон аав,ээж,ах,эгч, дүү нартаа халамжтай.Ах маань нэлээн гайгүй бизнес хййдэг. Мөнгө ч сайн олдог. Харин бэр эгч хүүхдүүдээ хараад гэртээ байдаг. Манай бэр эгчид зан ааш талдаа гэх юмуу даа асуудал байна. Яахав гаднаас нь харсан хэн ч бэр эгчийгээ өөлж муулахгүй. Яагаад гэвэл бэр эгч маань нөхөр хүүхдүүддээ маш сайн халамжтай. Орсон гарсан хүмүүст цайтай ундтай байдаг. Би ч нөхөртэй болоод бэр эгч шигээ нөхрөө сайн халамжилж, бэр эгч шигээ сайн гэрийн эзэгтэй болно доо гэж боддог байсан.Гэтэл одоо бэр эгчийг бодохоор уур хүрээд байна.Ах бэр эгч 2 маань байн байн муудалцдаг.Түүгээр ч зогсохгүй ах архи ууж ирээд бэр эгчийг зодох гээд байдаг. Энэ хэрүүлийн гол буруутныг ахыгаа гэж боддог байлаа.Гэтэл гол буруутан нь бэр эгч гэдгийг би мэдсэн бас мэдэрсэн. Юу вэ гэвэл бэр эгч ахад мэдэгдэхгүйгээр манай ах дүү нарын дунд байн байн зохицуулалт хийдэг байсан байгаа юм. Одоо ч гэсэн хийх л байх л даа.Дандаа мөнгөтэй холбоотой асуудал. Жишээ нь ах хэн нэгний өмнөөс мөнгө төлбөр төлөх гэж байвал ахад мэдэгдэхгүйгээр цаад хүн буюу манайхны хэн нэгэн рүү залгаад таныг тэрний эсвэл энэний төлбөр төл гэж байна лээ гэж ахын нэрийг барьж шал худлаа хэлдэг байсан байгаа юм. Хэн ч бэр эгчийг худлаа хэлнэ гэж бодохгүй ш дээ. Тэгээд л төлбөр энэ тэрийг төлсний дараа тэр төлчихсөн байна лээ гэж хэнэг ч үгүй ахад худлаа ярих жишээний. Ах нэг удаагийн зохицуулалтыг нь мэдээд бөөн юм болсон. Гэвч бэр эгч хашраагүй. Үүгээр зогсохгүй намайг бас муу дүрд тоглуулаад байна. Манайд зочилсон эмэгтэй хүмүүст намайг худлаа муулна. Би тэгж хүнд муулуулаад байхаар хүн биш л дээ. Хүмүүст намайг муул хэлж байсныг би мэдсэн ч мэдээгүй юм шиг л царайлдаг. За энэ ч яахав. Би мэдээгүй юм шиг тоохгүй байж чадна. Гол нь ахыг маань хуураад ах дүү нарт буруу сэтгэгдэл төрүүлээд байна. Хэдэн сарын өмнө ахын төрсөн өдөр болсоон. Яг тэр өдөр ах томилолтоос ирсэн. Бэр эгч бэлэг битгий хэл бялуу ч бэлдээгүй. Тэгтэл харин намайг унтаж байгаад сэртэл ах бэр эгч 2-ын ярилцах сонсогдсон. Ярианы сэдэв ахын төрсөн өдөр.Бэр эгчийн хэлэх нь: би дүүг эрт ирвэл /намайг хэлж байна л даа/ бялуу энэ тэр гээд жоохон юм дэлгүүрээс авахуулах эсвэл өөрөө гарч авсан ч яахав гээд дүүг хүлээсэн чинь дүү оройтож ирээд тэгээд юм авч чадаагүй гэдэг байна шүү. Яг үнэндээ би ажлаа тараад л шууд гэртээ ирдэг. Тэр өдөр ч гэсэн би ажлаа тараад шууд л гэртээ ирсэн. Тэгээд ч бэлэг бялуу энэ тэр бэлдэх хугацаа бэр эгчид зөндөө байсан. Өөрөө бэлдэе гэж бодоогүй л байхгүй юу. Энэ жүжиглэлт бол зүгээр л жижигхэн хэсэг нь. Энэнээс илүү том хэргүүд байгаа. Нэг хэсэг би түүнийг маш их үзэн ядсан. Манай эгч ах нар дотроос бэр эгчийн ийм зантайг мэдэх хүн ховор.Мэдсэн нэг нэг нь хүн амьтанд бараг л хэлэхгүй. Төрсөн ах эгч дүү нартаа хэлээд өнгөрөх юм даа. Хамгийн гол нь бэр эгчийн хийсэн том хэргүүдийг ах мэдэхгүй болохоор давраад байх шиг байна.Манай аавын талын хамаатан садангийн хүмүүс тайван, уур багатай хүмүүс болохоор тэгдэг юм болов уу? Би худлаа ярьдаг бэр эгчийнхээ эсрэг маш ухаалаг арга хэмжээ авмаар байна. Өөрөөр хэлбэл түүнийг тэгж худлаа ярьж ах дүү нарын хооронд ах дүү нарын сэтгэлд сэв суулгамаар юм хийдгийг нь болиулмаар байна. Надад зөвлөгөө өгч туслаач.