Тэдний гэр бүл анхны хүүхдээ төрөх бэлтгэлийг базаагаад завгүй байв. Гэтэл энэ бүх аз жаргалыг ердөө нэг л зүүд үгүй хийжээ. “Нэгэн удаа би өөрийгөө цус алдаж байна гэж зүүдэлсэн юм. Тэрхүү зүүдэндээ би урт нарийхан хонгилоор гүйгээд л байлаа. Замдаа тааралдсан хүмүүсээс зуурч “Миний хүүхдийг авраач, түүнийг минь аврахад ямар нэгэн зүйл хийж болно гэдгийг би сайн мэдэж байна” гэж гуйж байв. Харин тааралдсан хүн бүр ямар ч боломжгүй гэсэн харцаар надаас нүүр буруулж байсан юм. Гэнэт нэг хүн тааралдаад одоохон таны хүүхдийг аврах болно гэж хэлж дуусаагүй байтал би сэрсэн” хэмээн Мария тэрхүү золгүй зүүднийхээ тухай өгүүлсэн юм.
Эхлээд тэр энэ зүүдэндээ нэг их ач холбогдол өгөлгүй мартахыг хичээж байв. Гэтэл нэг долоо хоногийн дараагаас сэтгэл нь айхтар ихээр түгших болж, сэтгэлийн тайван бус байдлаа тэвчилгүй эмчид үзүүлжээ. Ингээд эмнэлгийн шинжилгээний дүнгээр гэдсэндээ тээж байсан хүүхэд нь амьгүй болсныг мэдэв. Марияг анх үзсэн эмч түүнд хэрэв нэг долоо хоногийн өмнө буюу өнөөх золгүй зүүдийг зүүдэлсний маргааш ирсэн бол хүүхдийг аврах боломж байсныг хэлсэн байна. Гэхдээ энэ жишээний сонирхол татсан зүйл бол эх биш хорвоод мэндлээгүй хүүхэд нь зүүдэлсэн болохыг тархины бичлэгээр тогтоосон юм.
Хэвлий дэх хүүхэд өөрийн зүүдээр эхдээ дамжуулан мэдэгдсэн аж. Төрөлхийн хараагүй, сохор хүмүүс зүүдэлдэггүй. Ийм хөгжлийн бэрхшээлтэй эхийн хэвлийд буй хүүхэд ч мөн зүүд зүүдэлдэггүй гэдэгт эрдэмтэд итгэлтэй байжээ. Гэтэл тэд эндүүрсэн байв. Учир нь ураг 4-5 сар хүрээд зүүдэлдэг болохыг хожим нь 1991 онд Англи, Их Британийн эрдэмтэд тогтоосон аж. Эхийн хэвлийд бойжиж буй хүүхдэд харах мэдрэмж байхгүй тул тэд хорвоод мэндлээд ирээдүйд харах зүйлээ зүүдэлдэг байна. Тиймээс хүн төрөхөөсөө өмнө ирээдүйд болох үйл явдлыг урьдчилан харж чаддаг ажээ.
Хүн унтаж, нойрссоноор өөрийн алдсан энергийг нөхөн авдаг. Харин зүүдэндээ хүн амьдралынхаа гуравны нэгтэй тэнцэх хугацааг өнгөрүүлдэг. Гэсэн ч дэлхийн ямар ч эрдэмтэн “Хүн юуны тулд зүүдэлдэг вэ?” хэмээх энгийн асуултад бүрэн гүйцэд, тодорхой хариултыг өгч чадаагүй л байна. Зарим нэг эрдэмтдийн дэвшүүлж байгаа зүүдний талаарх онол бол зөвхөн 30 хувьд ч хүрэхгүй.
