Тарган  хүмүүсийн зов­­лон их. Гутал үдэхээс өгсүүлээд амьсгаа давх­цуулах, хөлс урсгах үйл олон. Тэдэнд таарах хув­цас хунар олдох нь ч хо­вор. Харин галбиртаа санаа зовсон мариа­лаг­чуудад зориулсан тураах арга, хэрэгсэл олон ян­заар бий болчихож. Өлс­гөж, гүйлгэж, харайлгаж, элдэв цай, хоол уулгаж идүүлэхээс  өгсүүлээд өөх хайлуулж, соруулдаг үйл­чилгээ энд тэндгүй. Тураа­даг, илүүдэл жинг хасах зориулалттай өч төчнөөн аппарат, хэрэгслийг эр­дэм­тэд зохион бүтээ­чих­сэн байна. Эдгээр арга, техникээс хэрэглээд гоолиг болсон нь ч бий, санасандаа хүрч чадаа­гүй нь ч олон байх. Турах хамгийн энгийн арга бол хөдөлгөөн гэдгийг илүү­дэл жинтэнгүүд сайн мэднэ. Харамсалтай нь амьдралд тэр бүр хэрэг­жүүлж чаддаггүй.  Энгий­нээр жингээ хасах бас нэг аргыг Америкийн эрдэм­тэд судалгаагаар батал­жээ. Энэ нь цэвэр ус уух гэнэ. Ус их уувал бодисын солилцоо сайжирч тура­хад нөлөөлдөг байна. Өдөрт дор хаяж 10-12 аяга ус залгилбал илүү үр нөлөө­тэй гэнэ. Тэдний судалгаагаар өдөрт олон аяга ус уусан бүсгүйчүүд цөөхнийг залгилсан зал­­хуу­чуудыг бодвол жингээ илүү их хаясан нь бат­лагдсан аж. Удахгүй шинэ жил болно. Гоёлын даа­шинзаа бэлдэж байгаа бүсгүйчүүд энэ аргыг тур­шаад үзэхэд илүүдэх юун. Ямар гарзтай юм биш, ахиухан ус уугаа л биз. Дашрамд сонирхуулахад өдөр бүр чихэрлэг жүүс уудаг бүсгүйчүүд энэ зурш­­­лаасаа татгалзахад жилд найман килограм­мыг хаядаг гэсэн судал­гааг эрдэмтэд гаргасан байна лээ.

I want to