Оны шилдэг оюутан шал­гаруулдаг "Алма Матер" ёс­лолын ажиллагаа өчигдөр боллоо. Монголын залуучуу­дын холбоо, Залуу удирдагч сангаас хамтран зохион бай­гуулдаг энэ арга хэмжээ оюутан за­луусыг улс орны­хоо амьд­ралд идэвхтэй байр суурь эзлүүлэх зорилготой гэнэ. Мөн өмнөө тавьсан зорилгоо хэрэгжүүлэх бүхий л талын бололцоог нээх, залуу удир­дагчид, улс орны шилдэг сэ­хээтнүүд болон төрөн гара­хад дэмжлэг үзүү­лэхэд чиг­лэжээ.
Энэхүү арга хэмжээ нь 1993 оноос эхлэн жил бүр тасралтгүй явагдаж иржээ. Өнгөрсөн хугацаанд улсын болон хувийн их, дээд сур­гуулийн 500 гаруй шилдэг оюутан өрсөлдсөн байна. Жил бүр найман шилдэг оюу­тан шалгаруулж, тэднээс дөрвийг нь шилдгийн шилд­гээр өргөмжилдөг. Нэр дэв­шигч оюутан нь гурван ули­рал да­раалан 95-аас дээш үнэл­гээтэй суралцсан байх, эр­дэм шинжилгээ судалгаа­ны ажилд амжилт гаргасан, ний­гэм олон нийтийн идэвх­тэй, бусдыгаа манлайлагч гэсэн шаардлагыг хангасан байх ёстой аж. Сургууль бүр уг шалгуураар шилдэг гэсэн хоёр оюутнаа нэр дэв­шүүл­дэг байна. Өнөө жилийн хувьд 25 орчим их, дээд сургуулийн 38 оюутны мате­риал ирсэн бө­гөөд хөдөө орон нутаг болон гадаад, дотоодын сургуулийн оюутнууд өр­сөлдөж бай­гаа гэж зо­хион байгуулагчид нь онцол­лоо.

"Шилдгийн шилдэг оюу­тан"-аар ЭМШУИС-ийн Ана­гаах ухааны сургуулийн оюу­тан Ц.Баярбат, Их засаг их сургуулийн "Чингис тур" ая­лал жуулчлалын салбарын 414-р бүлгийн оюутан Х.Уд­валцэцэг, МУИС-ийн Эдийн засгийн сургуулийн банк сан­­хүү­гийн ангийн оюутан О.Мөнхтөр, Цагдаагийн ака­демийн 144-р дамжааны сон­согч  Б.Батнасан нар шалга­рав. Харин "Оны шилдэг оюу­тан" өргөмжлөлөөр зургаан оюутан шалгарсан юм. Тэд­ний нэг нь ОХУ-ын Буриадын их сургуулийн оюутан А.Ирээ­дүй байлаа.