Монгол улсын хөгжлийн сангаас олгож байсан хүүхдийн мөнгийг зогсоох шийдвэр гарах үед хамгийн их эсэргүүцэх үүрэгтэй хүн уг нь НХХ-ийн сайд Т.Ганди. Гэтэл тэрээр хурууныхаа үзүүрийг ч хөдөлгөсөнгүй. Одоо Ганди сайд сайн дураараа өргөдлөө өгөөд огцрох хэрэгтэй гэж өчигдөр ТВ5 телевизээр ярилцлага өгөх үеэрээ БНН-ын дарга Б.Жаргалсайхан мэдэгдлээ. Санхүү эдийн засгийн хямралтай энэ үед хүүхдийн мөнгө олгохыг зогсоосон нь түргэдсэн алхам болсон талаар УИХ-ын дарга Д.Дэмбэрэл өнгөрсөн 7 хоногт Чингэлтэй, Баянзүрх дүүрэгт ажиллах үеэрээ сэтгүүлчдэд мэдээлсэн. Хүүхдийн мөнгөөр амьдралаа залгуулдаг олон мянган өрх байдаг бөгөөд сар тутам 3000, улирал бүр 25 мянган төгрөг авах нь амьдралд нь овоо нэмэр болдог байж. Иймээс хүүхдийн мөнгө дахин олгох асуудал сөхөгдөн яригдахыг үгүйсгэхгүй юм