Мексикийн Герреро мужийн Игуала хотоос 200 км-ийн цаанаас цагдаагийнхан 129 хүний цогцсыг олсон байна. Уг цогцсыг нэг нүхэнд хийж, шатамхай бодис шатсан байжээ. Одоогоор цогцснуудыг гарган авч, ДНК-ийг нь тодорхойлж эхэлжээ.
Амиа алдсан хүмүүсийн 60-ыг нь 11 сарын өмнө сураггүй алга болсон хэмээн гэр бүл нь цагдаагийнханд тэмдэглүүлсэн байна. Цагдаагийнхан амиа алдсан хүмүүсийн ихэнх нь 18-22 настай оюутнууд гэв. Энэ оюутнууд өмнө нь амиа алдсан 43 оюутантай холбоотой эсэх нь тодорхойгүй байна. Тус улсын Ерөнхийлөгч Энрике Пеня Ньето энэхүү хэргийг шалгаж, хэрэгтнүүдийг баривчлахыг үүрэгджээ.
Өнгөрсөн оны аравдугаар сарын 27-нд Игуала хотын Багшийн их сургуулийн 43 оюутан сураггүй алга болсон юм. Тус улсын цагдаа нар оюутнуудын цогцсыг Игуала хотын захын хорооллоос олсон билээ. Цогцсыг шатааж, дараа нь чандарласан учир өнөөдрийг хүртэл хэн гэдгийг нь тодорхойлох боломжгүй байгаа юм.
Г.Бэхи
