Хонины орд

Таны дэргэд ямагт байдаг хүмүүстэй харьцах харьцаанд тань өөрчлөлт орсноос шалтгаалан 2010 он олон талтай сонирхолтой жил болно. Өөрийн түнш, магадгүй ойр дотны хүмүүстэйгээ харьцах харьцаагаа өөрчилнө. Энэ бол таны амьдралын сайхан үеийн эхлэл, өөрийн төлөвлөсөн зорилтоо амжилттай хэрэгжүүлэх гараа байх болно.
Санхүү- Мэдэгдэхүйц ашиг олохын тулд ажлынхаа чиглэлийг өөрчлөх хэрэгтэй болно. Энэхүү хэцүү замыг туулахад таны дэргэд жинхэнэ үнэнч, итгэлтэй, бизнесийн шинэ чиглэлд хамтран ажиллах, магадгүй шинэ амьдралыг ч цогцлон бүтээх хүмүүс үлдэнэ. 2010 оны сүүлч юм уу 2011 оны эхээр ажлаа өөрчлөх хүсэл тань биелнэ. Бизнесийн чиглэл өөрчлөгдсөнөөс санхүүгийн асуудал үүснэ. Тиймээс таны мөнгө багасна.
Хайр дурлал-Хувийн амьдралд тань огцом өөрчлөлт гарна. Ихэнх гэр бүл өөрсдийн харьцаагаа эргэн харах болно. Асуудлыг хамтдаа хэлэлцэн аз жаргал олж авах замыг эрж хайн, хайр дурлалынхаа төлөө тэмцэх хэрэгтэй. Хэрэв хүсэл, хичээл зүтгэл байвал бүх зүйл бүтнэ. Эхчүүд хүүхдүүдтэй холбоотой асуудалтай тулгарна. Энэ нь өнгөрснөөс улбаатай.
Эрүүл мэнд-Өнгөрсөн жил өвдөж байсан өвчин тань сэдрэх юм уу архаг хууч хөдөлж магадгүй. Дархлаагаа сайжруулахад ямагт анхаарч сэтгэл санааны хямралаас зайлсхий.

Үхэр

Таны хувьд амьдралд өөрийн байр сууриа олох жил. Бүх л чиглэлд ер бусын, эрч хүчтэй, хурц тод үе. Хүрэх тэмүүлэл, ажил төрлийн хувьд өсөх боломжийг алдахгүй байх нь чухал.
Санхүү- Өөрийн түншүүд, хамт ажиллагсад, удирдлага дахь хүмүүстэйгээ харьцах харьцаа тань үргэлж энгийн хялбар, зовлонгүй байж чадахгүй бөгөөд тодорхой хэмжээний хүчин чармайлт шаардах болно. Туйлын ажил хэрэгч, тодорхой байх шаардлагатай. Жилийн эхний хагаст зарим хүмүүсийн байр суурь муудсанаар ажлаас халагдаж болзошгүй. Гурав дөрөвдүгээр сард байдал хамгийн хүнд болох боловч шинэ ажлын байр мөд олж чадахгүй учир яаран шийдвэр гаргах хэрэггүй. Санхүүгийн хувьд тогтвортой бус байна. Хуучин өрийн асуудал сөхөгдөн, найз нөхдөөс тань санхүүгийн асуудлаар гомдоллох явдал гарна.
Хайр дурлал-Хувийн амьдрал тань ч гэсэн бодсон шиг амаргүй тайван биш байна. Байр, орон сууц худалдан авах, их засвар хийх оршин суугаа газраа солих юм уу нүүхтэй холбоотой таатай явдал тохиолдож магадгүй. Амгалан тайван ноёлж байдаг гэр бүлүүдэд хүүхдүүд тань их мөнгө зарлагадах асуудал учирна.
Эрүүл мэнд-Гурав, дөрөвдүгээр сард өвдөх юм уу эсвэл өвчин тань хурцдах магадлал өндөр байна. Мөн энэ сард жолооны ард болон томилолтоор явахдаа онцгой анхаар.

