Боснийн топ фото модель Слободанка Тошич долдугаар сарын эхээр Сербийн цагдаа нар баривчилжээ. Тэрбээр "Playboy" сэтгүүлийн зураг авалтанд оролцож, Боснийн фото мисс шалгаруулалтанд тэргүүн байрыг эзлэж байсан бүсгүй юм байна. Хачирхалтйа нь түүнийг таван хүний амь насыг нь хөнөөсөн хэргээр баривчилжээ.
Түүний найз залуу нь гэмт бүлгийн толгойлогч нь байсан ба уг дээрмийн бүлгэмд 30 гаруй хүн багтаж байсан гэнэ.
Уг гэмт хэргийн бүлгэм 2012 онд хоёр хэсэг болж хуваагдсан бөгөөд тэдний орлогыг хэдэн сая еврогоор үнэлж байгаа юм байна. Энэ бүлгэм контр-банд, банк дээрэмдэх, хар тамхи, хүний амь нас хороох зэрэг олон бусармаг хэрэг үйлджээ. Одоогийн байдлаар тус бүлгэмээс 23 хүнийг барьсан байгаа бөгөөд сэжигтнүүдийн нэг нь амиа хорлож, нөгөө нь зүрхний шигдээс өвчнөөр нас барж, үлдсэнийг нь эрэн сурвалжилж байгаа аж
Бүлгэм хуваагдсаны дараа фото модель бүсгүй найз залуугийнхаа амийг хороох даалгаварыг алуурчинд өгсний улмаас баригджээ.
