Энэ хавар үнэт алт, мөнгөн эдлэл гэхээсээ илүүтэйгээр чулуун гоёл мода болох гэнэ. Охид, бүсгүйчүүд хувцсандаа тохируулан өнгө, өнгийн чулуун ээмэг, зүүлт, бөгж зүүвэл таныг улам ихэмсэг харагдуулах нь ээ. Чулуун ээмэг, бөгжний хувьд том хэмжээтэй, овор ихтэй байвал илүү тансаг харагдах юм. Чулуун ээмэг, бугуйвч, хүзүүний зүүлт, бөгж зэрэг нь эмэгтэй хүнийг хээнцэр хэрнээ тансаг харагдуулдаг байна. Тухайлбал оюу чулуун гоёл чимэглэл нь өдөр тутмын ердийн хувцсан дээр ч сайхан зохицдог бөгөөд оюу нь моодны урсгалаас үл хамааран үргэлж тансаг, сайхан харагдсаар иржээ. Хэрэв та том биетэй бол хэтэрхий жижиг аксессуарыг сонгох хэрэггүй. Учир нь таныг улам том биетэй харагдуулах юм. Харин жижиг биетэй бүсгүйчүүд хэтэрхийн том аксессуар сонгохоос татгалзах хэрэгтэй. Энэ нь таныг улам жижиг харагдуулах болно. Чулуун аксессуар нь аль ч улиралд зохидог. Гэхдээ нэг зүйлийг сануулахад, та чулуун гоёл мода болж байгаа гээд тааралдсан гоёл чимэглэлээ худалдан авч болохгүй. Чулуун шигтгээтэй, хар, цагаан мєнгє, цагаан алтаар гоёвол та илүү хээнцэр харагдана. Мөн том ширхэгтэй, овор ихтэй чулуун бугуйвчийг хувцастайгаа хослуулан зүүгээд үзээрэй. Та бусдаас илүү мэдрэмжтэй, гоо сайхны мэдлэгтэй гэдгээрээ ялгарах болно.