Ихэр

Амьдралын бүх л салбарт чухал өөрчлөлтүүд гарч янз бүрийн үйл явдал тохиолдоно. Гэвч удаан бодож, эргэцүүлэх, тайвшрах цаг хугацаа олдохгүй. Одоо юу эсвэл хэзээ ч үгүй юу гэдгээ шийдэх цаг.
Санхүү- Мэргэжлийн хүрээнд бүтэн жилийн турш эрчимтэй хөдөлмөрлөхийг хүлээж байна. Өөрийн ажил хэргийн амьдралаа шинээр бий болгох боломж таны өмнө байна. Таны удаан бодож, мөрөөдөж байсан шинэ санаа, шинэ чухал төсөл тань биелнэ. Шинэ онд санхүүгийн асуудал таатайгаар шийдэгдэнэ. Мэргэжлийн хувьд гарах амжилттай өөрчлөлтүүд нь орлогыг тань нэмэгдүүлэх боловч мөн үүнтэй зэрэгцэн зарлага тань өсөх болно.
Хайр дурлал-Амьдралд тань түгшүүр, сэтгэл зовнил дагалдаж байх болно. Салалт, хууралт тохиолдож, саяхан тогтоосон найдвар тээж явсан холбоогоо хүртэл таслахад хүрч магадгүй. Хавар юм уу, зун таныг шинэ учрал хүлээж байна. Оны эхэнд олон хосод хилийн чанадад амьдрахаар төлөвлөх юм уу, амьдрах боломж гарч болзошгүй.
Эрүүл мэнд-Таны эрчим хүчний нөөц өндөр байгаа тул ямар нэгэн өвчин эмгэгээс айх хэрэггүй. Гэхдээ эцэг эх, гэр бүлийн бусад гишүүдэд таны тусламж хэрэг болно.

Мэлхий

Бүхнийг эхнээс нь амжилттай эхлэхийн тулд шинийг танин мэдэж, бүх хүчээ дайчлан ажиллах жил. Таны өмнө илүү шинэ, илүү сайхан ирээдүйн зам нээлттэй хүлээж байна. Харин хуучнаа эргэн дурсаж, танд саад болж болох хүмүүсийн зөвлөгөөг сонсох хэрэггүй. Зөвхөн өөрөө өөртөө итгээрэй.
Санхүү- Хэцүү, их хүчин чармайлт шаардах боловч сонирхолтой байх болно. Тун саяхан ажил хэргийн хүрээнд эхлүүлсэн зүйл тань ирээдүйд сайхан үр дүнд хүрэх боловч танаас ихээхэн хүч хөдөлмөр шаардана. Санхүүжилт орж ирэх нь жигд бус байвал бүү зовоорой. Оны эхээр хувийн зүгээс бэрхшээл учрах ч оны хоёрдугаар хагасаас санхүүгийн асуудал хэвийн болж эхэлнэ.
Хайр дурлал- Өөр тийш шилжин, оршин суугаа газраа өөрчлөхөөр шийднэ. Өөр газар, өөр улсад амьдардаг, ховор уулздаг садан төрөл, танил нөхөдтэйгөө илүү их харилцаа холбоотой байх болно. Тэдэнтэй харьцах харьцаа тань дандаа таны хүссэнээр байхгүй бол үүнд санаа зовсоны хэрэггүй. Юу ч боллоо гэсэн эдгээр харилцаа таны санаа бодлыг цэгцлэн,танд тус болно.

