|
• Нярайн асаргаанд хамгийн чухал нь ариун цэврийг чанд сахих явдал юм. Иймд нярайн өрөөг цэвэр гэгээтэй, дулаан (20-22°), нэвт салхигүй, байлгах ба өдөрт 4 удаа ерөөний агаарыг сольж, 2 удаа чийгтэй цэвэрлэгээ хийнэ.
• Хүүхдийг хагас зөөлөн гудастай, жигд дэртэй, цагаан хэрэглэлээр бүрсэн оронд тусад нь унтуулвал зохино.
• Хүүхдийн даавуу, өлгий, хувцсыг том хүний хувцсаас тусад нь хүүхдийн савангаар угааж цэвэр усаар сайн зайлах шаардлагатай.
• Нярайг амьсгалын замын өвчтэй, ямар нэг идээт халдвартай хүнтэй хавьтахаас болгоомжлох хэрэгтэй.
• Нярайг усанд оруулахдаа тусгай зориулалтын түмдэнг угааж, ариутгаж, ёроолд нь 4 нугалсан өлгийн даавуу дэвсэж эхний 2-3 долоо хоногт (хүйний шарх эдгэтэл) 37-37.5°-тай, буцалгаж бүлээтгэсэн усанд оруулна. Нярайг эх нь гарын шуун дээр хэвтүүлж усанд оруулна. Эхний 7 хоног хүртэл 5 минут, цаашид 8-10 минут өдөр бүр орой хөхүүлэхийн өмнө усанд оруулж унтуулна.
• Өлгийдөх: Дутуу нярайг 2 цаг тутамд, гүйцэд нярайг 3 цаг тутамд хөхүүлэхээс өмнө хуурайлна. Өлгийдөхдөө хүүхдийн хөдөлгөөнийг хязгаарлахгүй, 2 хөлийг чөлөөтэй өлгийднө. Зарим эцэг эхчүүд хөлийг майга болохоос сэргийлж 2 хөлийг тэнийлгэж чанга өлгийдсөнөөр түнхний мултрал үүсэх нь ч бий. Хүүхдийг нярай үеэс нь хувцаслах нь хүүхдийн хөдөлгөөн, сэтгэцийн хөгжилд сайнаар нөлөөлдөг.
• Салхинд гаргах: Хүүхдийг өдөр бүр салхинд гаргана. Дулааны улиралд хүүхдийг төрөх газраас гармагц 10-15 минутаас эхлэн аажмаар хугацааг нэмж салхинд гаргана. Өвөл төрсөн хүүхдийг 21-28 хоногтойгоос эхлэн 10-15 минутаас эхлэж 1 цаг хүртэл гадаа -10°С-ээс дулаан байгаа тохиолдолд гаргана.
• Хооллох: Нярай хүүхдийн гадаад орчинд дасан зохицох нэг гол нехцөл нь хөхөөр хооллох явдал юм. Эхийн сүү нь хүүхдийн өсөлт бойжилтонд шаардагдах бүхий л бодисыг агуулсан байдаг тул эрүүл нярайг төрөөд 2 цагийн дотор амлуулна. Нярайг 3 цагийн зайтай хоногт 7-8 удаа хөхүүлнэ. 2 хөхөө ээлжлэн хөхүүлж, үлдэгдэл сүүг саах нь хөхөнд сүү ороход сайнаар нөлөөлдөг. Нэг хөх нь цатгахгүй байгаа тохиолдолд нөгөө хөхийг өгнө. Хүүхэд хөхөндөө цадахгүй байгаа шинж илэрч, физиологийн биеийн цулын алдагдал нөхөгдөхгүй байгаа тохиолдолд хяналтын жигнэлтийг хөхүүлэхийн өмнө ба дараа хийж, шаардлагатай бол нөхөлт сүү өгнө. 1 удаа 15-20 минутаас хэтрэхгүй хөхүүлнэ. Нярайн хоногт уух сүүний хэмжээг Финкельштейны томьёогоор тодорхойлдог.
пх70(80) 3200-аас бага жинтэй төрсөн бол 70, түүнээс дээш бол 80.
• Арьс арчлалт: Нярай хүүхдийн арьс нимгэн, эмзэг, амархан гэмтдэг. Хоногтоо 15-20 удаа шээж, 2-3 удаа өтгөн ялгаруулна. Шээс, өтгөний дараа бөгсөн биеийг бүлээн усаар угааж, ариутгасан наранцэцгийн тос, хүүхдийн тос, загасны тос түрхэж эсвэл тальк цацна. Эмэгтэй хүүхдийн бөгсийг угаахдаа урдаас арагш чиглэлтэй угаана. Идээт тууралт гарсан бол 0.5%-ийн марганцийн уусмалаар угаана.
• Хүй арчлах: Нярайн хүй нь төрсний дараа 3-4 дэх хоногт цөглөдөг бол үлдсэн шарх нь 10-20 хоногийн дотор эдгэдэг. Энэ үед өнгөгүй, чийглэг шүүс бага багаар гарна. Өдөрт 1-2 удаа 96%-ийн цэвэр спирт, 3%>-ийн Н2О2 шингээсэн ариун хөвөн бөмбөлгийг хямсаагаар хавчиж төвөөс зах руу чиглэлтэй цэвэрлээд өөр бөмбөлгөөр хуурай болтол арчсаны дараа
5%-ийн марганц эсвэл 1-2% бриллиантын ногооны спиртэн уусмалаар цэвэрлэнэ. Хэрэв хүйнээс шүүс ялгарахгүй, хуурай, цэвэр байвал заавал цэюрлэх шаардлагагүй бөгөөд эмгэггүй үед хүйг олон цэвэрлэх нь халдвар орох боломжтойг эцэг эхэд анхааруулах нь зүйтэй.
• Нүд цэвэрлэх: Өглөө бүр нүдийг буцалсан усанд норгосон хөвөн бөмбөлгөөр гаднаас нь дотогш арчина. 2 нүдийг тус бүрийн бөмбөлгөөр цэвэрлэнэ.
• Хамар цэвэрлэх: Нярайн хамрыг О.Зсм хүртэл өргөнтэй эрчилж чангалсан хөвөнгөөр цэвэрлэнэ. Шингэн нустай үед хуурай эсвэл вазелинтай хөвөнгөөр, нус хатсан үед эрчилсэн хөвөнгөө содны уусмалд эсвэл глицерин, вазелинд норгон цэвэрлэнэ.
• Чих цэвэрлэх: Чихний дэлбээ, сувгийг хуурай, ариутгасан хөвөнгөөр цэвэрлэнэ.
| 
