Хойд Солонгосын удирдагч Ким Чен Ун Өмнөд Солонгосын Ерөнхийлөгч Пак Ын Хэг санаатайгаар дотоод асуудалд нь оролцож, иргэдийнх нь үзэл бодлыг өөрчлөхийг оролдлоо хэмээн буруутгасан тухай “Yonhapnews.co.kr” мэдээллээ. Өнгөрсөн бямба гаригт Өмнөдүүд Хойд Солонгос руу “Ардчилал, эрх тэгш амьдралын төлөө тэмцэх хэрэгтэй” гэж бичсэн ухуулга хуудастай 50 гаруй бөмбөлөг илгээсэн билээ. Бөмбөлөгүүд нийслэл Пхеньянаас 200 км-ийн цаана байрлах Конгжу хэмээх тосгонд газарджээ. Хойдын цэргүүд дээрх ухуулга хуудсыг иргэдийн гарт очихоос нь өмнө шатаасан тухай “KCNA” агентлаг мэдээлэв.
Удирдагч Өмнөдийн Ерөнхийлөгчид хандаж “Дахин улсынх нь эсрэг чиглэсэн ухуулга хуудас илгээсэн тохиолдол сануулга өгөхгүйгээр пуужин харвах болно. Бүгдийг чинь хүйс тэмтрэх болно” гэжээ. Өмнөдийн Батлан хамгаалах яам Хойд руу хөөрсөн ухуулга хуудастай бөмбөлгүүдийг Засгийн газартай ямар ч холбоогүй гэдгийг “Хөдөлмөрийн нам”-ын удирдлагуудад мэдэгдсэн байна.
Б.Дэлгэрцэцэг