Арслан

Шинэ он бүхэлдээ хүндхэн жил байх болно. Бодит байдлыг анхааралтай, зөв тодорхойлж чадваас амьдралынхаа чухал асуудлуудыг бэрхшээлгүй давж чадна.
Санхүү- Амжилт хэд хэдэн зүйлээс шалтгаалах болно. Нэн түрүүнд өөрийн санхүүгийн байдлыг зөв тодорхойлох, хөрөнгө оруулах гэж буй ажилдаа хэр мэдрэмж, туршлагатай хандах, ажил хэргийн хамтрагчтайгаа хэрхэн ойлголцох гэсэн зүйлүүд багтана. Чухал гэрээ, хэлэлцээр хийхэд болон хөрөнгө оруулалтад зургаа, долдугаар сарууд ивээлтэй байна. Харин наймдугаар сард шинэ албан тушаалд томилогдох, ахих боломж гарна.
Хайр дурлал- Энэ ордныхны хайр гэдэг нь баяр юм. Гэр бүлтэй болох гэж төлөвлөж байгаа бол энэ жил маш их азтай байх болно. Энэ асуудалтай холбоотой зарим нэг төлөвлөгөөгөө гуравдугаар сарын эхээр хэрэгжүүлбэл зохистой. Хайр сэтгэлийнхээ төлөө их зүйлийг хийх хэрэгтэй ч бусдын зөвлөгөөг заримдаа сонсоход илүүдэхгүй.
Эрүүл мэнд- Аравдугаар сар хүртэл өөрийн эрүүл мэнддээ илүү ихээр анхаар. Ажил ихтэй, цаг зав багатай хүмүүс нэн түрүүнд эрүүл мэндийн бүрэн шинжилгээнд орохыг зөвлөж байна. Ялангуяа долдугаар сард хол замд гарахаар төлөвлөсөн бол илүү анхаарал, болгоомжтой байж, аваар ослооос сэргийл.

Охин

Сүүдэрт нуугдан, бусдад мэдэгдэхгүйгээр удирдаж чадваас атаархуу зан агуулсан мэхлэгчдээс зайлсхийж чадна. Ажил хэрэг, хувийн асуудлыг ялгаж, салгах нь чухал гэдгийг санаарай. Хэн нэгний хуурмаг дур булаам, эелдэг байдал таны амжилтад муугаар нөлөөлж болзошгүй.
Санхүү- Хамтрагчид тань итгэл даах, үнэнч хүмүүс мөн эсэхийг дахин нэг магадалж үзэхэд илүүдэхгүй. Зургадугаар сар санхүүгийн хувьд нэлээд хүндхэн байх болно. Энэ байдал наймдугаар сар хүртэл үргэлжилнэ. Гэхдээ зээлийн асуудалд нухацтай хандахыг зөвлөж байна.
Хайр дурлал- Өнгөрсөн жилийг бодвол шинэ онд хайр сэтгэлийн хувь тийм ч ханамж дүүрэн байж чадахгүй болов уу. бүтэхгүй зүйлийг болгох гэж хэт улайрах нь таны ажил, мэргэжлийн амжилтаас хойш татах магадлалтай гэдгийг анхаараарай. Энэ ордонд хамаарагсад хаврын саруудад бүтэлгүй дурлал, үзэн ядалт, хууран мэхлэлттэй учирч багагүй бэрхшээлийг туулна. Ганц бие хүмүүс зургадугаар сард гадаад томилолтоор явж байхдаа хайр дурлалтай учирна.
Эрүүл мэнд- Эрүүл чийрэг байж, санаа зовох асуудал гарахгүй. Урьдчилсан арга хэмжээ авахгүйгээс болж хаврын улиралд ханиад томуу тусахаас сэргийл. Хоёр, гуравдугаар сард хэт ачаалалтай ажиллах нь таныг ядрахад хүргэж болзошгүй.

