Хотын дарга машины зогсоолд морь харж, согтуугаар жолоо барьжээ
Уншсан 2843 vote 0 2014.09.24 08:33:20Хотын дарга машины зогсоолд морь харж, согтуугаар жолоо барьжээ
Мансууруулах бодист донтож байснаа хүлээн зөвшөөрснөөр зард гарсан Канадын Торонто хотын дарга Роб Форд ховор төрлийн хорт хавдартай болсныг эмч нар илрүүлжээ. Түүнийг эмчлэгч эмч Зейн Коэний хэлснийг иш татан Ассошэйтед пресс агентлаг ингэж мэдээлсэн байна.
Фордын гэдэсний хөндийн холбогч эдийн хорт хавдартай болжээ гэсэн онош тавьсаныг эмч хэлжээ. Хавдар тархаж, бага зэргийн “зангилаа” зүүн өгзөгнөөс илэрснийг эмч тэмдэглэсэн байна.
Торонто хотын дарга гэдсээр өвдөж байна гэж өнгөрсөн долоо хоногт эмчид хандаж, тэгээд эмнэлэгт хэвтжээ. Ойрын хоёр өдөр тэр химийн ээлж эмчилгээ хийлгэнэ эмчлэгч эмч нь мэдээлсэн байна. Гэхдээ мэс засал хийх шаардлага гарахыг ч тэр үгүйсгээгүй ажээ.
Форд 2010 онд Торонто хотын даргын албан тушаалд анх орж, хотын захиргааны зардлыг танахаар амлаж байсан юм. Удалгүй тэр хог тээвэрлэх ажлыг хувьд шилжүүлж, тээврийн татварыг цуцласан ч, дараа нь хотын зөвлөлтэй муудалцжээ. Тэр бас тухайлбал, крэк хэмээх мансууруулах бодис татдагаа хүлээснээр, муу нэр дуулах болсонбайна.
Форд өдөрт дөрөвхөн цаг ажиллаж, хотын захиргаанд хүүхэн шуухан авчирч, гэрийнхээ чийдэнгийн шилийг солиулахаар ажилтнуудаа явуулдаг гэж хуучин болон одоогийн ажилтнууд нь гомдоллодог байжээ. Хотын дарга согтуугаар машин барьж, машины ил зогсоолд “морь харж” байснаа хүлээсэн байна.
Форд хотын даргаар улиран сонгогдох бодолтой байгаагаа дөрөвдүгээр сард мэдэгджээ. Ялсан нөхцөлд хотын захиргааны зардлыг багасгаж, татварын хэмжээг бага хэмжээнд барьж, хүнд суртлын чирэгдлийг арилгахын төлөө цаашид тэмцэнэ гэж амласан байна. Хотын даргын сонгууль ирэх аравдугаар сард болох ажээ.
Форд мансууруулах бодисын донтсонтой холбоотой эмчилгээ хийлгээд зургаадугаар сарын сүүлчээр ажилдаа орсон байна. Нөхөн сэргээх ээлж эмчилгээ хоёр сар үргэлжилжээ.