Эмэгтэйчүүд бид оворгүй, сэтгэл булаам харагдахыг алхам тутамдаа мөрөөдөж явдаг гэхэд хилсдэхгүй. Гэтэл үүнийг амьдралд хэрэгжүүлэх бололцоо тэр болгон байдаггүй.
Гэр орон, ажлын ачаалал гээд ядарсандаа будаг шунхаа ч арилгалгүй унтчихдаг тал бий. Гэхдээ оворгүй сайхан харагдахад олон цаг толины өмнө суух, өдөр бүр салоноор явах шаардлагагүй.
Та зөвхөн өдөр тутмын амьдралдаа зөв дэглэм баримталж, аар саархан зүйлээр өөрийгөө тордоход л хангалттай.
• Энэтхэг йогчдын өдөр тутмын дасгал. Юуны өмнө өглөө босоод 2 нүдээ /6-10 удаа/, магнай, гарын шуу, хүйс, бэлэг эрхтэн, хөлөө цэв хүйтэн усаар шавшиж занш. Гайхалтай үр дүнд хүрнэ.
• Мөн өглөө бүр буцалсан ус ууж бай, /зөгийн балтай бол сайн/. Өтгөн хаталт, хоол боловсруулалтад тустай.
• Өглөөний хоол цай хөнгөн, чанарлаг байна. Ер нь хоолыг аль болох бага багаар идэж занш. Дан махан хоол байсан ч жижигхэн лууван үрэх, аягандаа хийхээс бүү залхуур.
• Тараг түлхүү хэрэглэж бай. Эмэгтэй хүний гоо сайханд нэн чухал.
• Өглөө бүр нүүрэндээ элдвийн будаг шунх түрхэх шаардлагаүй. Хамгийн сайн будаг ч хими агуулж байдаг. Зарим үед юу ч түрхэхгүй байх нь нүүрний арьсыг амраадаг.
• Хэрэв нүүр чинь будагтай бол яаж ч ядарсан арилгаж унтаарай.
• Хэрэв ажил чинь ганц хоёр буудлын зайтай бол явган яв. Биеийн жингээ хэвэнд нь байлгахад тустай.
Гоо сайхан байна гэдэг эрүүл мэндтэй нягт холбоотойг бүү мартаарай.