Хүүхэд хоолонд дургүй болох нь эцэг эхчүүдийн санааг багагүй зовоодог. Ер нь хүүхэд бие нь тавгүй ч юм уу өвдсөн үедээ хоолонд дургүй болдог. Юуны өмнө яагаад хоолоо идэхгүй байгааг нь асуух хэрэгтэй. Харин хоолыг нь хүчээр өгөх юм уу ширүүн аашилж загнаж болохгүй. Гэхдээ зарим үед хүүхэд ямар ч шалтгаангүйгээр хоолоо идэхгүй байх үе байдаг. Үүнд санаа зовсны хэрэггүй. Харин олон хоногоор хоолоо идэхгүй байвал эмчид үзүүлэх хэрэгтэй. Магадгүй хүүхэд тань өвдсөн ч байж болох юм.

Ер нь эрүүл хүүхэд хоолонд сайн байдаг. Мөн таны хийсэн хоол таалагдахгүй байна гээд идэхээс татгалзаж, өөр хоол идмээр байгаа бол та эмзэглэж болохгүй шүү. Үүнд хүүхдийн буруу гэж огтхон ч байхгүй. Хүүхдэд ч гэсэн өөрийн гэсэн дуртай хоолоо идмээр санагдах үе байдаг. Түүнчлэн эцэг эхчүүдэд анхааруулж хэлэхэд хүүхдийг багаас нь амттан идүүлж бүү сурга. Учир нь амттанг байнга идэх нь дасал болохоос гадна хүүхэд хоолонд дургүй болох бас нэг үндсэн шалтгаан болдог.

Харин сүү цагаан идээ, жимс сайн өгөх хэрэгтэй. Өдөрт хүүхэд 2-3 стакан сүү уух юм бол хоногийн калориа авч чадна. Сүүнд витамин Д - ээс гадна хүний биед хэрэгтэй уураг, эрдэс бодис агуулагдсан байдаг. Жимсний төрлөөс нэн ялангуяа алим, апельсинд А болон С витамин хангалттай агуулагдсан байдаг. Эцэг эхчүүдийн бас нэг толгойн өвчин болсон нэг асуудал бол охидын турах гэж хоолоо сойх явдал юм. Ийм үед охинтойгоо сайн ярилцах хэрэгтэй.

Гоё сайхан харагдахын тулд холоо сойх буc харин зөв хооллож сурах хэрэгтэйг ойлгуулаарай. Хоолоо сойсноор өөрт хэрэгтэй калори, витаминаа авч чадахгүйгээс гадна эрүүл мэндэд муу гэдгийг нь ч бас анхааруулах нь чухал юм.