Эрүүл чийрэг хүүхэд төрүүлэхийн тулд эх хүн та энгийн боловч чухал дараах зөвлөгөөг заавал хэрэгжүүлээрэй.

Сэтгэл санаа чухал
Жирэмсэн эмэгтэйн сэтгэл санааны тогтворгүй байдал нь бие махбодид боловсорч байгаа даавартай холбоотой байдаг. Тиймээс хүүхдээ төрүүлэхээр л шийдсэн бол та элдэв айдас, сэтгэлийн зовнилыг огт ажралгүй, гэр бүлийнхээ ирээдүйн сайн сайхныг бодож, төлөвлөн тайван амгалан байх хэрэгтэй. Бие бялдар, сэтгэл санааны хувьд эрүүл байвал эрүүл чийрэг хүүхэд төрөх нь дамжиггүй. Сэтгэл санаагаа өөдрөг байлгахад хамт амьдарч байгаа гэр бүлийн гишүүд, тэр дундаа нөхөр чухал үүрэгтэй.

Агаар чухал
Эхийн хэвлийд байгаа хүүхэд эхийн цуснаас хүчилтөрөгчийг ихээр хэрэглэдэг учир жирэмсэн эхчүүдийн агаар хангалттай байж хүчилтөрөгчийг биед ихээр хуримтлуулах нь хүүхдийн өсөлт хөгжилтөнд таатай нөлөөлнө. Хүчилтөрөгчийг биед ихээр хуримтлуулахын тулд өдөрт 1-2 минутын хугацаагаар ойр ойрхон 5 удаа амьсгалын дасгал хийж болно. Yүнийг хийхдээ өрөөгөө агааржуулаад сандал дээр суун ойр ойрхон түргэн амьсгална. Энэ нь ялангуяа жирэмсний сүүлийн хордлогын үед сайн нөлөөтэй байдаг.

Дэглэм чухал
Хэвлийд байгаа ургийн хөдөлгөөнийг идэвхжүүлэх дэглэм хэрэгтэй. Энэ дэглэмийг үе үе хүчилтөрөгч ба тэжээлийн дутагдлыг зохиомлоор үүсгэх замаар хийнэ. Хамгийн тохиромжтой арга нь хэвлий дэх ураг руу очиж буй цусыг хөдөлгөөнд оруулахын тулд идэвхтэй ажиллаж байгаа эхийн булчинд өгөх замаар байнгын дасгал хөдөлгөөн хийх явдал юм. Тухайлбал цэвэр агаарт явган явж зугаалах, 2-4 давхрын шатаар гарах, биеэ чийрэгжүүлэх гимнастик хийх гэх мэтээр ургийн хөдөлгөөнийг идэвхжүүлж болно.

Дасгал чухал
Урагт зориулж дасгал хийхээс гадна жирэмсэн эмэгтэй төрөлтөнд бэлдэх, төрсний дараа биеийн галбираа хэвийн байлгах зорилгоор хэвлийн, аарцаг, хярзан, таазны хөндийн булчинг бэхжүүлэх дасгал хийнэ. Дасгал хөдөлгөөнөөр системтэй, хяналттай тогтмол хичээллэвэл жирэмсний үеийн хордлого, хямрал болох бөөлжих, дотор муухайрах, толгой эргэх зэргээс сэргийлж чадна.

Хоол чухал
Хоолыг ямарч тохиолдолд хэт их идэхгүй байх хэрэгтэй. Хоол нь уураг, бичил элемент, витаминаар хангалттай баялаг байх ёстой. Жирэмсний үед та зөв хооллож, тэжээллэг, амин дэмээр баялаг хоол хүнс хэрэглэвэл хэвлий дэх хүүхэд зөв хөгжиж, эрүүл төрнө. Гэхдээ зөв хооллолт гэдэг нь их хэмжээгээр хоол идэх биш, харин олон төрлийн чанартай хоолыг бага багаар, ойр ойрхон идэхийг хэлнэ. Хэрвээ та нэг хүүхэд тээж байгаа бол таны биеийн жин сард 11.3 кг-аас илүүгүй нэмэгдэх ёстой. Тиймээс биеийн жингээ тогтмол үзэж, хянан хоол, хөдөлгөөний дэглэмээр зохицуулаарай.