Жинлүүр

Хүнд, хэцүү нь их боловч баяр хөөртэй олон өөрчлөлт таныг хүлээж байна. Энэ бүх өөрчлөлт хувийн ч, ажил мэргэжилд ч хамаарна.
Санхүү- Томоохон өөрчлөлтүүд гарна. Энэ үед албан тушаал ахих, олон жил мөрөөдөж байсан хүсэл тань бодит биеллээ олж, олон жилийн чармайлт ихээхэн ашиг, орлого авчирна. Гэхдээ амжилтад хялбар хүрнэ гэж үгүй тул зорьсондоо хүрэхийн тулд урдаа байгаа аливаа бэрхшээлээс шантралгүй байх нь чухал. Мөн удаан бодож төлөвлөсөн төлөвлөгөөгөө өөрчлөх хэрэгтэй болж ч магад. Тиймээс санхүү нэмэгдэвч зөв, тооцоотой үрэх нь хэзээд илүүдэхгүй.
Хайр дурлал- Халамж, энхрийллээр дүүрэн гэгээлэг, тод дурсамж үлдээсэн жил байх болно. Адал явдлаар дүүрэн харьцаа, хайр дурлалын ялалт хүлээж байна. Гуравдугаар сард таны сэтгэлийн нууцлаг, нандин утсыг хөндөх хүнтэй учирна. Өөрийгөө хайр, дурлалд азгүй нэгэн гэж бодож явдаг хүмүүс хоёрдугаар сарын сүүлч, гуравдугаар сарын эхээр сэтгэл хөдөлгөм харьцаа тогтооно. Оны сүүлчийн сард зөвхөн хайр сэтгэлийн холбоо тогтоохоос гадна шинэ найз, нөхөдтэй танилцана.
Эрүүл мэнд- Хэт их ачаалалтай ажилласнаас аравдугаар сард мэдрэлийн ядаргаанд орж болзошгүй. Ес, аравдугаар сард биеийн тань эсэргүүцэл буурах магадлалтай. Тиймээс урьдчилан амин, дэм хэрэглээрэй.

Хилэнц

Энэ жилд тохиолдох томоохон өөрчлөлт, үйл явдлууд таны амьдралд хэзээ ч мартагдашгүй байх болно. Сэтгэл хөдлөл, амжилт, өсөн дэвшилт, эрч хүчээр дүүрэн өнгөрнө.
Санхүү- Бодит байдлаас улам дээшлэх боломж нээгдэнэ. Шинэ он гарахаас эхлүүлэн тэдгээр боломжууд таныг дагалдсаар байх болно. Өмнө нь та аливаа эрсдэл, алдагдал болон цаг хугацааны байдлаас хамааран мөнгө, хөрөнгийг гартаа дөнгөж оруулаад алддаг байсан бол энэ удаа чанга атгаж чадна. Таны тэвчээртэй, шургуу зан аливаа бэрхшээлийг даван туулахад тусална. Ялангуяа хоёр, гуравдугаар сар таны санхүүгийн байдалд таатай нөлөөлөх бөгөөд бат найдвартай хөрөнгийг бүрдүүлэх зорилго нэг шатаар ахих болно.
Хайр дурлал- Бусдыг өөртөө соронзон мэт татах чадвартай дур булаам хилэнцийнхэн хайр, дурлалд амжилтаар дүүрэн байна. Хайр дурлалын “тоглоом” болсон эрх чөлөөтэй, ихэмсэг занг тань эвдэхийг хүссэн эсрэг хүйсний хүмүүсийн хүрээлэлд байх болно. Худалч, хуурмаг хүнийг таних зөн совинтой тул хамтрагчаа сонгохдоо алдах нь ховор. Тиймээс хайр сэтгэлийн асуудалд анхааралтай хандаж, өөрийн бүхий л бие сэтгэлийг зориулах чадвартай.
Эрүүл мэнд- Ажил, амралт, зөв хооллолтыг зохицуулж чадах аваас нэг их өөрчлөлт, асуудал гарахгүй. Цэвэр агаарт зугаалж, алхаж байхыг зөвлөж байна. Мөн өөрийн уур бухимдлыг тэвчиж, сэтгэлийн хөдөлгөөнөө барих хэрэгтэй.