Зүүд судлаач Английн эрдэмтэн Фремэнд Трездер “Зүүд гэдэг нь тухайн хүний нүдэнд тусч сэтгэлд буусан аливаа зүйлийн тусгалын илрэл гэж энгийнээр тайлбарлаж болно. Мөн нэг талаас нь зэрэглээ ч гэж ойлгож болох юм. Одоогийн байдлаар эрдэмтэд зүүдний талаар зөвхөн усны гадаргууг судалсантай адил юм. Харин усны гүнд гүйцэд нэвтэрч чадаагүй байна” гэж тайлбарлаж байна. Хүнийг унтаагүй, сэрүүн байх үед тархины үйл ажиллагаа дээд зэргээр идэвхжинэ, харин
ямар ч идэвхгүй болно. Гэхдээ тархины хамгийн доод давхарга нь эсрэгээрээ улам идэвхждэг ажээ. Эрдэмтэд одоог хүртэл тархины энэхүү давхарга нь ямар учраас шөнө идэвхждэг болохыг тогтоож чадаагүй байна. Тархины энэ л “үйл ажиллагаа”-наас зүүдний ертөнцийн нууц эхэлнэ. Зүүд нь дотроо олон янз байдаг ч тэдгээрийн хамгийн сонирхолтой нь мэдээж ирээдүйд болох үйл явдлыг зөгнөх зүүд болов уу. Гэхдээ ийм төрлийн зүүд нь ховор зүүдлэгддэг аж.
Оёдлын машины энгийн нэгэн зүү. Энэ нь хэдий жижигхэн деталь эд боловч түүнийг машинд суурилуулан, оёх аргыг бодож олоход мэргэжилтнүүдэд асар олон нойргүй шөнө, ердөө нэг л зүүд тус болжээ. Зохион бүтээгч Элиос Сухоу нэгэн удаа өөрийгөө эзгүй арал дээр байна гэж зүүдэлжээ. Зүүдэндээ махчин төрхтэй амьтад өөрийг нь хүрээлсэн байхыг олж харсан байна. Гэтэл түүнийг идэхээр дайрч буй зэрлэг хүмүүс үзүүртээ нүхтэй буюу буруу харуулсан зүү шиг жадаараа Элиосыг хатгахаар оролдож байжээ. Энэ бүх үйл явдлыг маш тод харж зүүдэлсэн тул маргааш нь сэрээд оёдлын машинд зүүг хэрхэн байрлуулж оёхыг бодож олсон байлаа.
Химийн шинжлэх ухааны нэрт суутан Менделеев ч бас энэ аргаар үелэх системийг зохиосон нэгэн. Зөвхөн эрдэмтэд гэлтгүй уран бүтээлчид ч гэсэн зарим бүтээлүүдээ мөн л зүүдэндээ турвисан байдаг . Оросын нэрт хөгжмийн зохиолч, дуучин Борис Гребеншиков ч “Рок н ролл мөхөхгүй” “Гарсан 2″ зэрэг тухайн үед хит болж байсан дуунуудаа зүүдэндээ зохиосон гэдэг. Ирээдүйг зөгнөх зүүднээс гадна алга болсон эд зүйлийг хаана буйг зааж өгөх зүүд мөн байдаг байна.
Харин энэ зүүдний тайлбар нь тун энгийн. Хүний уураг тархи нүдний хараандаа өртсөн үйл явдлыг цээжлэн, нэг ёсондоо өөрийн “архив”-т хадгална. Ингээд шөнө тэрхүү “архив”-ын бичлэгүүд зүүдлэгддэг аж.
Жишээ нь та түлхүүрээ алга болгосон, гэхдээ түлхүүрийг ширээний цаагуур унахыг нь харсан ч хоромхон зуур ор тас мартсаныг уураг тархины “архив” зүүдэнд таньд сануулна гэсэн үг юм. Биеийн эд эрхтэн нь ирээдүйд болох үйл явдлыг зүүдээр дамжуулан хэлж өгдөг байна. Зүрхний өвчлөлт, зүрхний шигдээсээр цус харвасан хүмүүсийн 100-ны 80 хувь нь өөрийгөө живж байна гэж зүүдэлдэг болохыг эмч, мэргэжилтнүүд тогтоож чаджээ. |
