''Поп урлагийн хаан'' гэгддэг Michael Jackson 50 насандаа ертөнцийн мөнх бусыг үзүүллээ. Дэлхийд энэ хүнийг мэдэхгүй хүн ховор бизээ, тэрээр хүүхэд наснаасаа л од болж интертайнмент ертөнцийн хамгийн нөлөө бүхий дуучин, бүжигчин болж чадсан бөгөөд шар сонингууд түүнээс хэзээ ч салаагүй билээ. Michael Jackson Лос Анжелесын эмнэлэгт нас барсан ба тэрээр 12:30-д LA дахь гэртээ амьсгалахгүй болсон байснаас түргэн тусламж очсоныхоо дараа хиймэл амьсгаа хийсэн ч тус болж чадаагүй ажээ.
1982 онд гарч байсан түүний   "Beat It," "Billie Jean" болон "Thriller"  альбомууд нь 26 сая гаруй зарагдсан нь одоогоороо хамгийн их зарагдсан  альбомд тооцогддог ажээ.

Түүний цэрэг стилийн жакет, цагаан бээлий, хар нүдний шил зэрэг нь  өвөрмөгц имижийг бүрдүүлж өгсөн бөгөөд мэс заслын аргаар арьсаа солиулан улмаар жил ирэх тусам түүний хамар нарийсаж, арьс нь улам бүр цагаарч байсан нь олны анхаарлыг зүй ёсоор татдаг байснаас гадна том хүн мөртөө хүүхэд шиг амьдрах гэдэг сонин байдал нь ч хүмүүсийн анхаарлын төвөөс ангид байгаагүй юм. Ямар сайндаа тэр өөрийн эдлэн газар болох Neverland-даа хүүхдүүдээр хүрээлүүлж, гадагш аялах болохоороо маск зүүн, өөрийн төрсөн хүүхдүүдийн нүүрийг нуудаг, Bubbles нэртэй сармагчинтай,  түүнтэйгээ ихэд дотно байдаг зэрэг гаж сонин аашилдаг байсан билээ. 2003 онд өмөн үү туссан 13 настай хүүг оролдсон гэсэн шуугиан нь түүнийг санхүүгийн хямралд хүргэж, түүний талаар хүмүүс муугаар боддог болоход ихэд түлхэц болсон ба энэ хэрэг 2005 онд нааштайгаар шийдэгдсэн билээ.

Jackson урлагтаа буцаж ирэхээр бэлтгэн Лондонгоор 50 гаруй  тоглолт хийхээр төлөвлөсөн байсан ажээ. Тиймээс ч Лос Анжелест бэлтгэл хийж эхлээд байсан юм байна. Түүнийг нас барсан гэсэн мэдээ цацагдангуут л Америкчууд нэг нэг рүүгээ утасдаж, мессеж бичиж маш сүржин хүлээж авч байгаа ба Michael Harris гэдэг залуу 'Тоглоом бишээ. Попын хаан байхгүй боллоо! гэсэн мессежийг найзаасаа аваад ихэд цочирдон ''Энэ бол яг л Кенниди алууллаа гэсэн шиг л байна,  Michael Jackson нас барлаа гэсэн мэдээг авахдаа  Times Square  дээр байснаа би лав мартахгүй'' гэж хэлжээ.