Нум

Олон жил хүсч, тэмүүлж байсан тогтвортой үе иржээ. Ажил мэргэжил, хувийн амьдрал гээд бүгд өөр өөрийн тогтвортой горимд шилжиж, энэ бүхэн танд сэтгэлийн ихээхэн тайвшралыг авчирна. Тиймээс амарч, аялж, зугаалах хамгийн таатай үе юм.
Санхүү- Мөнгөтэй зөв, зохистой харьцах дүрмийг мөрдөж, хариуцлага үүргээ ухамсарлаж байгаа бол бизнес, ажил хэрэг тань амжилтаар дүүрэн байх болно. Хамгийн чухал нь урдаа тавьсан зорилгоо зөв тодорхойлж, тууштай тэмцэх аваас аливаа бэрхшээлээс зайлсхийж чадна. Гэхдээ 2-3 дугаар сарын хооронд үл хөдлөх хөрөнгөтэй холбоотой багахан бэрхшээлтэй учирч болзошгүй. Асуудлыг тэр дор нь шийдвэрлэх боломж үгүй ч хэсэг хугацааны дараа байдал аяндаа танд таатай байдал руу эргэнэ.
Хайр дурлал- Жилийн эхний хагасыг та ихэнх цаг заваа сэтгэлийнхээ асуудалд зориулна. Хоёрдугаар сард гэнэтийн дурлалтай учруулж болзошгүй олон уулзалт таныг хүлээж байна. Ганц бие хүмүүс зуны саруудад танилцсан хүнтэйгээ удаан харилцаа тогтоож болзошгүй бөгөөд зарим нэг хүмүүс оны сүүлч гэхэд тэрхүү харьцаагаа гэр бүл болгоход хүргэнэ.
Эрүүл мэнд- Шинэ онд ерөнхийдөө эрүүл, чийрэг байх ч зургаа, аравдугаар сард биеийн эсэргүүцэл муудах магадлалтай тул урьдчилан сэргийлэх арга хэмжээ авахыг зөвлөж байна. 4, 5 дугаарсаруудад хоолойгоо өвтгөхөөс сэргийлээрэй.

Матар

Таны тэсвэр тэвчээр, сэтгэлийн хатын бат бэхийг шалгана. Бүх зүйл таны эсрэг тэмцэх мэт санагдах болно. Гэхдээ сэтгэлээр уналгүй, үлгэр бүхэн аз жаргалтайгаар төгсдөг гэдгийг санаарай.
Санхүү- Уйгагүй чармайлт, тэмүүлэл зөвхөн амжилт, аз хиймориор шагнагдана. Санаанд багтамгүй их баялгийг ч өгч болох юм. Гэхдээ энэ бүхэнд ухаанаа алдаж болохгүй гэдгийг бүү мартаарай. Бодит байдалдаа мэдрэмжтэй хандаж тэрхүү баялгийг зөв зохистой ажилд хөрөнгө оруулах бол амжилт таныг дагалдсан хэвээр байх болно. Оны сүүлийн саруудад боломжоо зөв тооцоолоогүйгээс санхүүгийн багагүй алдагдал хүлээж болзошгүй.
Хайр дурлал-Хайрлаж, хайрлуулна! Оны эхэн сэтгэл санаа тайван, нам гүмхэн байдалд өнгөрнө. Харин жилийн дунд үе буюу зургадугаар сард ганц бие хүмүүс хүчтэй, гал халуун хайртай учрах болно. Энэ харьцаандаа есдүгээр сар хүртэл ямар нэгэн өөрчлөлт гаргахгүй байхыг хичээгээрэй. Энэ бүх хугацааг амжилттай туулж чадваас оны сүүлч гэхэд гэр бүл, хамтын амьдралын харьцаанд шилжиж аз жаргалыг бэлэглэнэ.
Эрүүл мэнд- Жилийн эхний хагаст тогтвортой байна. Хаврын улирал аливаа хүмүүсийн хууч өвчнийг хөдөлгөдөг гэдгийг санах хэрэгтэй. Тиймээс 4, 5 дугаар саруудад амралтын байдалд шилжих нь тохиромжтой. Оны хоёрдугаар хагаст автомашины ослоос болгоомжилж, аялал болон холын замд явахдаа анхаарал сэрэмжтэй байхыг зөвлөж байна. Өөрийн дуртай улиралд агаар, байгальд гарах нь таны энергийг цэнэглэх болно.

