Би 33-тай, эхнэр минь надаас хоёр дүү. Бид хоёр хүү, охин хоёртой. Эхнэр минь надтай суусан цагаас хойш ажил хийгээгүй. Охиныг жаахан том болоод эхрэн ажил хийх санаатай байтал дахиад жирэмсэн болоод ажил хйиж чадаагүй. Үндсэндээ эхнэр маань 7 жил гэртэй хүүхдээ хараад сууж байна. Энэ хугацаанд эхнэрээ дандаа гэрийн хувцастай харсаар байтал сайхныг нь олж харахаа больсон юм шиг байгаа юм. Бас эхнэр маань энэ хооронд таргалж тураад янз бүр л болсон доо. Үнэнийг хэлэхэд би эхнэрийгээ галбиргүй болоод царай алдах тийшээгээ болчихож гэж хардаг байлаа. Гэхдээ би голох ч юм уу, өөр хүүхэн энэ тэр юм байгаагүй. Миний 2 хүүхдийг төрүүлж өсгөх гэж залуу нас гоо сайхнаа алдаж байгаа хүн шүү дээ гэж өрөвддөг байлаа. (Хүүхдүүдээ хийсвэрээр төрүүлсэн) Гэтэл шинэ жилээр бид санамсаргүй нэг гайгүй шинэ жилийн арга хэмжээнд орох болсон юм. Эхнэр маань шинэ жилд ороогүй хичнээн ч жил болсон юм хөөрхий, ер надтай суугаад тийм юманд ороогүй байх. Хааяа нэг найзуудтайгаа суухад нь би ямар хамт явах биш. Тэгээд би хирэндээ эхнэрээ гоёоод тэр шинэ жилд орлоо.

Үсээ янзлаад богино платье, өндөр өсгийтэй туфль (Эхнэр маань урьд өндөр өсгийтэй гутал ерөөсөө өмсч байгаагүй, шинэ жилд орох гэж би бараг загнаж байж авч өгсөн) өмссөн эхнэрээ харсан чинь хичнээн сайхан хүүхэн байсан гэж сананаа. Тэр зааланд миний эхнэр шиг сайхан хүүхэн үнэндээ байгаагүй. Угийн өндөр нуруутай, сүүлийн үед овоо турсан (энийг би бас сайн ажиглаагүй юм шиг байгаа юм) эхнэр маань тэнд шагнал гардуулж байсан загвар өмсөгч охидоос дутахгүй харагдаж байсан. Ийм сайхан хүүхэнтэй сууснаа одоо л мэдлээ гэж би эхнэртэй хэлсэн.

Эхнэрүүд минь хааяа ч гэсэн нөхөртөө сайхан харагдаж бай л даа. Дээр үеийн нэг шог зохиолд гардагчлан би эхнэрийнхээ үсэндээ элдэв төмөр зүүснийг харж, харин хүмүүс үс зүсээ янзалчихсан явааг нь хардаг гэдэг шиг болдог л юм шиг байгаа юм. Бас энэ гэр бүл салалтын нэг шалтгаан ч байж магадгүй. Гэхдээ одоо үед өөрийгөө гаргуунд нь хаядаг эмэгтэй цөөн л байх л даа. Гэхдээ л би өөрийн бодлоо та бүхэнтэй хуваалцъя гэж хүссэн юм.