Хумх

Тэмцэлтэй, шалгуур ихтэй, эрч хүчтэй жил байх болно. Өөрөөр хэлбэл маш их хөдөлмөрлөхийн сацуу танилын тань хүрээ өргөжинө. Энэ бүхний үр дүнд таныг шинэ амжилтууд хүлээж байна.
Бизнес- Өөрийн байр суурийг хамгаалан, бататган, бусдыг байлдан дагуулахын тулд танд дайчин, шаргуу зан хэрэгтэй. Санхүүгийн асуудлаас болж зарим чухал түншүүдтэйгээ үл ойлголцож, бүр холбоогоо таслахад ч хүрч болзошгүйг анхаараарай. Ийм бэрхшээлүүд дөрөв, долоо, наймдугаар сард тохиох магадлал өндөр байна.
Санхүү- Эрч хүчтэй, шаргуу ажиллаж чадсанаар хөрөнгө, санхүү тань тогтвортой, мэдэгдэхүйц нэмэгдэх болно. Тиймээс та зоригтойгоор үл хөдлөх хөрөнгө худалдан авах, гэртээ засвар хийж болох юм.
Хайр дурлал- Сэтгэл зүрхний асуудалд хямралын хүнд үе байна. Гэр бүлд ялихгүй жижиг зүйлээс зөрчилдөөн үүсч, зарим нэг хосууд энэ байдлаас шантран салж ч мэднэ. Хараахан гэрлээгүй байгаа хосууд хайр дурлалаас илүүтэй гэр бүл, ахуйн амьдралынхаа талаар санаа тавихыг зөвлөе.
Эрүүл мэнд- Таны эрч хүч өмнөх жилээсээ харьцангуй буурчээ. Гэсэн ч таны хувьд идэвхтэй ажиллах жил болохоор амралт, ажлаа зөв зохицуулаарай.

Загас

Зорилготой, идэвхтэй жил болж өнгөрнө. 2010 онд хувийн амьдрал болон ажил мэргэжилд тань томоохон өөрчлөлтүүд хүлээж байна.
Хэрэв та амьдралдаа бүрэн дүүрэн итгэлтэй байж чадваас энэ бүхэн үр өгөөжөө өгөх болно.
Бизнес- Оны эхний хагаст ажил хэргийн аливаа үйл ажиллагаа тогтворгүй байна. Хамт олны зүгээс дайсагналцах байдлыг мэдэрч ажлаа солих тухай бодоход хүргэнэ. Энэ байдлыг сайн тийш нь өөрчилж, мэргэжлийн түвшингээ дээшлүүлэхэд 4, 11, 12 дугаар сар тохиромжтой. Шинэ ажилд очоод авьяас, чадвараа бүрэн харуулж чадахаас гадна өөрийгөө улам боловсруулах боломжууд нээгдэнэ.
Санхүү- Нэлээд хүндхэн жил байна. Санхүүгийн гачигдлыг маш хурцаар мэдэрч, энэхүү байдалд эргэн тойрны тань хүмүүс өөрсдийн үүрэг оролцоогоо харуулна. Гэхдээ 2011 он эхлэхэд эдгээр санхүүгийн хямралаас ямар ч ул мөр үлдэхгүй.
Хайр дурлал-Ганцаардал, бүтэлгүйтлийн үе байх бөгөөд энэ хугацаанд өөрийн хүсэл, хэрэгцээг тодорхойлж чадна. Ганц бие хүмүүсийн цаг зуурын учралаас үүдэх сэтгэлийн хөдлөл таны анзаараагүй хэрнээ хамгийн ойр байсан нандин хайрыг үгүй хийх вий. Хайр сэтгэлтэй хосуудыг энэ жилдээ багтан яарч гэрлэхгүй байхыг зөвлөе.
Эрүүл мэнд-Өнгөрсөн жилүүдийг бодвол биеийн байдал хэвийн байна. Гэхдээ зүрх, толгойн өвчинд анхаараарай.

Э.Оджаргал